ជាតិ
សង្គមស៊ីវិល៣៤ស្ថាប័ន ថ្កោលទោសអំពើហិង្សាលើអ្នកតវ៉ាប្រឆាំងក្រុមហ៊ុនកាពីតូល
×![]()
ភ្នំពេញ៖ បន្ទាប់ពីមានអំពើហិង្សារវាងក្រុមបាតុករជាអតីតអ្នកបើករថយន្តក្រុងរបស់ក្រុមហ៊ុនកាពីតូល ជាមួយក្រុមអ្នករត់កង់បីណ ដែលជាសមាជិកសមាគមរួបរួមដើម្បីអភិវឌ្ឍន៍កម្ពុជា ដែលបានធ្វើឲ្យមានអ្នករងរបួសធ្ងន់ និងស្រាល១៤នាក់។ នៅល្ងាចថ្ងៃទី០៦ កុម្ភៈ ម្សិលមិញនេះ អង្គការសិទ្ធិមនុស្ស សង្គមស៊ីវិល សហគមន៍ និងសមាគមន៍ ទាំងអស់ចំនួន៣៤ស្ថាប័ន បានចេញសេចក្តីថ្លែងការរួមគ្នាមួយ ថ្កោលទោសចំពោះអំពើហិង្សានេះ និងបានអំពាវឲ្យសមត្ថកិច្ចដោះលែងជនរងគ្រោះចំនួនពីរនាក់ និងស៊ើបអង្កេតឲ្យបានត្រឹមត្រូវចំពោះហិង្សានេះ។ នេះបើយោងតាមគេហទំព័ររបស់សម្ព័ន្ធខ្មែរជំរឿន និងការពារសិទ្ធិមនុស្ស លីកាដូរ ចុះផ្សាយ កាលពីថ្ងៃទី០៦ កុម្ភៈ ម្សិលមិញ។
យ៉ាងហោចណាស់ មានមនុស្ស១៤នាក់ បានរងបួសធ្ងន់ និងស្រាល។ ក្នុងនោះ មានម្នាក់បាក់ដៃ និងជាច្រើននាក់ទៀតរបួសមុខ និងក្បាល ក្នុងព្រឹត្តិការណ៍អំពើហិង្សា រវាងក្រុមអ្នកតវ៉ា ដែលជាអតីតអ្នកបើករថយន្តក្រុងឲ្យក្រុមហ៊ុនកាពីតូល ដែលត្រូវក្រុមហ៊ុននេះបញ្ឈប់ពីការងារ និងអ្នករត់កង់បី ដែលជាសមាជិកសមាគមរួបរួមដើម្បីអភិវឌ្ឍន៍កម្ពុជា។ អ្នករងបួសទាំង១៤នាក់ រួមមាន៖ អ្នកបើកបររថយន្តក្រុងដែលជាអ្នកតវ៉ា និងអ្នកគាំទ្រអ្នកទាំងនោះជាច្រើននាក់ អ្នកឃ្លាំមើលសិទិ្ធមនុស្ស ១នាក់ និងមន្ត្រីនគរបាល ១នាក់។
សេចក្តីថ្លែងការដដែលបានសរសេររៀបរាប់ពីព្រឹត្តិការណ៍អំពើហិង្សាយ៉ាងដូច្នេះថា៖«នៅវេលាម៉ោងប្រមាណ ៩ និង៤០នាទី ព្រឹក អ្នកតវ៉ាមួយចំនួនក្នុងចំណោមអ្នកតវ៉ា ៥០នាក់ ដែលបានតវ៉ានៅក្បែរការិយាល័យក្រុមហ៊ុនរថយន្តក្រុងកាពីតូល នៅក្បែរផ្សារអូរឬស្សី ក្នុងរាជធានីភ្នំពេញ តាំងពីម៉ោង ៨ព្រឹក បានព្យាយាមរារាំងរថយន្តក្រុងមួយ ដោយមិនឲ្យចាកចេញពីស្ថានីយ៍។ អ្នកគាំទ្រប្រមាណ ៥០នាក់ មកពីសមាគមរួបរួមគ្នាដើម្បីអភិវឌ្ឍន៍កម្ពុជា ដែលភាគច្រើនបានស្លៀកសំលៀកបំពាក់ពណ៌ខ្មៅ និងពាក់មួកសុវត្ថិភាព បានដើរទៅ “ការពាររថយន្តក្រុង” ហើយអំពើហិង្សាបានចាប់ផ្តើមឡើង។ ភ្លាមៗបន្ទាប់ពីនោះ សមាជិកមួយចំនួននៃសមាគមរួបរួមគ្នាដើម្បីអភិវឌ្ឍន៍កម្ពុជា បានកាន់ញញួរ និងដំបងដែក វាយទៅលើក្រុមមនុស្ស ដោយបានវាយដំ និងទាត់ធាក់យ៉ាងខ្លាំងទៅលើអ្នកតវ៉ានិងអ្នកគាំទ្រទាំងនោះ»។
សេចក្តីថ្លែងការដដែលបានសរសេរបន្តថា៖«បន្ទាប់ពីការប៉ះទង្គិចគ្នា នគរបាលបានរុញអ្នកបើកបរនិងអ្នកគាំទ្រអ្នកទាំងនោះថយក្រោយ និងបានចាប់ខ្លួនមនុស្សពីនាក់ ជាអ្នកបើកបរម្នាក់ និងអ្នកបើករ៉ឺម៉កកង់បីម្នាក់មកពីសហភាពការងារកម្ពុជា។ មិនមានសមាជិកមកពីសមាគមរួបរួមគ្នាដើម្បីអភិវឌ្ឍន៍កម្ពុជាណាម្នាក់ ត្រូវបានចាប់ខ្លួននោះទេ»។
លោក អំ សំអាត អ្នកសម្របសម្រួលបច្ចេកទេសស៊ើបអង្កេតនៃអង្គការ លីកាដូ ដែលបានឃ្លាំមើលនៅក្នុងព្រឹត្តិការណ៍ហិង្សានោះ បានមានប្រសាសន៍ថា៖ “មនុស្សជាច្រើន ត្រូវបានក្រុមអ្នកស្លៀកពាក់ស៊ីវិលជាច្រើននាក់ប្រដាប់ដោយអាវុធបានវាយដំ ហើយនគរបាលមិនបានខិតខំប្រឹងប្រែងគ្រប់គ្រាន់ដើម្បីបញ្ឈប់អំពើហិង្សានេះនោះទេ”។ លោក បានបន្តទៀតថា៖ “មិនមាននរណាម្នាក់ដែលទទួលខុសត្រូវ និងចាប់ខ្លួន ទាក់ទងនឹងអំពើហិង្សាដែលបង្កឡើងដោយក្រុមអ្នកស្លៀកពាក់ស៊ីវិល និងនគរបាលបង្ក្រាបបាតុកម្មនោះទេ”។
លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស បានមានប្រសាសន៍ថា៖ “អំពើហិង្សាយ៉ាងធ្ងន់ធ្ងរនាថ្ងៃនេះ បង្ហាញថា ពលរដ្ឋដែលចូលរួមក្នុងការតវ៉ាជាសាធារណៈនានា នឹងត្រូវចាប់ខ្លួន ឬគម្រាមកំហែងដល់អាយុជីវិត។ នេះក៏ជាភស្តុតាងបន្ថែមនៃការប្រើប្រាស់អំពើហិង្សាដែលមិនមានភាពស្មើគ្នារបស់អាជ្ញាធរដែលមាននិទណ្ឌភាពទាំងស្រុង ដើម្បីបំភិតបំភ័យ និងបំបែកកម្មករដែលកំពុងតវ៉ា”។
សេចក្តីថ្លែងការដដែលបានសរសេរថា សមាគមរួបរួមគ្នាដើម្បីអភិវឌ្ឍន៍កម្ពុជា ដែលជាសមាគមតូចមួយនៃអ្នករត់ម៉ូតូឌុបនិងរ៉ឺម៉កកង់បីបានអះអាងថា ការតវ៉ារបស់អ្នកបើកបររថយន្តក្រុងទាំងនេះ បានរំខានដល់អាជីវកម្មអ្នកបើករ៉ឺម៉កកង់បីដែលនៅជុំវិញស្ថានីយ៍។ សមាគមនេះ មិនតំណាងឲ្យអ្នកបើកបររថយន្តក្រុងនោះទេ ហើយក៏មិនមានទំនាក់ទំនងផ្លូវការណាមួយនៅក្នុងជម្លោះនេះដែរ។ កាលពីខែកញ្ញា ឆ្នាំ២០១៣ អ្នកចូលរួមពីរនាក់នៅក្នុងការតវ៉ានៅពេលនោះរបស់សមាគមរួបរួមគ្នាដើម្បីអភិវឌ្ឍន៍កម្ពុជាបានរាយការណ៍ដល់សារព័ត៌មានថា អ្នកទាំងនោះត្រូវបានគេសន្យាផ្តល់ប្រាក់ដើម្បីចូលរួមក្នុងការតវ៉ា ហើយមិនបានដឹងថាតើគេតវ៉ាអំពីអ្វីនោះទេ។
អំពើហិង្សានេះ ត្រូវបានសង្គមស៊ីវិលចំនួន៣៤ស្ថានប័ន ក្នុងនោះរួមមាន៖ អង្គការការពារសិទ្ធិមនុស្សលីកាដូរ (LICADHO) អង្គការអាដហុក (ADHOC) មជ្ឈមណ្ឌល់អប់រំច្បាប់ សម្រាប់សហគមន៍(CLEC) និងស្ថាប័នចំនួន៣១ស្ថាប័នទៀត បានថ្កោលទោសយ៉ាងខ្លាំង និងបានអំពាវនាវឲ្យមានការដោះលែងជនរងគ្រោះ ដែលបានចាប់ខ្លួនដោយមិនត្រឹមត្រូវ និងទាមទារឲ្យមានការស៊ើបអង្កេតឲ្យបានឆាប់រហ័ស មានតម្លាភាព និងឯករាជ្យភាព។
សូមបញ្ជាក់ថា អ្នកបើកបររថយន្តក្រុង កាពីតូលចំនួន៤៥នាក់ បានធ្វើការតវ៉ាអស់រយៈពេលប្រហែល ២ខែមកហើយ បន្ទាប់ពីក្រុមហ៊ុនបញ្ឈប់ពួកគេ ដោយសារពួកគេ បានព្យាយាមបង្កើតសហជីព។ ក្រោយពីមានការស្នើសុំពីសាលារាជធានីភ្នំពេញ ឲ្យក្រុមហ៊ុនរថយន្តក្រុងនេះពិចារណាទទួលយកអ្នកបើកបរទាំងនោះវិញ។ ក្រុមអ្នកតវ៉ាក៏បានផ្អាកការតវ៉ាជាបណ្តោះអាសន្នកាលពីថ្ងៃទី២៦ ខែមករា។ បន្ទាប់ពីក្រុមហ៊ុនរថយន្តក្រុងនេះ មិនអើពើនឹងសំណើរបស់សាលារាជធានីភ្នំពេញ ពួកគេក៏បានចាប់ផ្តើមតវ៉ាជាថ្មី នៅថ្ងៃទី០៦ កុម្ភនេះ ម្សិលមិញនេះ៕
យ៉ាងហោចណាស់ មានមនុស្ស១៤នាក់ បានរងបួសធ្ងន់ និងស្រាល។ ក្នុងនោះ មានម្នាក់បាក់ដៃ និងជាច្រើននាក់ទៀតរបួសមុខ និងក្បាល ក្នុងព្រឹត្តិការណ៍អំពើហិង្សា រវាងក្រុមអ្នកតវ៉ា ដែលជាអតីតអ្នកបើករថយន្តក្រុងឲ្យក្រុមហ៊ុនកាពីតូល ដែលត្រូវក្រុមហ៊ុននេះបញ្ឈប់ពីការងារ និងអ្នករត់កង់បី ដែលជាសមាជិកសមាគមរួបរួមដើម្បីអភិវឌ្ឍន៍កម្ពុជា។ អ្នករងបួសទាំង១៤នាក់ រួមមាន៖ អ្នកបើកបររថយន្តក្រុងដែលជាអ្នកតវ៉ា និងអ្នកគាំទ្រអ្នកទាំងនោះជាច្រើននាក់ អ្នកឃ្លាំមើលសិទិ្ធមនុស្ស ១នាក់ និងមន្ត្រីនគរបាល ១នាក់។
សេចក្តីថ្លែងការដដែលបានសរសេររៀបរាប់ពីព្រឹត្តិការណ៍អំពើហិង្សាយ៉ាងដូច្នេះថា៖«នៅវេលាម៉ោងប្រមាណ ៩ និង៤០នាទី ព្រឹក អ្នកតវ៉ាមួយចំនួនក្នុងចំណោមអ្នកតវ៉ា ៥០នាក់ ដែលបានតវ៉ានៅក្បែរការិយាល័យក្រុមហ៊ុនរថយន្តក្រុងកាពីតូល នៅក្បែរផ្សារអូរឬស្សី ក្នុងរាជធានីភ្នំពេញ តាំងពីម៉ោង ៨ព្រឹក បានព្យាយាមរារាំងរថយន្តក្រុងមួយ ដោយមិនឲ្យចាកចេញពីស្ថានីយ៍។ អ្នកគាំទ្រប្រមាណ ៥០នាក់ មកពីសមាគមរួបរួមគ្នាដើម្បីអភិវឌ្ឍន៍កម្ពុជា ដែលភាគច្រើនបានស្លៀកសំលៀកបំពាក់ពណ៌ខ្មៅ និងពាក់មួកសុវត្ថិភាព បានដើរទៅ “ការពាររថយន្តក្រុង” ហើយអំពើហិង្សាបានចាប់ផ្តើមឡើង។ ភ្លាមៗបន្ទាប់ពីនោះ សមាជិកមួយចំនួននៃសមាគមរួបរួមគ្នាដើម្បីអភិវឌ្ឍន៍កម្ពុជា បានកាន់ញញួរ និងដំបងដែក វាយទៅលើក្រុមមនុស្ស ដោយបានវាយដំ និងទាត់ធាក់យ៉ាងខ្លាំងទៅលើអ្នកតវ៉ានិងអ្នកគាំទ្រទាំងនោះ»។
សេចក្តីថ្លែងការដដែលបានសរសេរបន្តថា៖«បន្ទាប់ពីការប៉ះទង្គិចគ្នា នគរបាលបានរុញអ្នកបើកបរនិងអ្នកគាំទ្រអ្នកទាំងនោះថយក្រោយ និងបានចាប់ខ្លួនមនុស្សពីនាក់ ជាអ្នកបើកបរម្នាក់ និងអ្នកបើករ៉ឺម៉កកង់បីម្នាក់មកពីសហភាពការងារកម្ពុជា។ មិនមានសមាជិកមកពីសមាគមរួបរួមគ្នាដើម្បីអភិវឌ្ឍន៍កម្ពុជាណាម្នាក់ ត្រូវបានចាប់ខ្លួននោះទេ»។
លោក អំ សំអាត អ្នកសម្របសម្រួលបច្ចេកទេសស៊ើបអង្កេតនៃអង្គការ លីកាដូ ដែលបានឃ្លាំមើលនៅក្នុងព្រឹត្តិការណ៍ហិង្សានោះ បានមានប្រសាសន៍ថា៖ “មនុស្សជាច្រើន ត្រូវបានក្រុមអ្នកស្លៀកពាក់ស៊ីវិលជាច្រើននាក់ប្រដាប់ដោយអាវុធបានវាយដំ ហើយនគរបាលមិនបានខិតខំប្រឹងប្រែងគ្រប់គ្រាន់ដើម្បីបញ្ឈប់អំពើហិង្សានេះនោះទេ”។ លោក បានបន្តទៀតថា៖ “មិនមាននរណាម្នាក់ដែលទទួលខុសត្រូវ និងចាប់ខ្លួន ទាក់ទងនឹងអំពើហិង្សាដែលបង្កឡើងដោយក្រុមអ្នកស្លៀកពាក់ស៊ីវិល និងនគរបាលបង្ក្រាបបាតុកម្មនោះទេ”។
លោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស បានមានប្រសាសន៍ថា៖ “អំពើហិង្សាយ៉ាងធ្ងន់ធ្ងរនាថ្ងៃនេះ បង្ហាញថា ពលរដ្ឋដែលចូលរួមក្នុងការតវ៉ាជាសាធារណៈនានា នឹងត្រូវចាប់ខ្លួន ឬគម្រាមកំហែងដល់អាយុជីវិត។ នេះក៏ជាភស្តុតាងបន្ថែមនៃការប្រើប្រាស់អំពើហិង្សាដែលមិនមានភាពស្មើគ្នារបស់អាជ្ញាធរដែលមាននិទណ្ឌភាពទាំងស្រុង ដើម្បីបំភិតបំភ័យ និងបំបែកកម្មករដែលកំពុងតវ៉ា”។
សេចក្តីថ្លែងការដដែលបានសរសេរថា សមាគមរួបរួមគ្នាដើម្បីអភិវឌ្ឍន៍កម្ពុជា ដែលជាសមាគមតូចមួយនៃអ្នករត់ម៉ូតូឌុបនិងរ៉ឺម៉កកង់បីបានអះអាងថា ការតវ៉ារបស់អ្នកបើកបររថយន្តក្រុងទាំងនេះ បានរំខានដល់អាជីវកម្មអ្នកបើករ៉ឺម៉កកង់បីដែលនៅជុំវិញស្ថានីយ៍។ សមាគមនេះ មិនតំណាងឲ្យអ្នកបើកបររថយន្តក្រុងនោះទេ ហើយក៏មិនមានទំនាក់ទំនងផ្លូវការណាមួយនៅក្នុងជម្លោះនេះដែរ។ កាលពីខែកញ្ញា ឆ្នាំ២០១៣ អ្នកចូលរួមពីរនាក់នៅក្នុងការតវ៉ានៅពេលនោះរបស់សមាគមរួបរួមគ្នាដើម្បីអភិវឌ្ឍន៍កម្ពុជាបានរាយការណ៍ដល់សារព័ត៌មានថា អ្នកទាំងនោះត្រូវបានគេសន្យាផ្តល់ប្រាក់ដើម្បីចូលរួមក្នុងការតវ៉ា ហើយមិនបានដឹងថាតើគេតវ៉ាអំពីអ្វីនោះទេ។
អំពើហិង្សានេះ ត្រូវបានសង្គមស៊ីវិលចំនួន៣៤ស្ថានប័ន ក្នុងនោះរួមមាន៖ អង្គការការពារសិទ្ធិមនុស្សលីកាដូរ (LICADHO) អង្គការអាដហុក (ADHOC) មជ្ឈមណ្ឌល់អប់រំច្បាប់ សម្រាប់សហគមន៍(CLEC) និងស្ថាប័នចំនួន៣១ស្ថាប័នទៀត បានថ្កោលទោសយ៉ាងខ្លាំង និងបានអំពាវនាវឲ្យមានការដោះលែងជនរងគ្រោះ ដែលបានចាប់ខ្លួនដោយមិនត្រឹមត្រូវ និងទាមទារឲ្យមានការស៊ើបអង្កេតឲ្យបានឆាប់រហ័ស មានតម្លាភាព និងឯករាជ្យភាព។
សូមបញ្ជាក់ថា អ្នកបើកបររថយន្តក្រុង កាពីតូលចំនួន៤៥នាក់ បានធ្វើការតវ៉ាអស់រយៈពេលប្រហែល ២ខែមកហើយ បន្ទាប់ពីក្រុមហ៊ុនបញ្ឈប់ពួកគេ ដោយសារពួកគេ បានព្យាយាមបង្កើតសហជីព។ ក្រោយពីមានការស្នើសុំពីសាលារាជធានីភ្នំពេញ ឲ្យក្រុមហ៊ុនរថយន្តក្រុងនេះពិចារណាទទួលយកអ្នកបើកបរទាំងនោះវិញ។ ក្រុមអ្នកតវ៉ាក៏បានផ្អាកការតវ៉ាជាបណ្តោះអាសន្នកាលពីថ្ងៃទី២៦ ខែមករា។ បន្ទាប់ពីក្រុមហ៊ុនរថយន្តក្រុងនេះ មិនអើពើនឹងសំណើរបស់សាលារាជធានីភ្នំពេញ ពួកគេក៏បានចាប់ផ្តើមតវ៉ាជាថ្មី នៅថ្ងៃទី០៦ កុម្ភនេះ ម្សិលមិញនេះ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
