ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ទឹកធ្លាក់ច្រកល្អៀងទីកម្សាន្តដ៏សែនមនោរម្យសម្រាប់អ្នកទេសចរ
19, Jan 2016 ,
9:51 am
រូបភាព
×
ដោយ:
ខន ចំប៉ា
&
ពោធិ៍សាត់៖ រមណីយដ្ឋានទឹកធ្លាក់ច្រកល្អៀង គឺជាទីកម្សាន្តដ៏សែនមនោរម្យ សម្រាប់ភ្ញៀវទេសចរជាតិ និងអន្តរជាតិ ទៅលម្ហែនៅថ្ងៃចុងសប្តាហ៍ ឬថ្ងៃឈប់សម្រាក។ ទឹកធ្លាក់ច្រកល្អៀង ស្ថិតនៅចន្លោះភ្នំយ៉ោក ដែលមានទីតាំងនៅក្នុងភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់។
ទឹកធ្លាក់នេះ មាន៧ដំណាក់ គឺ ដំណាក់ទឹកឈូ ដំណាក់មនោរម្យ ដំណាក់ថ្មសណ្តូក ដំណាក់ព្រះ ដំណាក់ជ្រៃក្រឹម ដំណាក់កោះសុបិន និងដំណាក់ទី៧មានឈ្មោះថាដំណាក់ទឹកធ្លាក់។ ពីដំណាក់ទី១ ដល់ដំណាក់ទី៧ លាតសន្ធឹងក្នុងចម្ងាយជិត១ពាន់ម៉ែត្រ។
លោក យឹម ចាន់ធី ប្រធានគ្រប់គ្រងតំបន់ការពារធម្មជាតិទឹកធ្លាក់ច្រកល្អៀង បានឲ្យដឹងថា ក្នុងថ្ងៃធម្មតាមានភ្ញៀវទេសចរប្រមាណពី៣០នាក់ ទៅ៥០នាក់ បានមកកម្សាន្តនៅតំបន់រមណីយដ្ឋានមួយនេះ ខណៈនៅថ្ងៃចុងសប្តាហ៍មានភ្ញៀវទេសចរចន្លោះពី៣០០នាក់ ទៅ៥០០នាក់បានមកងូតទឹកកម្សាន្ត។ កាលពីឆ្នាំ២០១៥កន្លងទៅ រមណីយដ្ឋានទឹកធ្លាក់ច្រកល្អៀងទទួលបានភ្ញៀវទេសចរណ៍ប្រមាណ១០ម៉ឺននាក់។ នេះជាបញ្ជាក់របស់ប្រធានគ្រប់គ្រងតំបន់ការពារធម្មជាតិទឹកធ្លាក់ច្រកល្អៀងដដែល។ លោកថា៖«សរុបក្នុងមួយឆ្នាំប្រហែលជា១០ ម៉ឺននាក់។ យើងទូទាត់តែបុណ្យធំៗ វាចូលជិត៥ម៉ឺននាក់ហើយ នៅរាប់ថ្ងៃធម្មតា និងចុងសប្តាហ៍ទៀត»។
បើតាមប្រធានគ្រប់គ្រងតំបន់ការពារធម្មជាតិទឹកធ្លាក់ច្រកល្អៀងដដែល នៅក្នុងសហគមន៍នេះ មានផ្ទៃក្រឡា៦៦០ហិកតា ចែកចេញជាបួនតំបន់ គឺតំបន់ដាំដុះសារឡើងវិញ តំបន់អេកូទេសចរណ៍(ទឹកជ្រោះច្រកល្អៀង) តំបន់ដកហូត និងតំបន់ព្រៃអភិរក្ស។
សូមបញ្ជាក់ថា ដើម្បីអាចចូលទស្សនារមណីយដ្ឋានទឹកធ្លាក់ច្រកល្អៀងដ៏មនោរម្យនេះ ភ្ញៀវទេសចរជាតិម្នាក់ត្រូវបង់មួយពាន់រៀល (លើកលែងកុមារតូចៗ) និង៤ពាន់រៀល ឬ១ដុល្លារសម្រាប់ភ្ញៀវទេសចរបរទេស៕
សូមអញ្ជើញទស្សនាទិដ្ឋភាពរមណីដ្ឋានទឹកធ្លាក់ច្រកល្អៀង ដូចតទៅ៖
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ទឹកធ្លាក់ច្រកល្អៀង
ពោធិ៍សាត់
© រក្សាសិទ្ធិដោយ thmeythmey.com
អត្ថបទពេញនិយម
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
2 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
3 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
2 ថ្ងៃ
«នាំអាត» និង«នាំអាទិ៍»មួយណាត្រឹមត្រូវ?
6 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
15 ម៉ោង
អត្ថបទពេញនិយមបន្ថែម