ជាតិ
លោក ញ៉យ ចំរើន និងលោក គង់ សភា ត្រូវកោះអញ្ជើញឲ្យចូលតុលាការនៅថ្ងៃទី២៨ធ្នូ
×![]()
តុលាការរាជធានីភ្នំពេញបានកោះអញ្ជើញតំណាងរាស្ត្រគណបក្សសង្គ្រោះជាតិពីររូប ឲ្យចូលបំភ្លឺព័ត៌មានបន្ថែមជុំវិញការប្រើអំពើហិង្សាពីសំណាក់ជនដៃដល់ជាច្រើននាក់មកលើខ្លួន នៅថ្ងៃទី២៨ ធ្នូខាងមុខនេះ។ បើតាមលោក គង់ សភា លោកនិងលោក ញ៉យ ចំរើន នឹងមិនបានចូលទៅផ្ដល់ព័ត៌មានបន្ថែម នៅថ្ងៃទី២៨ធ្នូទេ ដោយសារលោកជាប់រវល់បំពេញភារកិច្ចនៅប្រទេសអាមេរិក។ ប៉ុន្តែ តំណាងរាស្ត្រទាំងពីរនឹងឲ្យមេធាវីចូលទៅផ្ដល់ព័ត៌មានជំនួស។
លោក ញ៉យ ចំរើន តំណាងរាស្ត្រគណបក្សសង្គ្រោះជាតិ បានឲ្យដឹងថា តុលាការក្រុងភ្នំពេញបានកោះអញ្ជើញរូបលោក និងលោក គង់ សភា រួមទាំងអ្នកបើកឡាន ឲ្យចូលបំភ្លឺព័ត៌មានបន្ថែមជុំវិញ ការប្រើហិង្សាវាយលើអ្នកទាំងពីរ ពីសំណាក់ជនដៃដល់កន្លងមក។ ទោះជាយ៉ាងនេះក្ដីលោក ញ៉យ ចំរើន ថ្លែងថា លោកមិនសូវមានសង្ឃឹមថាខ្លួននឹងទទួលបានភាពយុត្តិធម៌ឡើយ។ សម្រាប់អ្នកតំណាងរាស្ត្ររូបនេះ ដំណើរការនីតិវិធីនៃការស្វែងរក និងចាប់ខ្លួនជនដៃដល់ ដែលវាយដំលើលោកនិងលោក គង់ សភា គឺមានការអូសបន្លាយ យឺតយ៉ាវជាងមន្ត្រីក្នុងជួររដ្ឋាភិបាលដែលមានបញ្ហាក្តីក្តាំដូចគ្នា។
ថ្លែងប្រាប់សារព័ត៌មានថ្មីៗ តំណាងរាស្ត្ររងគ្រោះរូបនេះ បានបញ្ជាក់យ៉ាងដូច្នេះថា៖«ខ្ញុំមើលទៅឃើញថាដំណើរការចាប់ខ្លួនជនដៃដល់មានការយឺតយ៉ាវ។ហើយខ្ញុំចង់ឃើញថាការដោះស្រាយបញ្ហារកយុត្តិធម៌ជូនតំណាងរាស្ត្រគណបក្សប្រឆាំងបានត្រឹមត្រូវដូចមន្ត្រីក្នុងជួររដ្ឋាភិបាលដែរ»។
ជាមួយគ្នានេះតំណាងរាស្ត្ររងគ្រោះមួយរូបទៀតលោក គង់ សភា អះអាងថា លោកគ្មានសង្ឃឹមលើប្រព័ន្ធយុត្តិធម៌ឡើយ ព្រោះប្រព័ន្ធយុត្តិធម៌នៅកម្ពុជាមានស្ដង់ដារពីរ។ លោក គង់ សភា ថ្លែងថា៖« គឺមួយសម្រាប់ក្រុមមន្ត្រីនិងអ្នកនយោបាយខាងរដ្ឋាភិបាល និងមួយសម្រាប់អ្នកនយោបាយគណបក្សប្រឆាំង និងប្រជាពលរដ្ឋទន់ខ្សោយ»។
សូមរម្លឹកថា លោក គង់ សភា និងលោក ញ៉យ ចំរើន ត្រូវបានជនមិនស្គាល់អត្តសញ្ញាណមួយក្រុមវាយដំ បណ្តាលឲ្យរងរបួសធ្ងន់ នៅក្បែរវិមានរដ្ឋសភា កាលពីថ្ងៃទី២៦ ខែតុលា ឆ្នាំ២០១៥ ។ ក្រោយជនដៃដល់បីនាក់ ចូលបង្ហាញខ្លួនចំពោះមុខសមត្ថកិច្ច កាលពីថ្ងៃទី៣ ខែវិច្ឆិកា ឆ្នាំ២០១៥ ហើយត្រូវបានសាលាដំបូងរាជធានីភ្នំពេញ សម្រេចបញ្ជូនពួកគេ ទៅឃុំខ្លួនបណ្តោះអាសន្ន ក្នុងពន្ធនាគារព្រៃស ក្រោយការចោទប្រកាន់ពីបទបង្កហិង្សាដោយចេតនា និងធ្វើឲ្យខូចខាតទ្រព្យសម្បត្តិមានស្ថានទម្ងន់ទោស។
តែការឃុំជនដៃដល់៣នាក់នេះ មិនអាចធ្វើឲ្យលោក គង់ សភា និងលោក ញ៉យ ចំរើន ស្ងប់ចិត្តឡើយ ។ទាំងលោក គង់ សភា ទាំងលោក ញ៉យ ចំរើន នៅតែទទូចឲ្យអាជ្ញាធរ និងប្រព័ន្ធយុត្តិធម៌ ស្វែងរកជនដៃបន្ថែមទៀត ដើម្បីរកយុត្តិធម៌ជូនខ្លួន និងកុំឲ្យជនដៃដល់ដែលមិនទាន់ចាប់ខ្លួនបានទាំងនោះហ៊ានប្រព្រឹត្តិហិង្សាតំណាងរាស្ត្រដទៃទៀត៕
លោក ញ៉យ ចំរើន តំណាងរាស្ត្រគណបក្សសង្គ្រោះជាតិ បានឲ្យដឹងថា តុលាការក្រុងភ្នំពេញបានកោះអញ្ជើញរូបលោក និងលោក គង់ សភា រួមទាំងអ្នកបើកឡាន ឲ្យចូលបំភ្លឺព័ត៌មានបន្ថែមជុំវិញ ការប្រើហិង្សាវាយលើអ្នកទាំងពីរ ពីសំណាក់ជនដៃដល់កន្លងមក។ ទោះជាយ៉ាងនេះក្ដីលោក ញ៉យ ចំរើន ថ្លែងថា លោកមិនសូវមានសង្ឃឹមថាខ្លួននឹងទទួលបានភាពយុត្តិធម៌ឡើយ។ សម្រាប់អ្នកតំណាងរាស្ត្ររូបនេះ ដំណើរការនីតិវិធីនៃការស្វែងរក និងចាប់ខ្លួនជនដៃដល់ ដែលវាយដំលើលោកនិងលោក គង់ សភា គឺមានការអូសបន្លាយ យឺតយ៉ាវជាងមន្ត្រីក្នុងជួររដ្ឋាភិបាលដែលមានបញ្ហាក្តីក្តាំដូចគ្នា។
ថ្លែងប្រាប់សារព័ត៌មានថ្មីៗ តំណាងរាស្ត្ររងគ្រោះរូបនេះ បានបញ្ជាក់យ៉ាងដូច្នេះថា៖«ខ្ញុំមើលទៅឃើញថាដំណើរការចាប់ខ្លួនជនដៃដល់មានការយឺតយ៉ាវ។ហើយខ្ញុំចង់ឃើញថាការដោះស្រាយបញ្ហារកយុត្តិធម៌ជូនតំណាងរាស្ត្រគណបក្សប្រឆាំងបានត្រឹមត្រូវដូចមន្ត្រីក្នុងជួររដ្ឋាភិបាលដែរ»។
ជាមួយគ្នានេះតំណាងរាស្ត្ររងគ្រោះមួយរូបទៀតលោក គង់ សភា អះអាងថា លោកគ្មានសង្ឃឹមលើប្រព័ន្ធយុត្តិធម៌ឡើយ ព្រោះប្រព័ន្ធយុត្តិធម៌នៅកម្ពុជាមានស្ដង់ដារពីរ។ លោក គង់ សភា ថ្លែងថា៖« គឺមួយសម្រាប់ក្រុមមន្ត្រីនិងអ្នកនយោបាយខាងរដ្ឋាភិបាល និងមួយសម្រាប់អ្នកនយោបាយគណបក្សប្រឆាំង និងប្រជាពលរដ្ឋទន់ខ្សោយ»។
សូមរម្លឹកថា លោក គង់ សភា និងលោក ញ៉យ ចំរើន ត្រូវបានជនមិនស្គាល់អត្តសញ្ញាណមួយក្រុមវាយដំ បណ្តាលឲ្យរងរបួសធ្ងន់ នៅក្បែរវិមានរដ្ឋសភា កាលពីថ្ងៃទី២៦ ខែតុលា ឆ្នាំ២០១៥ ។ ក្រោយជនដៃដល់បីនាក់ ចូលបង្ហាញខ្លួនចំពោះមុខសមត្ថកិច្ច កាលពីថ្ងៃទី៣ ខែវិច្ឆិកា ឆ្នាំ២០១៥ ហើយត្រូវបានសាលាដំបូងរាជធានីភ្នំពេញ សម្រេចបញ្ជូនពួកគេ ទៅឃុំខ្លួនបណ្តោះអាសន្ន ក្នុងពន្ធនាគារព្រៃស ក្រោយការចោទប្រកាន់ពីបទបង្កហិង្សាដោយចេតនា និងធ្វើឲ្យខូចខាតទ្រព្យសម្បត្តិមានស្ថានទម្ងន់ទោស។
តែការឃុំជនដៃដល់៣នាក់នេះ មិនអាចធ្វើឲ្យលោក គង់ សភា និងលោក ញ៉យ ចំរើន ស្ងប់ចិត្តឡើយ ។ទាំងលោក គង់ សភា ទាំងលោក ញ៉យ ចំរើន នៅតែទទូចឲ្យអាជ្ញាធរ និងប្រព័ន្ធយុត្តិធម៌ ស្វែងរកជនដៃបន្ថែមទៀត ដើម្បីរកយុត្តិធម៌ជូនខ្លួន និងកុំឲ្យជនដៃដល់ដែលមិនទាន់ចាប់ខ្លួនបានទាំងនោះហ៊ានប្រព្រឹត្តិហិង្សាតំណាងរាស្ត្រដទៃទៀត៕
Tag:
ញ៉យ ចំរើន
គង់ សភា
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
