ពិព័រណ៍សៀវភៅថ្នាក់ជាតិលើកទី៤ ចាប់ផ្តើមនៅថ្ងៃសុក្រនេះ

ជាតិ

សង្គមជាតិ

ពិព័រណ៍សៀវភៅថ្នាក់ជាតិលើកទី៤ ចាប់ផ្តើមនៅថ្ងៃសុក្រនេះ

10, Dec 2015 , 7:39 am

រូបភាព

ដោយ: ថ្មីៗ

កម្ពុជារៀបចំពិព័រណ៍សៀវភៅថ្នាក់ជាតិក្រោមប្រធានបទ«អានខ្ញុំថ្ងៃនេះ ដើម្បីជោគជ័យថ្ងៃស្អែក» ដើម្បីលើកកម្ពស់ និងជំរុញការអានសៀវភៅនៅកម្ពុជា។

ពិព័រណ៍សៀវភៅកម្ពុជាថ្នាក់ជាតិលើកទី៤ នេះ មានរយៈពេល៣ថ្ងៃ គឺពីថ្ងៃទី១១ដល់ទី១៣ខែធ្នូ ឆ្នាំ២០១៥ នៅបណ្ណាល័យជាតិកម្ពុជា ក្រោមប្រធានបទ «អានខ្ញុំថ្ងៃនេះ ដើម្បីជោគជ័យថ្ងៃស្អែក»។

លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ក៏នឹងចូលរួមនៅក្នុងពិធីបើកសម្ពោធពិព័រណ៍នេះផងដែរ។

នៅក្នុងពិព័រណ៍សៀវភៅនេះ អ្នកបោះពុម្ពផ្សាយកម្ពុជា អង្គការជាតិនានា នឹងបង្ហាញដាក់ស្នាដៃ និងសៀវភៅរបស់ខ្លួន ទៅដល់សាធារណជនទូទៅដែលចូលរួមផងដែរ។ ជាមួយគ្នានោះ ក៏មានកម្មវិធីពិសេសៗជាច្រើនទៀតដូចជា ការលក់សៀវភៅបញ្ចុះតម្លៃ បទបង្ហាញនានាទាក់ទងនឹងការសរសេរសៀវភៅ កម្មវិធីសម្រាប់កុមារ ការប្រគុំតន្ត្រី ការចាប់យករង្វាន់ និងកម្មវិធីជាច្រើនទៀត៕