កីឡាអន្តរជាតិ
អន្តរជាតិ
កីឡាករ Manny Pacquiao នឹងឡើងសង្វៀនម្តងទៀតមុននឹងស្វែងរកកៅអីក្នុងសភា
× កីឡាករជើងខ្លាំងរបស់ហ្វីលីពីន Manny Pacquiao បន្ទាប់ពីបាត់មុខមួយរយៈនៅលើសង្វៀន ក្រោយពីចាញ់កីឡាករ Floyd Mayweather ទាំងចម្រូងចម្រាសនោះ នឹងវិលត្រឡប់មកកាន់សង្វៀនម្តងទៀត ដើម្បីជួបប្រកួតជាមួយកីឡាករ Timothy Bradley នាថ្ងៃទី៩ ខែមេសា ក្នុងទីក្រុង Las Vegas ខាងមុខ មុននឹងបញ្ចប់អាជីពជាអ្នកប្រដាល់ ស្វែងរកកៅអីនៅក្នុងសភា។
កីឡាករជើងខ្លាំងប្រដាល់សកលលំដាប់ពិភព Manny Pacquiao មុននឹងបញ្ចប់អាជីពជាអ្នកប្រដាល់ ដើម្បីប្រឡូកក្នុងអាជីពជាអ្នកនយោបាយរបស់ខ្លួននោះ នឹងបង្ហាញវត្តមានលើសង្វៀនក្នុងទីក្រុង Las Vegas នាជំនួបជាមួយកីឡាករជើងខ្លាំង Timothy Bradley នាខែមេសា ខាងមុខនេះ។ ក្នុងនាមជាសមាជិកសភាកាលពីឆ្នាំ២០១០ កីឡាកររូបនេះបានប្រកាសកាលពីខែតុលា ឆ្នាំ២០១៥ថា រួបគេនឹងស្វែងកៅអីនៅក្នុងសភាភីលីពីននៅឆ្នាំ២០១៦នេះ ក្រោយពីចូលនិវត្តន៍បន្ទាប់ពីចប់ការប្រកួតនៅលើកនេះ។
ស្ថិតក្នុងវ័យ៣៧ឆ្នាំ Manny Pacquiao មានកំណត់ត្រាឈ្នះ៥៧លើក ចាញ់៦លើក ស្មើ២លើក ក្នុងនោះបានផ្តួលដៃគូឲ្យសន្លប់៣៨លើក។ ចំណែកកីឡាករ Bradley មានកំណត់ត្រាឈ្នះ៣៣លើក ចាញ់១លើក និងស្មើ១លើកក្នុងអាជីពប្រដាល់របស់គេ។ គួរបញ្ជាក់ផងដែរថា កីឡាករទាំង២ ធ្លាប់បានជួបគ្នាពីលើករួចមកហើយដោយលទ្ធផលឈ្នះម្នាក់មួយលើក៕
© រក្សាសិទ្ធិដោយ thmeythmey.com