ពីនេះ ពីនោះ
មួយឆ្នាំទៀតហើយ អ្នកបានធ្វើអ្វីខ្លះសម្រាប់ជីវិតខ្លួនឯង? ចូរឆ្លើយសំណួរខាងក្រោម...!
×
មុននឹងឆ្លើយសំណួរខាងក្រោម អ្នកត្រូវត្រៀមខ្លួនឲ្យបានរួចរាល់ និងរកកន្លែងល្អ (បរិយាកាសល្អ, ខ្យល់បរិសុទ្ធ, កន្លែងស្ងប់ស្ងាត់,...)។ បន្ទាប់មក ចាប់ផ្តើមឆ្លុះបញ្ចាំងដោយផ្ចង់អារម្មណ៍ឲ្យនឹងន ហើយរម្លឹកពីសកម្មភាពប្រចាំថ្ងៃរបស់អ្នកក្នុងរយៈពេលពេញមួយឆ្នាំនេះ។
១) សកម្មភាពប្រចាំថ្ងៃ, ផែនការរយៈពេលខ្លី-វែង និងគោលបំណងអ្វីខ្លះ ដែលអ្នក«បានកំណត់ និងបានធ្វើ»ក្នុងឆ្នាំ២០១៥ ? ហើយទទួលបានលទ្ធផលអ្វីខ្លះ? ចុះចំណុចផ្សេងទៀត ហេតុអ្វីបានជាមិនអាចធ្វើបាន?
២) សកម្មភាពអ្វីខ្លះ ដែលអ្នកបានធ្វើ ហើយធ្វើឲ្យអ្នកសប្បាយចិត្ត និងមិនសប្បាយចិត្ត? មិនថាសកម្មភាពល្អ ឬមិនល្អណាខ្លះ ដែលធ្វើឲ្យអ្នកចងចាំបំផុត?
៣) សកម្មភាពអ្វីខ្លះ ដែលអ្នកគិតថា ប្រសិនបើអ្នកមិនបានធ្វើវា នោះអ្នកនឹងសោកស្តាយអស់មួយជីវិត? (ដូច្នេះ អ្នកត្រូវតែធ្វើសកម្មភាពនោះឲ្យបានជោគជ័យ!)
៤) សកម្មភាពអ្វីខ្លះ ដែលអ្នកគិតថា ប្រសិនបើអ្នកធ្វើវាហើយ នោះអ្នកនឹងសោកស្តាយអស់មួយជីវិត? (ដូច្នេះ អ្នកកុំធ្វើសកម្មភាពនោះឲ្យសោះ!)
៥) ក្រោយពីឆ្លុះបញ្ចាំងសកម្មភាពខ្លួនឯងហើយ តើអ្នកបានអភិវឌ្ឍន៍ខ្លួនជាងមុនដែរ ឬទេ?
៦) តើអ្នកនឹងធ្វើអ្វីបន្តទៀតសម្រាប់ឆ្នាំ២០១៦ ? (ត្រូវកត់ត្រាទុក និងឧស្សាហ៍រម្លឹកវាឲ្យបានញឹកញាប់នូវអ្វីដែលអ្នកចង់ធ្វើ, ធ្វើវាដើម្បីអ្វី?, រយៈពេលយូរប៉ុណ្ណា? និងធ្វើដោយរបៀបណា? )
៧) ចាប់ពីឆ្នាំ២០១៦ តទៅ! អ្នកនឹងធ្វើឲ្យខ្លួនឯងទៅជាមនុស្សបែបណា? (កូនល្អ, សិស្សពូកែ, បុគ្គលិកល្អ, អ្នកដឹកនាំដ៏ឆ្នើម,...) ៕
© រក្សាសិទ្ធិដោយ thmeythmey.com