កីឡាជាតិ
បទយកការណ៍ / បទសម្ភាសន៍
វីរកីឡាការិនី កែ ឡេង៖ អ្នកលេងប៉េតង់ត្រូវចេះធ្វើសមាធិ ជាពិសេសពេលប្រកួត
×![]()
កីឡាការិនី កែ ឡេង ម្ចាស់ជើងឯកពានរង្វាន់ពិភពលោក២ឆ្នាំជាប់គ្នា បានប្រាប់ពីយុទ្ធសាស្ត្រ និងតិចនិចមួយចំនួនធ្វើយ៉ាងណាដើម្បីកា្លយជាអ្នកលេងប៉េតង់ដ៏ពូកែ ហើយកីឡាការិនីម្នាក់នេះបានចាត់ទុកកីឡាប្រភេទនេះថាជាកីឡាសមាធិ។ ការលើកឡើងបែបនេះក្នុងបទសម្ភាសជាមួយអ្នកសារព័ត៌មានថ្មីៗកាលពីពេលកន្លងទៅថ្មីៗនេះ។ 
កីឡាការិនី កែ ឡេង បើតាមបទពិសោធន៍របស់អ្នកស្រី ដើម្បក្លាយជាអ្នកលេងកីឡាប៉េតង់ដ៏ល្អម្នាក់ ត្រូវមានភាពអំណត់ក្នុងការហ្វឹកហាត់ ហើយក្នុងការហ្វឹកហាត់ត្រូវធ្វើការកត់ចំណាំថាតើការវាយខុស ឬត្រូវនោះមកពីបញ្ហាអ្វីដោយសារម្រាមដៃ ឬដោយសារកម្លាំងក្នុងការលើកដាក់។ ហើយជាពិសេសក្នុងពេលប្រកួតត្រូវផ្តោតអារម្មណ៍ឱ្យមូលទៅលើគោលដៅដែលយើងត្រូវវាយកុំខ្វល់នឹងពាក្យអ្នកជិតខាងសូម្បីតែគ្រូបង្វឹកក៏ដោយ។
កីឡាការិនី កែ ឡេង បញ្ជាក់ថា៖«ភាពជោគជ័យរបស់ខ្ញុំគឺលើអាស្រ័យលើការអំណត់ក្នុងការហ្វឹកហាត់ ត្រូវកំណត់ថាប៊ូលនៅចម្ងាយណាវាយយ៉ាងណា លើកដាក់យ៉ាងដាក់ដៃកំពស់ណាដើម្បីវាយប៊ូលនោះត្រូវ ហើយនៅពេលខ្ញុំវាយខុសបណ្តាលមកពីបញ្ហាអ្វី ម្រាមដៃរបស់ខ្ញុំ ការវាយសណ្តូកដៃមិនត្រង់ឬយ៉ាងណា។ ជាពិសេសនៅប្រកួតត្រូវធ្វើការសមាធិរបស់យើងអត់រវីរវល់ អត់ស្តាប់អ្នកណាទាំងអស់ គឺយើងសំឡឹងមើលតែគោលដៅរបស់យើងប៉ុណ្ណោះ»។
កីឡាការិនី កែ ឡេង បានចាត់ទុកកីឡាប្រភេទនេះថាជាប្រភេទកីឡាសមាធិ ព្រោះដោយសារនៅពេលប្រកួតម្តងៗយើងត្រូវផ្តោតអារម្មណ៍ឱ្យមូលមិនខ្វល់អ្វីទាំងអស់។ កីឡាការិនីម្នាក់នេះបញ្ជាក់ដូច្នេះថា៖«ប៊ូលនេះដូចខ្ញុំនិយាយអញ្ជឹងថាជាប៊ូលសមាធិ អត់ខ្វល់ពីអ្វីទាំងអស់ ប្រសិនបើហ៊ានតែស្តាប់គ្រូរបស់យើងបន្តិច យើងនឹងវាយខុស»៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
