ជាតិ
លោក កែ គឹមយ៉ាន ស្នើឲ្យអាជ្ញាធរចាត់ការបញ្ហាជួញដូរគ្រឿងញៀនក្នុងតំបន់បឹងឈូក លោក កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងនឹងគ្រឿងញៀន
× ប្រធានអាជ្ញាធរជាតិប្រយុទ្ធប្រឆាំងនឹងគ្រឿងញៀន លោក កែ គឹមយ៉ាន បានជំរុញឲ្យសមត្ថកិច្ច លុបបំបាត់ទាំងស្រុងនូវការចែកចាយគ្រឿងញៀនយ៉ាងអនាធិបតេយ្យ ក្នុងតំបន់បឹងឈូក ដែលស្ថិតនៅសង្កាត់គីឡូម៉ែត្រ លេខ៦ ខណ្ឌឬស្សីកែវ រាជធានីភ្នំពេញ។
លោក កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងនឹងគ្រឿងញៀន បានស្នើឲ្យសមត្ថកិច្ចចាត់វិធានការយ៉ាតឹងរឹង ដើម្បីដោះស្រាយបញ្ហាដ៏ក្តៅគគុក ជុំវិញការចែកចាយគ្រឿងញៀន ក្នុងតំបន់បឹងឈូក។ លោកបានចាត់ទុកតំបន់នេះថាជា «តំបន់ខ្មៅ» ដែលពោរពេញទៅដោយការជួញដូរ និងប្រើប្រាស់គ្រឿងញៀ ពីសំណាក់ជនមិនក្រែងច្បាប់។ ការលើកឡើងរបស់លោក កែ គឹមយ៉ាន ធ្វើឡើងក្នុងឱកាសបើកសន្និបាតបូកសរុបលទ្ធផលការងារត្រួតពិនិត្យគ្រឿងញៀនឆ្នាំ២០១៥ និងលើកទិសដៅការងារឆ្នាំ២០១៦ របស់អាជ្ញាធរជាតិប្រយុទ្ធប្រឆាំងនឹងគ្រឿងញៀន ដែលប្រព្រឹត្តិទៅនៅក្រសួងមហាផ្ទៃចាប់ពីថ្ងៃទី១ ដល់ថ្ងៃទី២ ខែកុម្ភៈ ឆ្នាំ២០១៦។
យ៉ាងណាក៏ដោយប្រធានអាជ្ញាធរជាតិប្រយុទ្ធប្រឆាំងនឹងគ្រឿងញៀនរូបនេះ បានទទួលស្គាល់ថាកន្លងមក អាជ្ញាធរពិតជាបានចាត់វិធានការ ក្នុងការបង្ក្រាបការចែកចាយគ្រឿងញៀននេះដែរ តែមិនសូវមានប្រសិទ្ធភាពឡើយ។ «នៅបឹងឈូកនេះ ម្ចាស់ផ្ទះខ្លះ ហ៊ានជួលផ្ទះរបស់ខ្លួនឲ្យអ្នកលក់គ្រឿងញៀនទៀតផង»។ នេះជាការបញ្ជាក់របស់លោក កែវ គឹមយ៉ាន៕
© រក្សាសិទ្ធិដោយ thmeythmey.com