កីឡាជាតិ
ជាតិ
ទីលានវាយសីខេត្តព្រះសីហនុ កំពុងរង់ចាំអត្តពលិកប្រកួតពានរង្វាន់ ៧ មករា
×![]()
ទីលានខេត្តព្រះសីហនុ កំពុងរង់ចាំអត្តពលិកវាយសី ដើម្បីប្រកួតវាយសីដណ្តើមពានរង្វាន់ ៧ មករា រយៈពេល២ថ្ងៃ ចាប់ពីថ្ងៃទី១៦ ដល់ថ្ងៃទី១៧ ខែមករា ខាងមុខនេះ។ អត្តពលិកទាំងនោះប្រកួតតំណាង ក្លិប សមាគមចំនួន ១៤ មកពីបណ្តាខេត្តនានាក្នុងប្រទេសកម្ពុជា។ 
ទីលានវាយសីខេត្តព្រះសីហនុកំពុងរង់ចាំការប្រកួតវាយសីដណ្តើមពានរង្វាន់ ៧ មករា ដែលរៀបចំដោយសហព័ន្ធកិឡាវាយសីកម្ពុជា សហការជាមួយសហគមវាយសីខេត្តព្រះសីហនុ ដែលប្រព្រឹត្តទៅរយៈពេល ២ ថ្ងៃចាប់ពីថ្ងៃទី១៦ ដល់ថ្ងៃទី១៧ ខែមករា។ នៅក្នុងការប្រកួតនោះមានអត្តពលិកចូលរួមប្រកួតចំនួន ១៦៤ នាក់តំណាងក្លិប សមាគម ១៤ ដែលមកពីតាមបណ្តាខេត្តនានាក្នុងប្រទេស កម្ពុជា ក្នុងនោះរួមមាន សមាគមវាយសីខេត្តកោះកុង ស្វារៀង កំពង់ចាម ក្លិបត្រពាំងស្រែ កំពង់ឆ្នាំង កំពង់ស្ពឺ មុន្នីស្ថាបនា-SC សៀមរាប រតនគីរី ព្រះសីហនុ មណ្ឌលគីរី កំពត ក្លិបបឹងកេត និងក្លិបព្រះខ័នរាជ។
អត្តពលិកទាំងនោះនឹងប្រកួតលើវិញ្ញាសាវាយគូបុរសអាយុលើ១៩ឆ្នាំ វិញ្ញាសាវាយគូបុរសអាយុក្រោម១៩ឆ្នាំ វិញ្ញាសាវាយគូយុវជនអាយុក្រោម១៦ឆ្នាំ វិញ្ញាសាវាយគូកុមារអាយុក្រោម១៣ឆ្នាំ វិញ្ញាសាបុរសវ័យកណ្ដាលអាយុចាប់ពី៤០ទៅ៥០ឆ្នាំ វិញ្ញាសាវាយគូបុរសវ័យចំណាស់អាយុចាប់ពី៥០ឆ្នាំឡើង វិញ្ញាសាវាយគូសម្រាប់នារីដោយមិនគិតអាយុ វិញ្ញាសាវាយទោលសម្រាប់កុមារាអាយុក្រោម១១ឆ្នាំ និងវិញ្ញាសាវាយគូចម្រុះបុរស និងនារីអាយុក្រោម១៧ឆ្នាំ។
Tag:
កីឡាវាយសី
© រក្សាសិទ្ធិដោយ thmeythmey.com
