បុរសម្នាក់ដើរទេសចរកាត់ជាង៣០ប្រទេស ដោយហូបតែភីហ្សា

អន្តរជាតិ

បុរសម្នាក់ដើរទេសចរកាត់ជាង៣០ប្រទេស ដោយហូបតែភីហ្សា

02, Feb 2016 , 8:19 pm

រូបភាព

ដោយ: ធីតា

លោក Phil Duncan គឺជាអ្នកទេសចរម្នាក់ដែលខុសពីគេ។ លោកបានធ្វើដំណើរឆ្លងកាត់ជាង៣០ប្រទេស និង៥ទ្វីប ដោយបរិភោគតែភីហ្សាប៉ុណ្ណោះ ដែលជាអាហារប្រចាំថ្ងៃ។ បុរសអង់គ្លេសអាយុ២៨ឆ្នាំ រូបនេះ តែងតែបង្ហោះសកម្មភាពដំណើរកំសាន្តរបស់ខ្លួន ជាមួយនឹងអាហារប្រចាំថ្ងៃភីហ្សា នៅលើ Instagram [phil.duncan] ។

ក្នុងដំណើរទេសចរណ៍ជាង៣០ប្រទេសនៅទ្វីបចំនួន៥នៅលើពិភពលោក យុវជន Phil Duncan មានគោលដៅសំខាន់បំផុត គឺការភ្លក់រសជាតិភីហ្សាគ្រប់ប្រភេទ។ បច្ចុប្បន្ន យុវជនជនជាតិអង់គ្លេសរូបនេះ មានវ័យ២៨ឆ្នាំ ប៉ុន្តែគេបានជាប់ចិត្តជាមួយនឹងភីហ្សាតាំងពីអាយុ៥ឆ្នាំមកម្ល៉េះ ពោលគឺនៅពេលធ្វើដំណើរទេសចរណ៍ទៅកាន់ Disneyland Paris។

លោក Phil Duncan បានលើកឡើងថា៖ «ខ្ញុំបានធ្វើដំណើរទៅកាន់ទីក្រុងធំៗជាច្រើន។ ខ្ញុំបានជួបការពិបាកនៅពេលស្ថិតនៅក្នុងប្រទេសដែនកោះ ឬតំបន់ដែលឆ្ងាយពីទីប្រជុំជន ប៉ុន្តែខ្ញុំនៅតែព្យាយាមរកភោជនីយដ្ឋានឲ្យទាល់តែបាន»។

បុរសរូបនេះ បានបញ្ជាក់ឲ្យដឹងថា រឿងដែលគេខកចិត្តបំផុតនោះ គឺក្នុងដំណើរទេសចរណ៍ទៅកាន់ប្រទេសអាហ្សង់ទីន។ «ខ្ញុំបានចូលហាងមួយនៅអាហ្សង់ទីន អ្នកធ្វើភីហ្សា ហាក់ជាមិនមានជំនាញសោះ»។

ក្តីសុបិនរបស់ Phil Duncan គឺបើកហាងភីហ្សាមួយដោយខ្លួនឯងនាពេលអនាគត។ «ខ្ញុំចង់រៀនធ្វើភីហ្សាដោយខ្លួនឯងដើម្បីត្រៀមបើកហាងមួយ ពោលគឺខ្ញុំមិនចង់ក្លាយជាអ្នកដែលជំនាញតែបរិភោគនោះឡើយ»៕