ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បោះជំរំតង់នៅបឹងធម្មជាតិត្រាវកុដិបទពិសោធន៍លើសពីការរំពឹងទុក
26, Jan 2016 ,
11:26 am
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ កាលពីថ្ងៃទី១៦ មករាកន្លងទៅ មានការបោះជំរំតង់មួយនៅត្រាវកុដិ ក្នុងបំណងផ្សព្វផ្សាយពីសក្កានុពលទេសចរណ៍ក្នុងខេត្តសៀមរាប។ អ្នករៀបចំកម្មវិធីបានឲ្យដឹងថា ទោះបីជាកម្មវិធីលើកទីមួយ ដែលពួកគេបានរៀបចំក៏ពិតមែន ប៉ុន្តែការបោះជំរំនោះ ទទួលបានជោគជ័យហួសពីការស្មាន។ វាប្រាកដណាស់ថា ធ្វើឲ្យអ្នកទេសចរច្រើនកាន់តែស្គាល់ពីតំបន់ត្រាវកុដិ ដែលជារមណីយដ្ឋានថ្មីទើបនឹងអភិវឌ្ឍន៍ ជាពិសេសគឺលើកកម្ពស់ជីវភាពសហគមន៍នៅទីនោះផងដែរ។
Cambodia Amazing Trip Planner ជាក្រុមមួយដែលបង្កើតឡើងដោយក្រុមយុវជនមួយក្រុម រស់នៅខេត្តសៀមរាប។ ក្រុមនេះបង្កើតឡើង ក្នុងបំណងជួយសង្គមតាមរយៈផ្សព្វផ្សាយពីគោលដៅទេសចរណ៍ជាច្រើនក្នុងប្រទេសកម្ពុជា ដែលមានមនុស្សច្រើនមិនទាន់បានទៅដល់។
សមាជិកក្រុម Cambodia Amazing Trip Planner លោក សាឌីណា បានប្រាប់សារព័ត៌មានថ្មីៗថា ក្រៅពីប្រាសាទអង្គរវត្ត ខេត្តសៀមរាបមានគោលដៅទេសចរណ៍ច្រើនកន្លែងទៀត ដែលអ្នកទេសចរមិនបានដឹង ហើយកន្លែងទាំងនោះ ត្រូវការជួយផ្សព្វផ្សាយជាចាំបាច់។ ដោយមើលឃើញពីភាពខ្វះខាតនេះហើយ ទើបក្រុមរបស់លោកមានគំនិតជួយសង្គមតាមរយៈការបង្កើតជាកម្មវិធីផ្សេងៗ មានបោះតង់ជាដើម ដើម្បីណែនាំឲ្យមហាជនក៏ដូចជាភ្ញៀវទេសចរ ស្គាល់តំបន់ទេសចរណ៍ទាំងនោះ មានបឹងត្រាវកុដិជាដើម។ ត្រាវកុដិ គឺជាបឹងធម្មជាតិមួយកន្លែង ដែលនៅមិនឆ្ងាយពីទីក្រុងសៀមរាប។ ដើម្បីទៅដល់បឹងត្រាវកុដិបាន គេត្រូវការចំណាយពេលវេលាតែ៣០នាទីប៉ុណ្ណោះ។
ហួសពីការរំពឹងទុក កម្មវិធីបោះជំរំតង់ ដើម្បីផ្សព្វផ្សាយរមណីយដ្ឋានបឹងត្រាវកុដិ របស់ក្រុម Cambodia Amazing Trip Planner ទទួលបានជោគជ័យ លើសពីការស្មាន។ លោក សាឌីណា បញ្ជាក់ថា កម្មវិធីរបស់លោក មានកិច្ចសហការគ្នាយ៉ាងល្អពីអាជ្ញាធរ ជាពិសេសការចូលរួមរបស់សហគមន៍បឹងត្រាវកុដិ។ បើតាមលោក សាឌីណា អ្នកដែលចូលរួមបោះតង់នឹងក្រុមរបស់លោកកាលពីថ្ងៃទី១៦ និង១៧ មករាកន្លងទៅ មានប្រមាណ៥០នាក់ ដែលក្នុងនោះមានអ្នកសៀមរាប ភ្នំពេញ បាត់ដំបង និងខ្លះទៀតមកពីខេត្តព្រៃវែង។ ពួកគេបានកោតសរសើរមិនដាច់ពីមាត់ ទៅនឹងទេសភាពដ៏ស្រស់ត្រកាលក្នុងរមណីយដ្ឋានត្រាវកុដិ ជាពិសេសបទពិសោធន៍ គេងក្នុងជំរំតង់តែម្តង។
សម្រាប់លោក សាឌីណា ការកម្សាន្តដោយកម្មវិធីបោះជំរំតង់ ពិតជាធ្វើឲ្យអ្នកចូលរួមមានផលប្រយោជន៍ច្រើនពីវា។ ក្នុងនោះអាចឲ្យពួកគេស្គាល់ពីគ្នាទៅវិញទៅមក ចេះសាមគ្គីគ្នា បង្កើតមិត្តភាព ស្គាល់បឹងត្រាវកុដិ និងជួយផ្សព្វផ្សាយតទៅអ្នកដទៃផងដែរ។ លើសពីនេះទៀត តាមរយៈភ្ញៀវទៅកម្សាន្តច្រើន នឹងអាចជួយសហគមន៍ក្នុងតំបន់ត្រាវកុដិ ឲ្យកាន់តែមានជីវភាពប្រសើរឡើងមួយកម្រិតថែមទៀត។
ក្នុងទិសដៅមិនស្វែងរកប្រាក់ចំណូល Cambodia Amazing Trip Planner គ្រោងនឹងផ្សព្វផ្សាយគោលដៅទេសចរណ៍មួយកន្លែងទៀតនៅខេត្ត ប៉ៃលិន ហើយដែលមានមនុស្សតិចណាស់ បានទៅដល់។ នៅដើមខែមិនាខាងមុខនេះ Cambodia Amazing Trip Planner នឹងរៀបចំកម្មវិធីបោះជំរំតង់ជាលើកទី២របស់ខ្លួន នៅខេត្តប៉ៃលិន ដើម្បីជួយផ្សព្វផ្សាយកន្លែងទាំងនោះ ឲ្យអ្នកទេសចរបានស្គាល់កាន់តែច្បាស់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
5 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
6 ថ្ងៃ
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
1 សប្តាហ៍
«នាំអាត» និង«នាំអាទិ៍»មួយណាត្រឹមត្រូវ?
2 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
6 ថ្ងៃ
អត្ថបទពេញនិយមបន្ថែម