ជាតិ
ម្ចាស់ម៉ូតូអាចទៅយកម៉ូតូដែលនគរបាលឃាត់ទុកវិញបាន លោក គៀត ច័ន្ទថារិទ្ធ អ្នកនាំពាក្យអគ្គស្នងការរងនគរបាលជាតិ
× អ្នកនាំពាក្យអគ្គស្នងការរងនគរបាលជាតិ លោក គៀត ច័ន្ទថារិទ្ធ បានបញ្ជាក់ថា ប្រជាពលរដ្ឋដែលត្រូវបានមន្ត្រីនគរបាលចរាចរ ឃាត់ម៉ូតូទុកក្នុងពេលអនុវត្តច្បាប់ចរាចរណ៍រយៈពេល ៧ថ្ងៃមកនេះ ពួកគេអាចមកទទួលយកម៉ូតូរបស់ខ្លួនវិញបាន នៅតាមការិយាល័យចរាចរណ៍ស្នងការនគរបាលរាជធានី-ខេត្ត។
សំឡេងលោក គៀត ច័ន្ទថារិទ្ធ៖
លោក គៀត ច័ន្ទថារិទ្ធ ថ្លែងបញ្ជាក់នៅក្នុងសន្និសីទកាសែតស្ដីពីលទ្ធផលប្រតិបត្តិការអនុវត្តច្បាប់ចរាចរណ៍ ថា ក្រោយពីសម្ដេច ស ខេង រដ្ឋមន្ត្រីក្រសួងមហាផ្ទៃ បានប្រជុំពិភាក្សាលើបញ្ហាច្បាប់ចរាចរណ៍ នៅថ្ងៃទី៧ មករារួចមក ក្រសួងមហាផ្ទៃបានសម្រេចអនុញ្ញាតឲ្យប្រជាពលរដ្ឋមកយកម៉ូតូដែលត្រូវបានឃាត់ទុកនោះវិញ ដោយមិនមានបង់ប្រាក់ផាកពិន័យនោះទេ ទាំងអ្នកមិនមែនឯកសារគ្រប់គ្រាន់ និងម៉ូតូគ្មានស្លាកលេខ។ ប៉ុន្ដែអ្នកបើកបរទាំងនោះ ត្រូវរៀនសូត្រពីច្បាប់ចរាចណ៍ពីមន្ត្រីជំនាញច្បាប់ចរាចរណ៍ ដើម្បីកុំឲ្យពួកគេ ប្រព្រឹត្តិខុសទៀត។ បើតាមអ្នកនាំពាក្យរូបនេះ មកពេលនេះមន្ត្រីនគរបាល បានឃាត់ម៉ូតូដែល មិនមានឯកសារត្រឹមត្រូវ និងស្លាកលេខស្របច្បាប់ចំនួនជាង ៨០០គ្រឿង៕
© រក្សាសិទ្ធិដោយ thmeythmey.com