កីឡាជាតិ
ជាតិ
×![]()
កីឡាករជើងខ្លាំងរបស់កម្ពុជាមកពីក្លិបតាឡីដំរីមានឫទ្ធ ផល សោភ័ណ្ឌ ប្រហែលជាមានសំណាងជាងកីឡាករ ឡុង សុភី ដោយរូបគេនឹងចេញទៅប្រកួតឆ្លងឆ្នាំនៅថៃ ក្នុងព្រឹត្តិការណ៍ THAI FIGHT COUNTDOWN CENTRAL WORLD 2015 នាថ្ងៃទី៣១ ខែធ្នូ ដោយមិនមានការព្រៀងទុកជាមុន ខណៈ ឡុង សុភី ត្រៀមទុកមុនជាស្រេច។
កីឡាករ ផល សោភ័ណ្ឌ ម្ចាស់ជើងឯករងប្រដាល់សកលថ្នាក់ជាតិប្រចាំឆ្នាំ២០១៥ អាចនិយាយបានថាមានវាសនាល្អជាងកីឡាករ ឡុង សុភី សម្រាប់ការបង្ហាញវត្តមានក្នុងកម្មវិធី Thai Fight។ កីឡាកររូបនេះនឹងធ្វើដំណើរឆ្លងដែនដើម្បីចូលរួមប្រកួតឆ្លងឆ្នាំនៅថៃក្នុងព្រឹត្តិការណ៍ THAI FIGHT COUNTDOWN CENTRAL WORLD 2015 នាថ្ងៃទី៣១ ខែធ្នូ ដោយមិនបានព្រៀងទុកជាមុន។ ផ្ទុយពីកីឡាករ ឡុង សុភី ដែលបានសម្រេចផ្អាកទទួលពាក្យប្រកួតក្នុងស្រុកតាំងពីថ្ងៃទី១២ ខែធ្នូ ដើម្បីត្រៀមខ្លួនចូលរួមប្រកួតក្នុងកម្មវិធី Thai Fight តែបែរជាមិនបានទៅចូលរួមប្រកួតទៅវិញ។
វត្តមានកីឡាករ ផល សោភ័ណ្ឌ ក្នុងកម្មវិធី Thai Fight បែបបន្ទាន់នេះ គឺដើម្បីជំនួសកីឡាករ មីយ៉ាន់ម៉ា ២ រូបដែលបានដកខ្លួនចេញពីការប្រកួតក្នុងព្រឹត្តិការណ៍ដ៏ធំរបស់ថៃមួយនេះ។ ហើយគេមិនទាន់បានដឹងច្បាស់ថា កីឡាករកម្ពុជារូបនេះ នឹងជួបប្រកួតជាមួយកីឡាកររូបណានៅឡើយទេ។ ប៉ុន្តែគេរំពឹងថា អាចនឹងជួបជាមួយកីឡាករ សែន ឆៃ (Saen Chai) ដែលជាដៃគូគ្រោងទុករបស់កីឡាករ ឡុង សុភី៕
គួរបញ្ជាក់ផងដែរថា នេះជាលើកទីមួយហើយសម្រាប់ការបង្ហាញវត្តមានរបស់កីឡាករ ផល សោភ័ណ្ឌ ក្នុងព្រឹត្តិការណ៍ដ៏ធំប្រចាំឆ្នាំរបស់ថៃមួយនេះ។ នៅក្នុងថ្ងៃប្រកួតនោះដែរមិនមែនមានតែកីឡាករ ផល សោភ័ណ្ឌ ម្នាក់នោះទេ កីឡាករ កែវ រំចង់ ក៏មានវត្តមាននៅកម្មវិធីនោះផងដែរ ដោយរូបគេនឹងធ្វើការប្រកួតសងសឹកជាមួយកីឡាករថៃ Iquezang ជាលក្ខណៈគូឯកទៀតផង៕
កីឡាករ ផល សោភ័ណ្ឌ ម្ចាស់ជើងឯករងប្រដាល់សកលថ្នាក់ជាតិប្រចាំឆ្នាំ២០១៥ អាចនិយាយបានថាមានវាសនាល្អជាងកីឡាករ ឡុង សុភី សម្រាប់ការបង្ហាញវត្តមានក្នុងកម្មវិធី Thai Fight។ កីឡាកររូបនេះនឹងធ្វើដំណើរឆ្លងដែនដើម្បីចូលរួមប្រកួតឆ្លងឆ្នាំនៅថៃក្នុងព្រឹត្តិការណ៍ THAI FIGHT COUNTDOWN CENTRAL WORLD 2015 នាថ្ងៃទី៣១ ខែធ្នូ ដោយមិនបានព្រៀងទុកជាមុន។ ផ្ទុយពីកីឡាករ ឡុង សុភី ដែលបានសម្រេចផ្អាកទទួលពាក្យប្រកួតក្នុងស្រុកតាំងពីថ្ងៃទី១២ ខែធ្នូ ដើម្បីត្រៀមខ្លួនចូលរួមប្រកួតក្នុងកម្មវិធី Thai Fight តែបែរជាមិនបានទៅចូលរួមប្រកួតទៅវិញ។
វត្តមានកីឡាករ ផល សោភ័ណ្ឌ ក្នុងកម្មវិធី Thai Fight បែបបន្ទាន់នេះ គឺដើម្បីជំនួសកីឡាករ មីយ៉ាន់ម៉ា ២ រូបដែលបានដកខ្លួនចេញពីការប្រកួតក្នុងព្រឹត្តិការណ៍ដ៏ធំរបស់ថៃមួយនេះ។ ហើយគេមិនទាន់បានដឹងច្បាស់ថា កីឡាករកម្ពុជារូបនេះ នឹងជួបប្រកួតជាមួយកីឡាកររូបណានៅឡើយទេ។ ប៉ុន្តែគេរំពឹងថា អាចនឹងជួបជាមួយកីឡាករ សែន ឆៃ (Saen Chai) ដែលជាដៃគូគ្រោងទុករបស់កីឡាករ ឡុង សុភី៕
គួរបញ្ជាក់ផងដែរថា នេះជាលើកទីមួយហើយសម្រាប់ការបង្ហាញវត្តមានរបស់កីឡាករ ផល សោភ័ណ្ឌ ក្នុងព្រឹត្តិការណ៍ដ៏ធំប្រចាំឆ្នាំរបស់ថៃមួយនេះ។ នៅក្នុងថ្ងៃប្រកួតនោះដែរមិនមែនមានតែកីឡាករ ផល សោភ័ណ្ឌ ម្នាក់នោះទេ កីឡាករ កែវ រំចង់ ក៏មានវត្តមាននៅកម្មវិធីនោះផងដែរ ដោយរូបគេនឹងធ្វើការប្រកួតសងសឹកជាមួយកីឡាករថៃ Iquezang ជាលក្ខណៈគូឯកទៀតផង៕
Tag:
កីឡាប្រដាល់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ម៉ោង
