ឈ្លូសយក្ស រស់នៅព្រៃស្រោង ដែលមានរយៈកម្ពស់ខ្ពស់រហូត ៩០០ម៉ែត្រ

ពីនេះ ពីនោះ

ឈ្លូសយក្ស រស់នៅព្រៃស្រោង ដែលមានរយៈកម្ពស់ខ្ពស់រហូត ៩០០ម៉ែត្រ

19, Dec 2015 , 2:19 pm

រូបភាព

ដោយ: ថ្មីៗ

ភិនភាគ៖ ឈ្លូសយក្សមានទម្ងន់ ៣៤គ.ក ឬក៏លើសពីនេះ។ ជាមធ្យមស្នែងមានប្រវែងរហូតដល់ ២៨ស.ម មានរាងស្រួចនៅខាងចុង និងពីគល់ស្នែងដល់ខ្នែងមានប្រវែង ១០ស.ម។ មានរាមពណ៌ប្រផេះត្នោត រហូតដល់ខ្មៅដាំដែង និងមានឆ្នូតខ្មៅនៅថ្ងាស ព្រមទាំងពណ៌សនៅផ្នែកពោះ។ វាមានកន្ទុយខ្លីរាងត្រីកោណ និងមានពណ៌សនៅផ្នែកខាងក្រោម។ ដូចប្រភេទឈ្លូសដទៃទៀតដែរឈ្លូសយក្សឈ្មោលមានចង្កូមលើដុះលានចេញមកខាងក្រៅ។

ជីវសាស្ត្រ៖ វាចូលចិត្តរស់នៅតែឯងតាមតំបន់ខ្ពង់រាបដែលមានរយៈកម្ពស់ខ្ពស់រហូតដល់ទៅ ៩០០ម ក្នុងព្រៃស្រោង និងព្រៃពាក់កណ្តាលស្រោង។ វាចេញរកស៊ីនៅពេលព្រឹកព្រលឹម និងពេលព្រលប់។ ចំណីរបស់វាមានរុក្ខជាតិ និងផ្លែឈើ។

រប៉ាយរស់នៅ៖ នៅប្រទេសកម្ពុជា ឈ្លូសយក្សមាននៅភូមិភាគឦសាន ភូមិភាគខាងជើង និងតាមជួរភ្នំក្រវាញ។ គេបានរកឃើញផងដែរនៅភាគកណ្តាលប្រទេសឡាវ វៀតណាម និងថៃ។

ស្ថានភាពអភិរក្ស៖ ឈ្លូសយក្សស្ថិតក្នុងក្រុមប្រភេទមានដោយកម្រ។ ប្រភេទនេះកំពុងរងគ្រោះថ្នាក់ដោយសារការបរបាញ់យកសាច់ ស្នែង និងឆ្អឹងរបស់វា ដើម្បីធ្វើពាណិជ្ជកម្ម។ ប្រភេទនេះត្រូវបានចុះក្នុងតារាងឧបសម្ព័ន្ធទី១ នៃអនុសញ្ញាសាយតេស និងក្នុងបញ្ជីក្រហម IUCN (DD) ថាពុំមានទិន្នន័យគ្រប់គ្រាន់។