ការដាក់បញ្ចូលល្បុក្កតោទៅដល់សាលារៀន កាន់តែច្បាស់

កីឡាជាតិ

ជាតិ

ការដាក់បញ្ចូលល្បុក្កតោទៅដល់សាលារៀន កាន់តែច្បាស់

12, Apr 2016 , 4:39 pm

រូបភាព

ដោយ: ថ្មីៗ

មិនយូរប៉ុន្មានឡើយ សិស្សានុសិស្សខ្មែរអាចបានហាត់រៀនក្បាច់គុនបុរាណខ្មែរល្បុក្កតោ ដែលមានលក្ខណៈជាសិល្បៈផងនោះ នៅតាមសាលារៀនរបស់ពួកគេ។ នេះបើគេយល់ពីការបញ្ជាក់របស់រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន ដែលបានមានប្រសាសន៍នៅក្នុងបទសម្ភាសន៍មួយ។

បើតាមការពន្យល់របស់លោករដ្ឋមន្ត្រីអប់រំដដែល ភាគីពាក់ព័ន្ធទាំងអស់កំពុងរៀបចំក្បួនខ្នាត និងផែនការបណ្តុះបណ្តាលគ្រូបង្វឹក ដែលការងារនេះលោករដ្ឋមន្ត្រីបញ្ជាក់ថា គេត្រូវការរយៈពេលជាងមួយឆ្នាំ មុននឹងដាក់បញ្ចូលការហ្វឹកហាត់ល្បុក្កតោទៅដល់ក្នុងសាលារៀន។

នៅក្នុងបទសម្ភាសន៍ដដែលនេះ លោក ហង់ ជួន ណារ៉ុន ក៏បានមានប្រសាសន៍អំពីការរៀបចំស្នើដាក់បញ្ចូលក្បាច់គុនបុរាណខ្មែរ ដែលមានចរិតជាសិល្បៈផងនោះ ទៅក្នុងបញ្ជីបេតិកភណ្ឌអរូបីរបស់មនុស្សជាតិផងដែរ។

គួរបញ្ជាក់ផងដែរថា សហព័ន្ធក្បាច់គុនល្បុក្កតោកម្ពុជាកំពុងរៀបចំសិក្ខាសាលាថ្នាក់ជាតិរយៈពេល២ថ្ងៃ (១៨-១៩ មករា) ស្តីពីគុណតម្លៃនៃល្បុក្កតោ នៅទីស្នាក់ការគណៈកម្មាធិការជាតិអូឡាំពិកកម្ពុជា។ សិក្ខាសាលានេះ គឺជាវេទិកានៃការជួបជុំគ្រូតានៃគុនល្បុក្កតោ អ្នកប្រវត្តិវិទ្យា អ្នកពាក់ព័ន្ធនានាមកពីវិស័យឯកជន និងរដ្ឋ ដើម្បីពិភាក្សា និងអភិវឌ្ឍល្បុក្កតោខ្មែរ។

សូមលោកអ្នកទស្សនាបទសម្ភាសន៍លោក ហង់ ជួន ណារ៉ុន ខាងក្រោមនេះ៖