អន្តរជាតិ
×![]()
ក្រសួងការពារជាតិចិននៅថ្ងៃទី១ ខែកុម្ភៈ បានដាក់សម្ពោធតំបន់ភូមិភាគយោធាថ្មីចំនួន៥ដែលទើបតែត្រូវបានកែសម្រួលថ្មី។ នេះជាជំហានថ្មីមួយទៀតសម្រាប់ការកែទម្រង់កងទ័ពរំដោះប្រជាជនចិនដែលជាផែនការដាក់ចេញដោយលោកប្រធានាធិបតី ស៊ី ជិនពីង ដើម្បីពង្រឹងសមត្ថភាពយោធាចិន។
សូមស្ដាប់ព័ត៌មានលម្អិត៖
ប្រធានាធិបតីចិនលោក ស៊ី ជិនពីង បានចូលរួមជាអធិបតីក្នុងពិធីប្រកាសតំបន់ភូមិភាគទើបបង្កើតថ្មីចំនួន៥ ដែលនេះជាសញ្ញានៃការពង្រឹងកាន់តែខ្លាំងបន្ថែមទៀតរបស់ប្រព័ន្ធបញ្ជាកងទ័ពនៅថ្នាក់តំបន់ ក៏ដូចជាជំរុញសមត្ថភាពកងទ័ពរំដោះប្រជាជនចិនទាំងមូលផងដែរ។លោក ស៊ី បានប្រគល់ទង់ដល់មេបញ្ជាការថ្មីនៃភូមិភាគទាំង៥ ខណៈពីមុនមានដល់ទៅ៧ភូមិភាគ។
ភូមិភាគថ្មីទាំង៥ដែលទើបបង្កើតនឹងជំនួសឲ្យភូមិភាគចាស់ចំនួន៧។ ក្នុងចំណោមភូមិភាគថ្មីទាំង៥ ត្រូវបានដាក់ឈ្មោះទៅតាមទិសធំទាំង៤ រួមទាំងតំបន់កណ្ដាល។ ខណៈភូមិភាគយោធាចាស់ទាំង៧ ត្រូវបានដាក់ឈ្មោះទៅតាមទីក្រុងដែលមានស្នាក់ការភូមិភាគយោធាទាំងនោះដូចជា ភូមិភាគប៉េកាំងឬភូមិភាគស៊ិនយ៉ាងជាដើម។
លោក ស៊ី ជិនពីង ដែលជាប្រធានគណៈកម្មាការយោធាមជ្ឈិមរបស់បក្សកុម្មុយនីស្តចិនដែរនោះបញ្ជាក់ថា ភូមិភាគថ្មីទាំង៥នឹងទទួលខុសត្រូវលើបញ្ហាក្នុងតំបន់របស់ខ្លួនដូចជាបញ្ហាសន្តិសុខនិងការរក្សាសន្តិភាព ព្រមទាំងការពារប្រទេសជាតិទាំងមូលផងដែរ។ ចំណែកអ្នកពាក្យក្រសួងការពារជាតិចិនវិញក៏បានបញ្ជាក់ដែរថា ការកែសម្រួលនេះនឹងមិនប៉ះពាល់ដល់ការងាររបស់កងទ័ពអ្វីទេ ហើយយោធានឹងមើលខុសត្រូវលើមន្ត្រីណាដែលប៉ះពាល់ដោយសារបញ្ហានេះ។
ការកែសម្រួលនេះគឺជាជំហានថ្មីមួយទៀតរបស់ចិនក្នុងការបង្កើនសមត្ថភាពរបស់កងទ័ពរំដោះប្រជាជនចិន ក្នុងការប្រឈមនឹងបញ្ហាដែលកំពុងកើតឡើង ជាពិសេសនោះគឺបញ្ហាសមុទ្រចិនខាងត្បូងតែម្ដង។ ការកែទម្រង់ទ្រង់ទ្រាយបែបនេះ ចាប់ផ្ដើមនៅពេលដែលលោក ស៊ី ជិនពីង ប្រកាសកាត់បន្ថយទ័ពចំនួន៣សែននាក់កាលពីឆ្នាំមុន។ ចាប់ពីពេលនោះមក គេសង្កេតឃើញមានផែនការសកម្មភាពជាច្រើនត្រូវបានដាក់ចេញ។
ជាក់ស្ដែង គ្រាន់តែឆ្នាំ២០១៦មកដល់ភ្លាម មហាយក្សចិនប្រកាសបង្កើតអង្គភាពយោធាធំៗបី ស្ថិតក្រោមរចនាសម្ព័ន្ធកងទ័ពរំដោះប្រជាជនចិន។ ក្រៅពីនោះចិនក៏ប្រកាសប្រាប់គេឯងពីផែនការកសាងនាវាដឹកយន្តហោះចម្បាំងទី២ ព្រមទាំងបញ្ចេញផែនការទំនើបកម្មយោធាជំហានថ្មីដែលនឹងត្រូវសម្រេចជោគជ័យឆ្នាំ ២០២០ ថែមទៀតផង។
ជារួម ចិនកាន់តែមានអំណាចយោធាខ្លាំង ហើយរដ្ឋាភិបាលក្រុងប៉េកាំងបច្ចុប្បន្នក៏កំពុងប្រឹងប្រែងធ្វើឲ្យកងទ័ពចិនខ្លាំងស្មើទ័ពបណ្តាមហាអំណាចជំនាន់មុនថែមទៀត៕
សូមស្ដាប់ព័ត៌មានលម្អិត៖
ប្រធានាធិបតីចិនលោក ស៊ី ជិនពីង បានចូលរួមជាអធិបតីក្នុងពិធីប្រកាសតំបន់ភូមិភាគទើបបង្កើតថ្មីចំនួន៥ ដែលនេះជាសញ្ញានៃការពង្រឹងកាន់តែខ្លាំងបន្ថែមទៀតរបស់ប្រព័ន្ធបញ្ជាកងទ័ពនៅថ្នាក់តំបន់ ក៏ដូចជាជំរុញសមត្ថភាពកងទ័ពរំដោះប្រជាជនចិនទាំងមូលផងដែរ។លោក ស៊ី បានប្រគល់ទង់ដល់មេបញ្ជាការថ្មីនៃភូមិភាគទាំង៥ ខណៈពីមុនមានដល់ទៅ៧ភូមិភាគ។
ភូមិភាគថ្មីទាំង៥ដែលទើបបង្កើតនឹងជំនួសឲ្យភូមិភាគចាស់ចំនួន៧។ ក្នុងចំណោមភូមិភាគថ្មីទាំង៥ ត្រូវបានដាក់ឈ្មោះទៅតាមទិសធំទាំង៤ រួមទាំងតំបន់កណ្ដាល។ ខណៈភូមិភាគយោធាចាស់ទាំង៧ ត្រូវបានដាក់ឈ្មោះទៅតាមទីក្រុងដែលមានស្នាក់ការភូមិភាគយោធាទាំងនោះដូចជា ភូមិភាគប៉េកាំងឬភូមិភាគស៊ិនយ៉ាងជាដើម។
លោក ស៊ី ជិនពីង ដែលជាប្រធានគណៈកម្មាការយោធាមជ្ឈិមរបស់បក្សកុម្មុយនីស្តចិនដែរនោះបញ្ជាក់ថា ភូមិភាគថ្មីទាំង៥នឹងទទួលខុសត្រូវលើបញ្ហាក្នុងតំបន់របស់ខ្លួនដូចជាបញ្ហាសន្តិសុខនិងការរក្សាសន្តិភាព ព្រមទាំងការពារប្រទេសជាតិទាំងមូលផងដែរ។ ចំណែកអ្នកពាក្យក្រសួងការពារជាតិចិនវិញក៏បានបញ្ជាក់ដែរថា ការកែសម្រួលនេះនឹងមិនប៉ះពាល់ដល់ការងាររបស់កងទ័ពអ្វីទេ ហើយយោធានឹងមើលខុសត្រូវលើមន្ត្រីណាដែលប៉ះពាល់ដោយសារបញ្ហានេះ។
ការកែសម្រួលនេះគឺជាជំហានថ្មីមួយទៀតរបស់ចិនក្នុងការបង្កើនសមត្ថភាពរបស់កងទ័ពរំដោះប្រជាជនចិន ក្នុងការប្រឈមនឹងបញ្ហាដែលកំពុងកើតឡើង ជាពិសេសនោះគឺបញ្ហាសមុទ្រចិនខាងត្បូងតែម្ដង។ ការកែទម្រង់ទ្រង់ទ្រាយបែបនេះ ចាប់ផ្ដើមនៅពេលដែលលោក ស៊ី ជិនពីង ប្រកាសកាត់បន្ថយទ័ពចំនួន៣សែននាក់កាលពីឆ្នាំមុន។ ចាប់ពីពេលនោះមក គេសង្កេតឃើញមានផែនការសកម្មភាពជាច្រើនត្រូវបានដាក់ចេញ។
ជាក់ស្ដែង គ្រាន់តែឆ្នាំ២០១៦មកដល់ភ្លាម មហាយក្សចិនប្រកាសបង្កើតអង្គភាពយោធាធំៗបី ស្ថិតក្រោមរចនាសម្ព័ន្ធកងទ័ពរំដោះប្រជាជនចិន។ ក្រៅពីនោះចិនក៏ប្រកាសប្រាប់គេឯងពីផែនការកសាងនាវាដឹកយន្តហោះចម្បាំងទី២ ព្រមទាំងបញ្ចេញផែនការទំនើបកម្មយោធាជំហានថ្មីដែលនឹងត្រូវសម្រេចជោគជ័យឆ្នាំ ២០២០ ថែមទៀតផង។
ជារួម ចិនកាន់តែមានអំណាចយោធាខ្លាំង ហើយរដ្ឋាភិបាលក្រុងប៉េកាំងបច្ចុប្បន្នក៏កំពុងប្រឹងប្រែងធ្វើឲ្យកងទ័ពចិនខ្លាំងស្មើទ័ពបណ្តាមហាអំណាចជំនាន់មុនថែមទៀត៕
Tag:
ចិន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
