រឿងលុបរូបគំនូរស្ត្រីលើជញ្ជាំង៖លោក ខៀវ កាញារីទ្ធ គិតផ្ទុយពីសាលារាជធានីភ្នំពេញ

ជាតិ

សង្គមជាតិ

រឿងលុបរូបគំនូរស្ត្រីលើជញ្ជាំង៖លោក ខៀវ កាញារីទ្ធ គិតផ្ទុយពីសាលារាជធានីភ្នំពេញ

19, Dec 2015 , 10:46 am

រូបភាព

ដោយ: ថ្មីៗ

រដ្ឋមន្ត្រីក្រសួងព័ត៌មានបានបញ្ចេញទស្សនៈរបស់ខ្លួនលើសកម្មភាពរបស់សាលារាជធានីភ្នំពេញ ដែលបានលុបរូបស្ត្រីដ៏ចម្រូងចម្រាសនៅលើជញ្ជាំងអគារប៊ិលឌីងដែលគូរដោយជនជាតិអាមេរិក។

លោករដ្ឋមន្ត្រីបាននិយាយបែបឧបមានៅលើហ្វេស៊ប៊ុករបស់ខ្លួនថា ប្រសិនបើរូបខ្លួនលុបរូបគំនូរស្ត្រីនៅលើអាគារប៊ិលឌីងនេះចេញ រួបលោកនឹងលាបថ្នាំជញ្ជាំងថ្មីអគារចាស់នេះ ឲ្យស្អាតតែម្តង។ លោក កាញារីទ្ធ ដែលហៅការគិតរបស់ខ្លួនថាប្លែកនៅពេលដែលលោកមានអាយុ ៦០ ឆ្នាំ បានបញ្ជាក់បន្ថែមយ៉ាងនេះថា៖«ខ្ញុំគិតថា ប្រសិនបើខ្ញុំជ្រុលទៅលុបរូបលើជញ្ជាំងប៊ិលឌីងដ៏កញ្ចាស់អ៊ីចឹងហើយ ខ្ញុំសុខចិត្តលាបពណ៌ថ្មីឲ្យប៊ិលឌីងទាំងមូលតែម្តង ដើម្បីឲ្យបានស្អាតទីក្រុងផង។ សូមទោសមនុស្សចាស់គិតលេងៗទេ»។

សូមចូលអានអត្ថបទ៖លុបគំនូរនៅជញ្ជាំងអគារប៊ូលឌីង ដើម្បីរក្សាសោភ័ណភាពរាជធានីភ្នំពេញ និងអបត្ថបទ តើអ្នកគូររូបនៅលើប៊ិលឌីង ជានរណា? និង អត្ថបទ លុបគំនូរនៅជញ្ជាំងអគារប៊ិលឌីង ដើម្បីរក្សាសោភ័ណភាពរាជធានីភ្នំពេញ