ជាតិ
សង្គមជាតិ
អ្នកជំនាញត្រៀមជួសជុលចម្លាក់តោនៅប្រាសាទក្រវាន់
× សៀមរាប៖ ចម្លាក់តោ ដែលរងការខូចខាតនៅមុខប្រាសាទក្រវាន់ គ្រោងនឹងធ្វើការជួសជុលក្នុងពេលឆាប់ៗខាងមុខនេះ។ ការជួសជុលនេះ ធ្វើឡើងក្នុងបំណងថែរក្សាសម្បត្តិបេតិកភណ្ឌក្នុងរមណីយដ្ឋានអង្គរ ដែលបាននិងកំពុងរងការខូចខាច ដោយសារកត្តាមនុស្ស និងកត្តាធម្មជាតិ។
ក្នុងន័យលើកតម្លៃសម្បត្តិបេតិកភណ្ឌរូបី នាយកដ្ឋានអភិរក្សប្រាសាទក្នុងឧទ្យានអង្គរ របស់អាជ្ញាធរជាតិអប្សរា គ្រោងធ្វើការជួសជុលចម្លាក់តោ ដែលធ្វើពីថ្មភក់ចំនួន៥នៅប្រាសាទក្រវាន់។ ជាការងារ ដែលអាជ្ញាធរជាតិអប្សរា បាននិងកំពុងជួសជុលរូបចម្លាក់ជាច្រើន ក្នុងប្រាសាទ ដែលស្ថិតក្នុងរមណីយដ្ឋានអង្គរ។
ក្នុងអត្ថបទចុះផ្សាយរបស់ខ្លួន អាជ្ញាធរជាតិអប្សរា តាមរយៈលោក លី វណ្ណា ប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បាននិយាយថា ក្រុមជំនាញនឹងដឹកយករូបចម្លាក់តោ ដែលរងការខូចខាតខាងលើ ទៅដាក់នៅសារមន្ទីរ ព្រះនរោត្តមសីហនុ-អង្គរ ដើម្បីជួសជុល និងឆ្លាក់រូបតោ ដែលរងការបែកបាក់ ទៅតាមរចនាបថដើមវិញ៕
© រក្សាសិទ្ធិដោយ thmeythmey.com