អន្តរជាតិ
លោក ឃេរី នឹងជជែកពីនុយក្លេអ៊ែរកូរ៉េខាងជើងនិងជម្លោះសមុទ្រចិនជាមួយចិន
×![]()
ដោយ: ថ្មីៗ
ក្រោយចាកចេញពីកម្ពុជាលោក ចន ឃេរី នឹងបន្តដំណើរទៅកាន់ប្រទេសចិន នឹងជួបមន្ត្រីការទូតជាន់ខ្ពស់និងមេដឹកនាំចិនដើម្បីជជែកពីបញ្ហាសន្តិសុខ ដោយផ្តោតលើបញ្ហានុយក្លេអ៊ែរកូរ៉េខាងជើង និងភាពតានតឹងនៅសមុទ្រចិនខាងត្បូងដែរ។ ប្រមុខការទូតរូបនេះនឹងបញ្ចុះបញ្ចូលឲ្យចិនដាក់សម្ពាធឬអាចដាក់ទណ្ឌកម្មប្រឆាំងក្រុងព្យុងយ៉ាងរឿងអាវុធនុយក្លេអ៊ែរដែរ។
ប្រមុខការទូតអាមេរិកលោក ចន ឃេរី នឹងបន្តដំណើរទៅកាន់ប្រទេសចិនទៀត ក្រោយបញ្ចប់ទស្សនកិច្ចនៅឡាវនិងកម្ពុជា។ ទិសដៅចុងក្រោយនេះ លោកនឹងឆ្លៀតឱកាសជជែកពិភាក្សាជាមួយមន្ត្រីការទូតជាន់ខ្ពស់ និងមេដឹកនាំចិនផង ពីបញ្ហាប្រឈមធំៗក្នុងតំបន់ជាពិសេសកម្មវិធីនុយក្លេអ៊ែរកូរ៉េខាងជើង បញ្ហាសិទ្ធិមនុស្ស និងបញ្ហាតានតឹងសមុទ្រចិនខាងត្បូងផង។
កូរ៉េខាងជើងបានសម្រេចជោគជ័យក្នុងការបាញ់សាកល្បងគ្រាប់បែកអ៊ីដ្រូសែននៅដើមខែមករាកន្លងទៅ។ សកម្មភាពនេះបានបង្កឲ្យមានការភ្ងាក់ផ្អើលនិងធ្វើឲ្យសហគមន៍ខឹងសម្បារខ្លាំងដែរ។ សហរដ្ឋអាមេរិក កូរ៉េខាងត្បូង និងជប៉ុនព្រួយបារម្ភខ្លាំងជាងគេ ព្រោះវាអាចនឹងធ្វើឲ្យប៉ះពាល់ដល់សន្តិសុខជាតិរបស់ប្រទេសទាំងនេះ។ លោក ឃេរី ទៅកាន់ប្រទេសចិន ក្រោយពេលដែលលោកជួបជជែកពិភាក្សាជាមួយសមភាគីជប៉ុន និងកូរ៉េខាងត្បូង ហើយលោក បារ៉ាក់ អូបាម៉ា ក៏បានជជែកពីវិធានការដែលត្រូវដាក់ចេញដើម្បីដោះស្រាយបញ្ហានុយក្លេអ៊ែរឧបទ្វីបកូរ៉េ។
ដំណើរទស្សនកិច្ចរបស់មកកាន់តំបន់អាស៊ីលើកនេះ លោក ចន ឃេរី ក៏បានឆ្លៀតឱកាសជជែកជាមួយមេដឹកនាំបណ្តាប្រទេសក្នុងតំបន់ដូចជាឡាវ និងកម្ពុជាដែរពីបញ្ហានុយក្លេអ៊ែរ កូរ៉េខាងជើង ព្រោះទង្វើកូរ៉េខាងជើងគំរាមកំហែងសន្តិសុខនិងសន្តិភាពពិភពលោក។ កន្លងមកកម្ពុជាក៏បានចេញសេចក្តីថ្លែងការណ៍រិះគន់ការបាញ់សាកល្បងអាវុធនុយក្លេអ៊ែររបស់កូរ៉េខាងជើងដែរ។
ចិនឯណោះវិញកន្លងមកបានបង្ហាញជំហររឹងតឹ្អងរបស់ខ្លួនចំពោះសកម្មភាពកូរ៉េខាងជើងដែរព្រោះចិនមិនគាំទ្រការបាញ់សាកល្បងអាវុធនុយក្លេអ៊ែររបស់រដ្ឋាភិបាលក្រុងព្យុងយ៉ាងឡើយ។ លោក ចន ឃេរី ទំនងជានឹងស្វែងរកជំនួយពីក្រុងប៉េកាំងដើម្បីឲ្យមានការដាក់សម្ពាធលើក្រុងព្យុងយ៉ាងឲ្យប្រទេសនេះបញ្ចប់ការគំរាមកំហែងសន្តិភាពនិងត្រលប់ចូលតុចរចាវិញផង។ ហើយអាមេរិកក៏ប្រហែលជាចង់ឲ្យចិនឈានទៅដាក់ទណ្ឌកម្មប្រឆាំងកូរ៉េខាងជើងផង។
គេរំពឹងថា បើមានសម្ពាធពីចិន កិច្ចពិភាក្សាភាគី ៦ ដែលជាប់គាំងទៅមុខមិនរួចយូរណាស់មកហើយនោះ អាចចាប់ផ្តើមឡើងវិញ ប៉ុន្តែការជំរុញឲ្យកូរ៉េខាងជើងបោះបង់ចោលអាវុធនុយក្លេអ៊ែរនោះទំនងជាមិនអាចទៅរួចឡើយ។
ដោយឡែក បញ្ហាមួយទៀតដែលលោក ឃេរី អាចនឹងលើកយកបញ្ហាសមុទ្រចិនខាងត្បូងមកជជែកជាមួយសមភាគីចិនលោក Wang Yi និងប្រធានាធិបតីចិនលោក ស៊ី ជិនពីង ផងដែរ។ សហរដ្ឋអាមេរិកមិនមែនជាភាគីជម្លោះសមុទ្រចិនខាងត្បូងទេ តែអាមេរិកតែងលើកឡើងពីបញ្ហាសេរីភាពនាវាចរណ៍តាមសមុទ្រមកជាលេសមកដាក់សម្ពាធលើចិន។ ក្រុងវ៉ាស៊ីនតោន បារម្ភខ្លាំង ព្រោះតែចិនបន្តសាងសង់កោះសិប្បនិម្មិតវាតទីនៅកណ្តាលតំបន់ជម្លោះសមុទ្រចិន ព្រោះវាប៉ះពាល់ដល់ប្រយោជន៍អាមេរិកនៅក្នុងតំបន់៕
ប្រមុខការទូតអាមេរិកលោក ចន ឃេរី នឹងបន្តដំណើរទៅកាន់ប្រទេសចិនទៀត ក្រោយបញ្ចប់ទស្សនកិច្ចនៅឡាវនិងកម្ពុជា។ ទិសដៅចុងក្រោយនេះ លោកនឹងឆ្លៀតឱកាសជជែកពិភាក្សាជាមួយមន្ត្រីការទូតជាន់ខ្ពស់ និងមេដឹកនាំចិនផង ពីបញ្ហាប្រឈមធំៗក្នុងតំបន់ជាពិសេសកម្មវិធីនុយក្លេអ៊ែរកូរ៉េខាងជើង បញ្ហាសិទ្ធិមនុស្ស និងបញ្ហាតានតឹងសមុទ្រចិនខាងត្បូងផង។
កូរ៉េខាងជើងបានសម្រេចជោគជ័យក្នុងការបាញ់សាកល្បងគ្រាប់បែកអ៊ីដ្រូសែននៅដើមខែមករាកន្លងទៅ។ សកម្មភាពនេះបានបង្កឲ្យមានការភ្ងាក់ផ្អើលនិងធ្វើឲ្យសហគមន៍ខឹងសម្បារខ្លាំងដែរ។ សហរដ្ឋអាមេរិក កូរ៉េខាងត្បូង និងជប៉ុនព្រួយបារម្ភខ្លាំងជាងគេ ព្រោះវាអាចនឹងធ្វើឲ្យប៉ះពាល់ដល់សន្តិសុខជាតិរបស់ប្រទេសទាំងនេះ។ លោក ឃេរី ទៅកាន់ប្រទេសចិន ក្រោយពេលដែលលោកជួបជជែកពិភាក្សាជាមួយសមភាគីជប៉ុន និងកូរ៉េខាងត្បូង ហើយលោក បារ៉ាក់ អូបាម៉ា ក៏បានជជែកពីវិធានការដែលត្រូវដាក់ចេញដើម្បីដោះស្រាយបញ្ហានុយក្លេអ៊ែរឧបទ្វីបកូរ៉េ។
ដំណើរទស្សនកិច្ចរបស់មកកាន់តំបន់អាស៊ីលើកនេះ លោក ចន ឃេរី ក៏បានឆ្លៀតឱកាសជជែកជាមួយមេដឹកនាំបណ្តាប្រទេសក្នុងតំបន់ដូចជាឡាវ និងកម្ពុជាដែរពីបញ្ហានុយក្លេអ៊ែរ កូរ៉េខាងជើង ព្រោះទង្វើកូរ៉េខាងជើងគំរាមកំហែងសន្តិសុខនិងសន្តិភាពពិភពលោក។ កន្លងមកកម្ពុជាក៏បានចេញសេចក្តីថ្លែងការណ៍រិះគន់ការបាញ់សាកល្បងអាវុធនុយក្លេអ៊ែររបស់កូរ៉េខាងជើងដែរ។
ចិនឯណោះវិញកន្លងមកបានបង្ហាញជំហររឹងតឹ្អងរបស់ខ្លួនចំពោះសកម្មភាពកូរ៉េខាងជើងដែរព្រោះចិនមិនគាំទ្រការបាញ់សាកល្បងអាវុធនុយក្លេអ៊ែររបស់រដ្ឋាភិបាលក្រុងព្យុងយ៉ាងឡើយ។ លោក ចន ឃេរី ទំនងជានឹងស្វែងរកជំនួយពីក្រុងប៉េកាំងដើម្បីឲ្យមានការដាក់សម្ពាធលើក្រុងព្យុងយ៉ាងឲ្យប្រទេសនេះបញ្ចប់ការគំរាមកំហែងសន្តិភាពនិងត្រលប់ចូលតុចរចាវិញផង។ ហើយអាមេរិកក៏ប្រហែលជាចង់ឲ្យចិនឈានទៅដាក់ទណ្ឌកម្មប្រឆាំងកូរ៉េខាងជើងផង។
គេរំពឹងថា បើមានសម្ពាធពីចិន កិច្ចពិភាក្សាភាគី ៦ ដែលជាប់គាំងទៅមុខមិនរួចយូរណាស់មកហើយនោះ អាចចាប់ផ្តើមឡើងវិញ ប៉ុន្តែការជំរុញឲ្យកូរ៉េខាងជើងបោះបង់ចោលអាវុធនុយក្លេអ៊ែរនោះទំនងជាមិនអាចទៅរួចឡើយ។
ដោយឡែក បញ្ហាមួយទៀតដែលលោក ឃេរី អាចនឹងលើកយកបញ្ហាសមុទ្រចិនខាងត្បូងមកជជែកជាមួយសមភាគីចិនលោក Wang Yi និងប្រធានាធិបតីចិនលោក ស៊ី ជិនពីង ផងដែរ។ សហរដ្ឋអាមេរិកមិនមែនជាភាគីជម្លោះសមុទ្រចិនខាងត្បូងទេ តែអាមេរិកតែងលើកឡើងពីបញ្ហាសេរីភាពនាវាចរណ៍តាមសមុទ្រមកជាលេសមកដាក់សម្ពាធលើចិន។ ក្រុងវ៉ាស៊ីនតោន បារម្ភខ្លាំង ព្រោះតែចិនបន្តសាងសង់កោះសិប្បនិម្មិតវាតទីនៅកណ្តាលតំបន់ជម្លោះសមុទ្រចិន ព្រោះវាប៉ះពាល់ដល់ប្រយោជន៍អាមេរិកនៅក្នុងតំបន់៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ម៉ោង
