អន្តរជាតិ
×![]()
នៅថ្ងៃពុធម្សិលមិញ ប្រមុខការពារជាតិអាមេរិក លោកAshton Carter បានចុះទៅទស្សនកិច្ចក្រុងបាដាត និងជួបថ្នាក់ដឹកនាំជាន់ខ្ពស់អ៊ីរ៉ាក់ ដើម្បីរកមធ្យោបាយពង្រីកបេសកកម្មកំចាត់ក្រុមជីហាតរដ្ឋឥស្លាម ឬក្រុមដែស្ហ ដណ្តើមយកដែនដីអ៊ីរ៉ាក់មកវិញ។ កងទ័ពអ៊ីរ៉ាក់កំពុងចង់វាយយកក្រុងម៉ូស៊ូលមកវិញ។
ក្រុងម៉ូស៊ូលជាក្រុងសំខាន់ទី២ ស្ថិតនៅភាគខាងជើងអ៊ីរ៉ាក់។ ក្រុមដែស្ហដណ្តើមយកក្រុងនេះ ពីរដ្ឋាភិបាលអ៊ីរ៉ាក់ តាំងពីខែមិថុនា ឆ្នាំ២០១៤ម្ល៉េះ។ លោក Ashton Carter បានលើកឡើងថា អាមេរិកអាចពង្រាយឧទ្ធម្ភាគចក្រនិងផ្តល់ទីប្រឹក្សាយោធាដល់អ៊ីរ៉ាក់បាន លុះត្រាតែមានការអនុញ្ញាតពីនាយករដ្ឋមន្ត្រីអ៊ីរ៉ាក់ លោក ហៃដា អាល់ អាបាឌី ជាមុនសិន ដើម្បីកុំអោយរំលោភបូរណភាពទឹកដីអ៊ីរ៉ាក់។ យោងតាមលោក Carter លោកហៃដា អាបាឌី និងរូបលោកបានជជែកគ្នាពីលទ្ធភាពនៃការចូលរួមរបស់អាមេរិកក្នុងការ ជួយកងទ័ពអ៊ីរ៉ាក់អោយវាយឈ្នះក្រុមដែស្ហក្នុងសមរភូមិ ពិសេសពេលកងទ័ពអ៊ីរ៉ាក់សម្រុកឆ្ពោះទៅក្រុងម៉ូស៊ូល។
រហូតពេលនេះ នាយករដ្ឋមន្ត្រីអ៊ីរ៉ាក់មិនបានទាមទារជំនួយឧទ្ធម្ភាគចក្រApacheទេ។ តែយោងតាមប្រមុខការពារជាតិអាមេរិក រដ្ឋាភិបាលក្រុងបាក់ដាតនិងមេបញ្ជាការយោធាអាមេរិក លោក Ramadi Sean B. MacFarland គិតថា ឧទ្ធម្ភាគចក្រទាំងនេះគ្មានភាពចាំបាច់ដើម្បីយកទៅប្រើប្រឆាំងក្រុមភេរវជន វាយយកក្រុងនេះមកវិញទេ។ ទោះយ៉ាងនេះក្តី ប្រមុខការពារជាតិអាមេរិក សង្ឃឹមថាថ្ងៃណាមួយ អ៊ីរ៉ាក់អាចនឹងត្រូវការឧទ្ធម្ភាគចក្រនេះ។
ក្នុងសមរភូមិពេលនេះ កងកម្លាំងអ៊ីរ៉ាក់១០០០០នាក់ កំពុងឡោមព័ទ្ធក្រុងរ៉ាម៉ាឌី នៅភាគកណ្តាលប្រទេស។ ស្ថានភាពប្រយុទ្ធហាក់អំណោយផលដល់ពួកគេ តែគេពុំទាន់ដឹងថា តើត្រូវចំណាយពេលប៉ុន្មានទើបអាចយកក្រុងនោះពីក្រុមដែស្ហមកវិញ។ អាមេរិកហាក់ចង់បង្កើនសកម្មភាពយោធានៅបាដាត ក្រោយមានភេរវកម្មនៅប៉ារីស កាលពីថ្ងៃ១៣វិច្ឆិកា។
កាលពីដើមខែធ្នូ ក្រុងវ៉ាស៊ីនតោនបានប្រកាសពង្រាយកងទ័ពពិសេសរបស់ខ្លួន ដើម្បីជួយកងទ័ពអ៊ីរ៉ាក់ក្នុងសមរភូមិ និង ចុះប្រតិបត្តិការពហុភាគីនៅស៊ីរី៕
ក្រុងម៉ូស៊ូលជាក្រុងសំខាន់ទី២ ស្ថិតនៅភាគខាងជើងអ៊ីរ៉ាក់។ ក្រុមដែស្ហដណ្តើមយកក្រុងនេះ ពីរដ្ឋាភិបាលអ៊ីរ៉ាក់ តាំងពីខែមិថុនា ឆ្នាំ២០១៤ម្ល៉េះ។ លោក Ashton Carter បានលើកឡើងថា អាមេរិកអាចពង្រាយឧទ្ធម្ភាគចក្រនិងផ្តល់ទីប្រឹក្សាយោធាដល់អ៊ីរ៉ាក់បាន លុះត្រាតែមានការអនុញ្ញាតពីនាយករដ្ឋមន្ត្រីអ៊ីរ៉ាក់ លោក ហៃដា អាល់ អាបាឌី ជាមុនសិន ដើម្បីកុំអោយរំលោភបូរណភាពទឹកដីអ៊ីរ៉ាក់។ យោងតាមលោក Carter លោកហៃដា អាបាឌី និងរូបលោកបានជជែកគ្នាពីលទ្ធភាពនៃការចូលរួមរបស់អាមេរិកក្នុងការ ជួយកងទ័ពអ៊ីរ៉ាក់អោយវាយឈ្នះក្រុមដែស្ហក្នុងសមរភូមិ ពិសេសពេលកងទ័ពអ៊ីរ៉ាក់សម្រុកឆ្ពោះទៅក្រុងម៉ូស៊ូល។
រហូតពេលនេះ នាយករដ្ឋមន្ត្រីអ៊ីរ៉ាក់មិនបានទាមទារជំនួយឧទ្ធម្ភាគចក្រApacheទេ។ តែយោងតាមប្រមុខការពារជាតិអាមេរិក រដ្ឋាភិបាលក្រុងបាក់ដាតនិងមេបញ្ជាការយោធាអាមេរិក លោក Ramadi Sean B. MacFarland គិតថា ឧទ្ធម្ភាគចក្រទាំងនេះគ្មានភាពចាំបាច់ដើម្បីយកទៅប្រើប្រឆាំងក្រុមភេរវជន វាយយកក្រុងនេះមកវិញទេ។ ទោះយ៉ាងនេះក្តី ប្រមុខការពារជាតិអាមេរិក សង្ឃឹមថាថ្ងៃណាមួយ អ៊ីរ៉ាក់អាចនឹងត្រូវការឧទ្ធម្ភាគចក្រនេះ។
ក្នុងសមរភូមិពេលនេះ កងកម្លាំងអ៊ីរ៉ាក់១០០០០នាក់ កំពុងឡោមព័ទ្ធក្រុងរ៉ាម៉ាឌី នៅភាគកណ្តាលប្រទេស។ ស្ថានភាពប្រយុទ្ធហាក់អំណោយផលដល់ពួកគេ តែគេពុំទាន់ដឹងថា តើត្រូវចំណាយពេលប៉ុន្មានទើបអាចយកក្រុងនោះពីក្រុមដែស្ហមកវិញ។ អាមេរិកហាក់ចង់បង្កើនសកម្មភាពយោធានៅបាដាត ក្រោយមានភេរវកម្មនៅប៉ារីស កាលពីថ្ងៃ១៣វិច្ឆិកា។
កាលពីដើមខែធ្នូ ក្រុងវ៉ាស៊ីនតោនបានប្រកាសពង្រាយកងទ័ពពិសេសរបស់ខ្លួន ដើម្បីជួយកងទ័ពអ៊ីរ៉ាក់ក្នុងសមរភូមិ និង ចុះប្រតិបត្តិការពហុភាគីនៅស៊ីរី៕
Tag:
អ៊ីរ៉ាក់
អាមេរិក
ក្រុមដែស្ហ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
