ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បុណ្យណូអែល អាជីវករសប្បាយក្នុងការលក់វត្ថុអនុស្សាវរីយ៍
25, Dec 2015 ,
5:23 pm
រូបភាព
×
ដោយ:
ភ្នំពេញ៖ ពិធីបុណ្យបែបគ្រឹស្ដសាសនាគឺ បុណ្យណូអែល ដែលស្រទាប់យុវវ័យ និងអ្នកដែលរស់នៅតាមទីក្រុងគេតែងតែស្គាល់ថាជាពិធីបុណ្យ« Merry Christmas day» ឬអាចហៅម្យ៉ាងទៀតថា«Merry X’mas» នឹងប្រព្រឹត្តទៅនៅថ្ងៃទី២៥ ខែធ្នូ ឆ្នាំ២០១៥ ។ នៅតាមដងវិថី តាមហាង និងតាមផ្ទះរបស់អាជីវករមួយចំនួនបានដាក់លក់វត្ថុអនុវស្សាវរីយ៍ជាច្រើន។ ចំណែកនៅទល់មុខ សួនទឹកភ្នំពេញ ( Phnom Penh Water Park) ដែលមានទីតាំងនៅសង្កាត់ទឹកថ្លា ក៏មានការដាក់លក់វត្ថុអនុស្សាវរីយ៍ស្អាតៗចម្រុះគ្នា មើលទៅគួរជាទីទាក់ទាញអារម្មណ៍។
អាជីវករមួយរូបអ្នកស្រី ស៊ឹង សុភាសី ដែលបានដាក់លក់វត្ថុអនុស្សាវរីយ៍ផ្សេងៗ ជាពិសេសតុក្កតា គ្រប់ប្រភេទ សង្ឃឹមថាអ្នកស្រីនឹងលក់បានច្រើននៅឆ្នាំនេះ។ ព្រោះឆ្នាំនេះអ្នកស្រីបានចំណាយទុនដើម្បីទិញវត្ថុអនុស្សាវរីយ៍ទាំងនោះច្រើនជាងរៀងរាល់ឆ្នាំ។ អាជីវករូបនេះបានលើកឡើងថា៖ «ឆ្នាំនេះខ្ញុំចំណាយអស់ប្រហែលជិត១០០០ដុល្លា ដើម្បីទិញតុក្កតា ហើយឆ្នាំមុន ខ្ញុំចំណាយអស់តែជាង៥០០ដុល្លាទេ។ ហើយឆ្នាំមុនខ្ញុំអត់លក់តុក្កតាទេ គឺលក់សម្ភារសម្រាប់ក្មេងៗ ដូចជាយន្តហោះ ឡាន កាំភ្លើង មនុស្សយន្តជាដើម តែឆ្នាំនេះដូរទំនិញ»។ តែទោះជាយ៉ាងណាអ្នកស្រីមានការព្រួយបារម្ភខ្លះៗចំពោះការដាក់លក់វត្ថុអានុស្សាវរីយ៍នៅឆ្នាំនេះ។
នៅមិនឆ្ងាយប៉ុន្មានពីកន្លែងរបស់អ្នក សុភាសី តុក្កតាជាច្រើនបានបង្ហាញរូបរាងយ៉ាងស្រស់ស្អាតគួរជាទីគយគន់។ អ្នកស្រី យ៉ាន់ លក្ខិណា ដែលជាអ្នកជាម្ចាស់កន្លែង ហើយជាអ្នករស់នៅបឹងសាឡាង ក៏ប៉ុន្តែអ្នកស្រីបានមកលក់វត្ថុអនុស្សាវរីយ៍នៅខាងមុខសួនទឹកភ្នំពេញផងដែរ។ ឆ្នាំនេះអ្នកស្រីបាន ចំណាយថវិកាជាង១០០០ដុល្លាដើម្បីទិញវត្ថុអានុស្សាវរីយ៍យកមកលក់ជាពិសេសគឺតុក្កតាគ្រប់ប្រភេទ។
អ្នកស្រីបានលក់តុក្កតានៅកន្លែងនេះរយៈពេលបីឆ្នាំមកហើយ ហើយក៏មិនដែលខាត់បង់នោះដែរ។ ចំណែកនៅក្នុងឆ្នាំនេះអ្នកស្រី លក្ខិណា សង្ឃឹមយ៉ាងមុតមាំថា នឹងលក់ដាច់បានច្រើន ព្រោះអ្នកស្រីមានតុក្កតាស្អាតៗជាច្រើនប្រភេទ។
ចំណែកអ្នកស្រី លី ស្រីមុំ អាជីវករស់នៅសង្កាត់ទឹកថ្លា ហើយក៏ជាអាជីវកដែលលក់វត្ថុអនុស្សាវរីយ៍នៅមុខសួនទឹកភ្នំពេញនេះអស់រយៈពេលជាង១០ឆ្នាំមកហើយ ឲ្យតែមានពិធីបុណ្យណូអែល និងបុណ្យនៃសេចក្ដីស្រឡាញ់។ ឆ្នាំនេះអ្នកស្រី មានការបារម្ភផង និងសប្បាយផងសម្រាប់ការលក់វត្ថុអានុស្សាវរីយ៍នៅឆ្នាំនេះ។ ព្រោះឆ្នាំនេះអ្នកស្រីបានចំណាយថវិកាជាង១៥០០ដុល្លាដើម្បីទិញតុក្កតាយកមកលក់។
លើកឡើងស្រដៀងគ្នាៗ អាជីវករទាំងនេះបានបញ្ជាក់ថា វត្ថុអនុស្សាវរីយ៍ទាំងអស់នោះមានតម្លៃចាប់ពី៣ដុល្លា ទៅ៣០ដុល្លាដែលលើកយកមកពីផ្សារអូឬស្សី។ ចំណែកអតិថិជនរាល់ឆ្នាំភាគច្រើនគឺជា យុវវ័យដែលមកទិញតុក្តតា ដើម្បីធ្វើជាកាដូរ ប៉ុន្តែនៅឆ្នាំនេះគឺមិនទាន់ដឹងច្បាស់នោះទេ ព្រោះដោយសារមិនទាន់ដល់ថ្ងៃបុណ្យជាក់ស្ដែង។ រីឯអាជ្ញាធរឆ្នាំនេះ ក៏មានការអនុគ្រោះចំពោះពួកគាត់ច្រើនក្នុងលក់ដូរ ដោយមិនមានការបណ្ដេញណាមួយទេ សំខាន់គឺឲ្យតែអាជីវកទាំងអស់ចេះរៀបចំសណ្ដាប់ធ្នាប់ កន្លែងលក់ឲ្យបានត្រឹមត្រូវ។
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ណូអែល
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
30 នាទី
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
7 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
2 ថ្ងៃ
តើពាក្យងារជា «សម្តេច» មានន័យដូចម្តេច?
4 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម