ជាតិ
×![]()
សមត្ថកិច្ច បានបញ្ជាក់ថា រហូតមកដល់ពេលនេះ មានប្រជាពលរដ្ឋម្នាក់បានស្លាប់ហើយ ដោយសារ ពុលទឹកក្រូច ម៉ាកកូកាកូឡា កាលពីប៉ុន្មានថ្ងៃមុនកន្លងមក។ប្រជាពលរដ្ឋចំនួន៤៥នាក់ នៅភូមិតាំងគោក ឃុំតាលោ ស្រុកក្រគរ ខេត្តពោធិ៍សាត់ បានពុលទឹកក្រូច ម៉ាកកូកាកូឡា ក្រោយពីបានទទួលទាននៅក្នុងពិធីសែនព្រេនប្ដីប្រពន្ធ១គូ នៅក្នុងភូមិ។
មេបញ្ជាការកងរាជអាវុធហត្ថខេត្ត ពោធិ៍សាត់ លោក ខេង ទីតូ បានឲ្យដឹងនៅព្រឹកនេះថា ប្រជាពលរដ្ឋម្នាក់ ក្នុងចំណោមចំនួន៤៥នាក់ ដែលសង្ស័យថាពុលទឹកក្រូច ម៉ាក កូកាកូឡា នោះបានស្លាប់ហើយ ក្រោយពីបានបញ្ជូនមកសង្គ្រោះបន្ទាន់នៅមន្ទីរពេទ្យកាល់ម៉ែត្រ។ លោក ខេង ទីតូ បានបន្ថែមថា ពលរដ្ឋដែលស្លាប់នោះ មានអាយុ ៨៧ឆ្នាំ រស់នៅភូមិកើតហេតុខាងលើ ហើយមូលហេតុដែលបណ្ដាឲ្យស្លាប់នេះ ដោយសារជនរងគ្រោះមានអាការពុលធ្ងន់ធ្ងរជាងប្រជាពលរដ្ឋដទៃ។
កន្លងមកមេបញ្ជាការកងរាជអាវុធហត្ថរូបនេះ ធ្លាប់ប្រាប់សារព័ត៌មានថ្មីៗថា ប្រជាពលរដ្ឋដែលសង្ស័យថាពុលទឹកក្រូចម៉ាក កូកាកូឡា នោះ មានអាការចុកពោះ ក្អួតចង្អោ និងខ្លះទៀតពុលរហូតដល់នោមចេញឈាម និងមានឈាមចេញតាមរោម តាមស្បែកជាដើម។
តែយ៉ាងណាលោក ខេង ទីតូ ធ្លាប់បានបញ្ជាក់ថា សមត្ថកិច្ចបានត្រួតពិនិត្យលើទឹកក្រូច ម៉ាកកូកាកូឡា ដែលប្រជាពលរដ្ឋទទួលទានពុលនេះ ឃើញថា ផលិតផលទឹកក្រូច ម៉ាកកូកាកូឡានេះ គឺបាននាំចូលមកពីប្រទេសវៀតណាម ដោយបានចរាចរណ៍លក់នៅក្នុងភូមិកើតហេតុខាងលើ។ ប៉ុន្ដែលោកថា សមត្ថកិច្ច មិនទាន់អាចសន្និដ្ឋានបានទាំងស្រុងនៅឡើយទេ ដោយរង់ចាំមើលការសិក្សាស្រាវជ្រាវឲ្យបានច្បាស់បន្ថែមទៀត ជុំវិញករណីសង្ស័យពុលទឹកក្រូច កូកាកូឡា នេះ។
កន្លងមកអ្នកស្រី លឹម លីណា ប្រធានផ្នែកទំនាក់ទំនង និងកិច្ចការសាធារណៈក្រុមហ៊ុន(CocaCola) ធ្លាប់បានបញ្ជាក់ប្រាប់សារព័ត៌មានថ្មីៗថា ក្រុមហ៊ុនកំពុងធ្វើការត្រួតពិនិត្យផ្ទៃក្នុងចំពោះគុណភាពផលិតផល ដែលត្រូវបានរក្សាទុកក្នុងបន្ទប់សំណាក់គំរូ (Retention Sample) ទៅលើប្រភេទផលិតផលតែមួយនៅក្នុងក្រុមហ៊ុន ។ អ្នកស្រីបន្ថែមថា ក្រុមហ៊ុន ក៏បានទាក់ទងឲ្យភ្នាក់ងាររបស់ខ្លួន ចុះទៅប្រមូលភេសជ្ជៈ កូកាកូឡា ដែលប្រជាពលរដ្ឋទទួលទានពុលនៅខេត្តពោធិ៍សាត់នោះ ដើម្បីយកមកពិនិត្យថា តើគុណភាពភេសជ្ជៈ កូកាកូឡា ពិតជាមានបញ្ហាដូចជាការលើកឡើងមែនដែរឬអត់? ហើយក្រុមហ៊ុននឹងផ្ដល់ព័ត៌មានជាសាធារណៈ ក្រោយពិសោធន៍ចប់រួចរាល់។ ទោះជាយ៉ាងណាក្ដីអ្នកស្រី លីណា យល់ថា ករណីពុលនៅខេត្តពោធិ៍សាត់ ក៏អាចប្រហែលមកពីប្រជាពលរដ្ឋទាំងនោះ ទទួលទានទឹកភេសជ្ជៈចម្រុះលាយឡំជាមួយគ្នា ទើបបណ្ដាឲ្យមានបញ្ហាពុលបែបនេះ៕
មេបញ្ជាការកងរាជអាវុធហត្ថខេត្ត ពោធិ៍សាត់ លោក ខេង ទីតូ បានឲ្យដឹងនៅព្រឹកនេះថា ប្រជាពលរដ្ឋម្នាក់ ក្នុងចំណោមចំនួន៤៥នាក់ ដែលសង្ស័យថាពុលទឹកក្រូច ម៉ាក កូកាកូឡា នោះបានស្លាប់ហើយ ក្រោយពីបានបញ្ជូនមកសង្គ្រោះបន្ទាន់នៅមន្ទីរពេទ្យកាល់ម៉ែត្រ។ លោក ខេង ទីតូ បានបន្ថែមថា ពលរដ្ឋដែលស្លាប់នោះ មានអាយុ ៨៧ឆ្នាំ រស់នៅភូមិកើតហេតុខាងលើ ហើយមូលហេតុដែលបណ្ដាឲ្យស្លាប់នេះ ដោយសារជនរងគ្រោះមានអាការពុលធ្ងន់ធ្ងរជាងប្រជាពលរដ្ឋដទៃ។
កន្លងមកមេបញ្ជាការកងរាជអាវុធហត្ថរូបនេះ ធ្លាប់ប្រាប់សារព័ត៌មានថ្មីៗថា ប្រជាពលរដ្ឋដែលសង្ស័យថាពុលទឹកក្រូចម៉ាក កូកាកូឡា នោះ មានអាការចុកពោះ ក្អួតចង្អោ និងខ្លះទៀតពុលរហូតដល់នោមចេញឈាម និងមានឈាមចេញតាមរោម តាមស្បែកជាដើម។
តែយ៉ាងណាលោក ខេង ទីតូ ធ្លាប់បានបញ្ជាក់ថា សមត្ថកិច្ចបានត្រួតពិនិត្យលើទឹកក្រូច ម៉ាកកូកាកូឡា ដែលប្រជាពលរដ្ឋទទួលទានពុលនេះ ឃើញថា ផលិតផលទឹកក្រូច ម៉ាកកូកាកូឡានេះ គឺបាននាំចូលមកពីប្រទេសវៀតណាម ដោយបានចរាចរណ៍លក់នៅក្នុងភូមិកើតហេតុខាងលើ។ ប៉ុន្ដែលោកថា សមត្ថកិច្ច មិនទាន់អាចសន្និដ្ឋានបានទាំងស្រុងនៅឡើយទេ ដោយរង់ចាំមើលការសិក្សាស្រាវជ្រាវឲ្យបានច្បាស់បន្ថែមទៀត ជុំវិញករណីសង្ស័យពុលទឹកក្រូច កូកាកូឡា នេះ។
កន្លងមកអ្នកស្រី លឹម លីណា ប្រធានផ្នែកទំនាក់ទំនង និងកិច្ចការសាធារណៈក្រុមហ៊ុន(CocaCola) ធ្លាប់បានបញ្ជាក់ប្រាប់សារព័ត៌មានថ្មីៗថា ក្រុមហ៊ុនកំពុងធ្វើការត្រួតពិនិត្យផ្ទៃក្នុងចំពោះគុណភាពផលិតផល ដែលត្រូវបានរក្សាទុកក្នុងបន្ទប់សំណាក់គំរូ (Retention Sample) ទៅលើប្រភេទផលិតផលតែមួយនៅក្នុងក្រុមហ៊ុន ។ អ្នកស្រីបន្ថែមថា ក្រុមហ៊ុន ក៏បានទាក់ទងឲ្យភ្នាក់ងាររបស់ខ្លួន ចុះទៅប្រមូលភេសជ្ជៈ កូកាកូឡា ដែលប្រជាពលរដ្ឋទទួលទានពុលនៅខេត្តពោធិ៍សាត់នោះ ដើម្បីយកមកពិនិត្យថា តើគុណភាពភេសជ្ជៈ កូកាកូឡា ពិតជាមានបញ្ហាដូចជាការលើកឡើងមែនដែរឬអត់? ហើយក្រុមហ៊ុននឹងផ្ដល់ព័ត៌មានជាសាធារណៈ ក្រោយពិសោធន៍ចប់រួចរាល់។ ទោះជាយ៉ាងណាក្ដីអ្នកស្រី លីណា យល់ថា ករណីពុលនៅខេត្តពោធិ៍សាត់ ក៏អាចប្រហែលមកពីប្រជាពលរដ្ឋទាំងនោះ ទទួលទានទឹកភេសជ្ជៈចម្រុះលាយឡំជាមួយគ្នា ទើបបណ្ដាឲ្យមានបញ្ហាពុលបែបនេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ម៉ោង
