ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
សហព័ន្ធកីឡាបាញ់កាំភ្លើងកម្ពុជាប្រកាសតែងតាំងសមាសភាពថ្មី២រូប
15, Jan 2016 ,
8:39 pm
រូបភាព
×
ដោយ:
សហព័ន្ធកីឡាបាញ់កាំភ្លើងកម្ពុជា បានប្រកាសបន្ថែមសមាសភាពថ្មីចំនួន២រូប ដោយមានអនុប្រធានមួយរូប និងអគ្គលេខាធិការមួយរូបនៅក្នុងមហាសន្និបាតវិសាមញ្ញកាលពីថ្ងៃទី១៤ ខែមករា នៅទីស្នាក់ការគណៈកម្មាធិការជាតិអូឡាំពិកកម្ពុជា។
លោក សាមឺឌី ស៊ីវឌ្ឍនា ទីប្រឹក្សានៃគណៈកម្មាធិការជាតិអូឡាំពិកកម្ពុជាត្រូវបានសហព័ន្ធកីឡាបាញ់កាំភ្លើងកម្ពុជាប្រកាសតែងតាំងនៅក្នុងអង្គមហាសន្និបាតវិសាមញ្ញដើម្បីពង្រឹងសមត្ថភាពនៅ NOCC ជាអនុប្រធានសហព័ន្ធថ្មីបន្ថែមមួយរូបទៀត ចំណែកដំណែងអគ្គលេខាធិការត្រូវបានអង្គមហាសន្និបាតវិសាមញ្ញបានបោះឆ្នោតឱ្យអតីតកីឡាករបាញ់កាំភ្លើង លោក ហូ សិទ្ធិគុណ ដើម្បីជំនួស លោក ប៊ុយ សុភ័ណ្ឌ ដែលជាប់រវល់ទៅបន្តការសិក្សានៅប្រទេសកូរ៉េ រយៈពេលវែង។
លោក វ៉ាត់ ចំរើន អនុប្រធានសហព័ន្ធកីឡាបាញ់កាំភ្លើងកម្ពុជាបានមានប្រសាសន៍ថា សហព័ន្ធកីឡាបាញ់កាំភ្លើងជាប្រភេទកីឡាអូឡាំពិកដែលមានវ័យចំណាស់មួយ និងជាកីឡាមួយប្រភេទដែលមានសក្តានុពលក្នុងអូឡាំពិកជារៀងរាល់ឆ្នាំទៀតផង។ ទន្ទឹមនឹងនេះដើម្បីឱ្យសហព័ន្ធដែលលែងដំណើរការតាំងពីឆ្នាំ២០០៨មួយនេះ មានដំណើរការ និងសក្តានុពលឡើងវិញបញ្ហាដំបូង លោកបានជំរុញឱ្យសហព័ន្ធត្រូវរៀបចំឱ្យមានកីឡាករកីឡាការិនី ក្លិប-សមាគមជាសមាជិក ជាពិសេសទីតាំងជាមុនសិន ព្រោះកីឡាមួយនេះមិនអាចប្រើប្រាស់ទីតាំងជាមួយកីឡាដទៃបានឡើយ។
លោក វ៉ាត់ ចំរើន បានជំរុញបន្ថែមទៀតថា សហព័ន្ធត្រូវរៀបចំឱ្យមានព្រឹត្តិការណ៍ប្រកួតលើកទី១របស់ខ្លួនក្នុងទិសដៅ ដើម្បីឈានទៅរកការរៀបចំកីឡាអូឡាំពិក ជាពិសេសដើម្បីឱ្យឆាប់មានការទទួលស្គាល់ពីសហព័ន្ធអន្តរជាតិ និងសហព័ន្ធទី្វបអាស៊ី ដើម្បីបង្កឱ្យមានភាពងាយស្រួលក្នុងការទំនាក់ទំនងសុំជំនួយបច្ចេកទេសផ្សេងៗ។ ប្រសិនបើយើងទទួលបានការទទួលស្គាល់ពីសហព័ន្ធអន្តរជាតិ និងសហព័ន្ធទ្វីបអាស៊ីក្នុងឆ្នាំនេះ គណកម្មាធិការជាតិអូឡាំពិកនឹងផ្តល់ជូននូវវគ្គបណ្តុះបណ្តាលគ្រូបឋមជំនាញបាញ់កាំភ្លើងភ្លាមក្នុងឆ្នាំបន្ទាប់។
លោក មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជាបានបញ្ជាក់ថា មូលហេតុដែលសហព័ន្ធបាញ់កាំភ្លើងមិនទាន់មានសកម្មភាព និងដំណើរការ ព្រោះយើងត្រូវគិតពីបញ្ហាផ្លូវច្បាប់ បញ្ហាសុវត្ថិភាព និងសន្តិសុខសង្គម ព្រោះកីឡាប្រភេទនេះមិនអាចអនុញ្ញាតឱ្យមនុស្សមិនស្គាល់អត្តសញ្ញាណចូលរួមប្រកួតបានទេ។
លោក មៀច សុផាន់ណា បានបញ្ជាក់ទៀតថា សហព័ន្ធនឹងរៀបចំឱ្យមានការប្រកួតថ្នាក់ជាតិសាកល្បងមួយក្នុងក្របខ័ណ្ឌកម្លាំងប្រដាប់អាវុធ នាថ្ងៃទី១៤ ខែកុម្ភៈ ខាងមុខនេះ នៅកងពលតូចឆ័ត្រយោង៩១១។ ហើយការរៀបចំសាកល្បងនេះដែរ ដើម្បីចង់ដឹងពីប្រតិកម្មរបស់សាធារណៈជន និងស្ថាប័នពាក់ព័ន្ធផ្សេងៗ ដើម្បីងាយស្រួលក្នុងការស្វែងរកដំណោះស្រាយ និងបកស្រាយ។
គួរបញ្ជាក់ថា មហាសន្និបាតវិសាមញ្ញរបស់សហព័ន្ធកីឡាបាញ់កាំភ្លើងកម្ពុជាដែលបានរៀបចំកាលពីថ្ងៃទី១៤ ខែមករា នៅគណៈកម្មាធិការជាតិអូឡាំពិកកម្ពុជាមានការចូលរួមពីសំណាក់ លោក វ៉ាត់ ចំរើន អគ្គលេខធិការ NOCC និងជាអនុប្រធានសហព័ន្ធកីឡាបាញ់កាំភ្លើងកម្ពុជា លោក មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា និងអនុប្រធាន សមាជិក សមាជិកាប្រតិបត្តិជាច្រើនរូបទៀត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កីឡាបាញ់កាំភ្លើង
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
6 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
6 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
22 ម៉ោង
តើពាក្យងារជា «សម្តេច» មានន័យដូចម្តេច?
3 ថ្ងៃ
តើពាក្យ «ដុតដៃដុតជើង» មានន័យដូចម្តេច?
1 សប្តាហ៍
អត្ថបទពេញនិយមបន្ថែម