រដ្ឋមន្ត្រីអប់រំ ប្រាប់សិស្សឲ្យទៅរៀននៅថ្ងៃចូលឆ្នាំចិន

ជាតិ

រដ្ឋមន្ត្រីអប់រំ ប្រាប់សិស្សឲ្យទៅរៀននៅថ្ងៃចូលឆ្នាំចិន

30, Jan 2016 , 12:08 pm

រូបភាព

ដោយ:

លោក ហង់ ជួនណារ៉ុន រដ្ឋមន្ត្រីក្រសួងអប់រំ បានអំពាវនាវដល់សិស្សានុសិស្ស និងអាណាព្យាបាល ឲ្យជំរុញកូនរបស់ពួកគេទៅសាលារៀននៅថ្ងៃបុណ្យចូលឆ្នាំចិន ដែលនឹងមកដល់នៅសប្តាហ៍ក្រោយនេះ។

ការអំពាវនាវរបស់រដ្ឋមន្ត្រីក្រសួងអប់រំ ត្រូវធ្វើឡើងនៅក្នុងបទសម្ភាសន៍មួយដែលលោកបានផ្តល់ឲ្យក្រុមអ្នកកាសែត ពីក្នុងពិធីសន្និបាតបញ្ញវន្តពិភពលោកនៅព្រឹកថ្ងៃទី៣០មករានេះ។

កត្តាសិស្សានុសិស្ស គឺជាបញ្ហាមួយ នេះបើតាមការបញ្ជាក់របស់លោករដ្ឋមន្ត្រី ប៉ុន្តែកត្តាមាតាបិតា ឬអាណាព្យាបាល ក៏ជាបញ្ហាចម្បងមួយដែរ។ លោករដ្ឋមន្ត្រីក៏បានស្នើដល់មាតាបិតា ដើម្បីពួកគេជំរុញកូនរបស់ពួកគេឲ្យសាលារៀននៅថ្ងៃចូលឆ្នាំចិន។

ជាយូរមកហើយ ពិសេសក្នុងរយៈពេលប៉ុន្មានឆ្នាំចុងក្រោយនេះ សិស្សានុសិស្ស និងមន្ត្រីរាជការ បានប្រកាន់ទំនោរ ឈប់សម្រាកនៅក្នុងថ្ងៃបុណ្យចូលឆ្នាំប្រពៃណីចិន និងរៀតណាម។ និន្នការនេះត្រូវបានអនុវត្តដោយឯកឯង បើទោះវាមិនមែនជាថ្ងៃឈប់សម្រាកផ្លូវការរបស់រដ្ឋក៏ដោយ រហូតដល់មានឃ្លានិយាយជាទូទៅថា «សែនចិនស្រវឹងខ្មែរ»៕