កីឡាជាតិ
បច្ចេកវិទ្យា
កម្ពុជា៖ អ្នកប្រើប្រាស់អ៊ីនធឺណិតមានជាង៦លាននាក់ ភាគច្រើនប្រើក្នុងទូរសព្ទចល័ត
×![]()
ដោយ: ថ្មីៗ
ភ្នំពេញ៖ មកទល់ខែកញ្ញាឆ្នាំ២០១៥នេះ ទិន្នន័យអ្នកប្រើប្រាស់ប្រព័ន្ធអ៊ីនធឺណេតនៅកម្ពុជាមានចំនួន៦លាន២សែននាក់ ដែលក្នុងនោះភាគច្រើនប្រើប្រាស់ក្នុងទូរសព្ទចល័ត។ នេះបើតាមអត្ថបទចុះផ្សាយរបស់ទីភ្នាក់ងារសាព័ត៌មាន AKP។ តាម AKP កម្ពុជាមានការប្រើប្រាស់ស៊ីមទូរសព្ទជាង២១លានស៊ីម ជាប់ចំណាត់ថ្នាក់ទី២នៅតំបន់អាស៊ាន។
តាមការអះអាងរបស់លោក កាន ច័ន្ទមេតា្ត រដ្ឋលេខាធិការក្រសួងប្រៃសណីយ៍និងទូរគមនាគមន៍ មកដល់ខែកញ្ញាឆ្នាំ២០១៥នេះ កម្ពុជាមានអ្នកប្រើប្រាស់ប្រព័ន្ធអ៊ីនធឺណេតចំនួន៦លាន២សែននាក់ ដែលក្នុងនោះអ្នកប្រើប្រាស់អ៊ីនធឺណិតតាមប្រព័ន្ធទូរសព្ទចល័តស្ទើរតែ៩៨ភាគរយទៅហើយ។
ទាក់ទិននឹងការប្រើប្រាស់ប្រព័ន្ធទូរសព្ទចល័តនេះដែរ លោក កាន ច័ន្ទមេតា្ត បន្តអះអាងទៀតថា មកដល់ខែកញ្ញាឆ្នាំ២០១៥នេះ មានការជាវស៊ីមទូរស័ព្ទចំនួនជាង២១លានស៊ីម ស្មើនឹង១៥០ភាគរយទៅ១៥៥ភាគរយនៃចំនួនប្រជាពលរដ្ឋកម្ពុជាសរុប។
មន្ត្រីរូបនេះដដែលបានព្យាករណ៍ថា ក្នុងឆ្នាំ២០២០ ប្រជាជនកម្ពុជានៅទូទាំងប្រទេស គ្រប់ទីកន្លែងទាំងទីប្រជុំជន និងតំបន់ដាច់ស្រយាលនឹងទទួលបានសេវាទូរសព្ទ និងសេវាអ៊ីនធឺណិតប្រើប្រាស់គ្រប់ៗគ្នាទាំងអស់។
លោក ម៉ូវ ចរិយា ប្រធានបញ្ញត្តិករក្រសួងប្រៃសណីយ៍ និងទូរគមនាគមន៍ មានប្រសាសន៍ថា ក្នុងប្រទេសកម្ពុជាបច្ចុប្បន្ននេះក្រុមហ៊ុនដែលកំពុងបម្រើសេវាកម្មទូរសព្ទ មានចំនួន៨ក្រុមហ៊ុន ក្នុងនោះក្រុមហ៊ុនទូរសព្ទខ្នាតធំជាងគេមាន៣ក្រុមហ៊ុន។ មន្ត្រីរូបនេះបញ្ជាក់ថា ប្រទេសកម្ពុជាមានចំណាត់ថ្នាក់ទី២ បន្ទាប់ពីប្រទេសសិង្ហបុរី ដែលប្រើប្រាស់ទូរសព្ទចល័តច្រើនជាងគេនៅក្នុងបណ្តាប្រទេសអាស៊ាន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
