ពីនេះ ពីនោះ
Facebook កំពុងតែជួយអ្នក ឬធ្វើឲ្យអ្នកធ្លាក់នៅពេលសម្ភាសន៍ការងារ
×
អ្នកប្រើប្រាស់បណ្តាញសង្គម Facebook ភាគច្រើនចូលចិត្តបង្ហោះរូប, ចែករំលែក, បញ្ចេញគំនិតយោបល់ និងបង្ហាញពីទម្លាប់ប្រចាំថ្ងៃ ឬអាម្មណ៍នៅលើគណនី Facebook របស់ពួកគេម្នាក់ៗ ។ អ្វីដែលពួកគេបានបង្ហោះ ភាគច្រើនបំផុតសុទ្ធតែឆ្លុះបញ្ចាំងពីអត្តចរិត ចំណង់ចំណូលចិត្ត និងគោលជំហរផ្ទាល់ខ្លួន។ល។
សកម្មភាពទាំងអស់នេះអាចនាំផលល្អ និងផលអាក្រក់ដល់ពួកគេវិញ នៅពេលដែលគេទៅសម្ភាសន៍ការងារ។ អ្នកសម្ភាសន៍ភាគច្រើនអាចពិនិត្យមើលអត្តចរិត និងសកម្មភាពផ្សេងៗរបស់អ្នកតាមរយៈគណនី Facebook មុនពេលគេសម្ភាសន៍ការងារជាមួយអ្នកផ្ទាល់។
ប្រសិនបើ អ្នកធ្លាប់បង្ហោះរូប ចែករំលែក ឬបញ្ចេញមតិយោបល់នៅលើគណនី Facebook របស់អ្នកណាមួយមិនសមគួរ នោះអ្នកសម្ភាសន៍អាចវាយតម្លៃ និងគិតអវិជ្ជមានមកលើអ្នករួចបាត់ទៅហើយ។ នេះគេអាចនិយាយបានថា សកម្មភាពមួយចំនួនរបស់អ្នកនៅលើបណ្តាញសង្គម Facebook ជាផ្នែកមួយអាចជួយអ្នកឲ្យសម្ភាសន៍ការងារជាប់ ហើយក៏អាចធ្វើឲ្យអ្នកធ្លាក់នៅពេលសម្ភាសន៍ការងារផងដែរ៕
© រក្សាសិទ្ធិដោយ thmeythmey.com