ជាតិ
អ្នកនាំពាក្យថា ឯកឧត្តម សម រង្ស៊ី កុំយកអន្តរជាតិមកធានាខ្លួនចូលស្រុក ព្រោះគ្មានសង្ឃឹមឡើយ
×![]()
ដោយ: ធឿន បញ្ញាឬទិ្ធ
អ្នកនាំពាក្យគណបក្សប្រជាជនកម្ពុជា លោក សុខ ឥសាន បានបញ្ជាក់ថា ឯកឧត្តម សម រង្ស៊ី គឺពិបាកនឹងចូលមកកម្ពុជាវិញ បើមិនមានការលើកដៃហត្ថលេខាស្នើសុំលើកលែងទោសពីសម្ដេចនាយករដ្ឋមន្ត្រី ហ៊ុន សែន។ លោកចំអកវិញថា ឯកឧត្តម សម រង្ស៊ី មិនចាំបាច់យកអន្តរជាតិមកធានាលោក ចូលស្រុកវិញទេព្រោះវាគ្មានសង្ឃឹមឡើយ។ ឯកឧត្តម សម រង្ស៊ី បានអះអាងថា អន្តរជាតិកំពុងតាមដានស្ថានការណ៍នយោបាយនៅកម្ពុជា ហើយពួកគេនឹងអន្តរាគមន៍ជួយធានាឲ្យលោក ចូលមកកម្ពុជានៅពេលបោះឆ្នោតឃុំ សង្កាត់ឆ្នាំ២០១៧ និងបោះឆ្នោតសកលឆ្នាំ២០១៨។
ក្រោយពីឮការលើកឡើងរបស់ឯកឧត្តម សម រង្ស៊ី នេះ លោក សុខ ឥសាន តបវិញថា ទោះជា ឯកឧត្តម សម រង្ស៊ី យកអន្តរជាតិមកធានាខ្លួនឲ្យចូលស្រុកវិញ ក៏គ្មានសង្ឃឹមឡើយ ព្រោះប្រទេសទាំងនោះគ្មានសិទ្ធិលូកដៃចូលកិច្ចការផ្ទៃក្នុងកម្ពុជា ហើយកម្ពុជាមានឯករាជ្យ និងអធិបតេយ្យភាពខ្លួន មិនស្ថិតក្រោមប្រទេសណាមួយឡើយ ។ អ្នកនាំពាក្យគណបក្សប្រជាជនកម្ពុជារូបនេះ បានចំអកទៅឯកឧត្តម សម រង្ស៊ី វិញថា ការលើកយកអន្តរជាតិមកការពារខ្លួននេះ គឺគ្រាន់តែជាការអះអាងរបស់ប្រធានគណបក្សប្រឆាំងមួយនេះ ដើម្បីដាក់គំនាបមកកម្ពុជាប៉ុណ្ណោះ តែធាតុពិតសហគមន៍អន្តរជាតិមិនដែលចង់លូកដៃចូលផ្ទៃក្នុងប្រទេសកម្ពុជាទេ។
ទន្ទឹមនឹងនេះលោក សុខ ឥសាន ក៏បានរំឮកប្រសាសន៍នាយករដ្ឋមន្ត្រី ហ៊ុន សែន ប្រាប់ឯកឧត្តម សម រង្ស៊ី ថា លោកនឹងមិនអាចចូលមកកម្ពុជាវិញទេ បើមិនមានការលើកដៃហត្ថលេខាស្នើសុំលើកលែងទោសជូនឯកឧត្តម សម រង្ស៊ី ពីសម្ដេចនាយករដ្ឋមន្ត្រី ហ៊ុន សែន ថ្វាយព្រះមហាក្សត្រ។
ថ្លែងប្រាប់សារព័ត៌មានថ្មីៗ អ្នកនាំពាក្យរូបនេះ បញ្ជាក់ដូច្នេះថា៖«សម្ដេច ហ៊ុន សែន បានប្រកាសរួចហើយថា លោកនឹងកាត់ដៃស្ដាំចោលបើសិនជាលើកដៃចុះហត្ថលេខាលើកលែងទោសដល់អ្នកណាម្នាក់ទៀត។ ដូចនេះលោក សម រង្ស៊ី នឹងមិនអាចចូលស្រុកវិញបានទេ បើគ្មានការលើកដៃចុះហត្ថលេខាពីសម្ដេចសុំលើកលែងទោសទៅថ្វាយព្រះមហាក្សត្រ។ ហើយការលើកយកសហគមន៍អន្តរជាតិនេះ គឺគាត់គ្រាន់តែអះអាងខ្លួនឯងដាក់គំនាបមកកម្ពុជា ប៉ុន្ដែអន្តរជាតិទាំងនោះគ្មានសិទ្ធិលូកដៃចូលបញ្ហាកម្ពុជាទេ ហើយដូចEUជាដើមពួកគេគ្មានបំណងកាត់ជំនួយកម្ពុជា ដូចការលើកឡើងរបស់លោក សម រង្ស៊ី ដែរ»។
កន្លងមកសម្តេចនាយករដ្ឋមន្ត្រី ហ៊ុន សែន បានប្រកាសថា នឹងកាត់ដៃស្តាំខ្លួនឯងចោលប្រសិនបើសម្តេចស្នើឲ្យលើកទោសលើកទី ៣ ដល់អ្នកណាម្នាក់។ បើទោះបីជាប្រមុខរដ្ឋាភិបាលមិននិយាយចំឈ្មោះឯកឧត្តម សម រង្ស៊ី មេបក្សសង្គ្រោះជាតិក្តី ក៏គេដឹងថាការលើកឡើងរបស់សម្តេច ធ្វើឡើងទំនងផ្ញើសារប្រាប់ទៅឯកឧត្តម សម រង្ស៊ី។
តែយ៉ាងណាលោក អ៊ូ វីរៈ អ្នកវិភាគនយោបាយ ធ្លាប់ប្រាប់សារព័ត៌មានថ្មីៗថា បញ្ហានយោបាយនៅកម្ពុជាគឺតែងតែមានការផ្លាស់ប្ដូរទៅតាមចិត្តអ្នកនយោបាយ។ អ្នកវិភាគរូបនេះ យល់ឃើញថា បើទោះជាសម្ដេច ហ៊ុន សែន ប្រកាសកាត់ដៃចោល បើសិនលើកទោសដល់អ្នកណាម្នាក់ក៏ដោយ តែលោកជឿថា ឯកឧត្តម សម រង្ស៊ី នឹងអាចចូលមកកម្ពុជាវិញ តាមរយៈការចចារនយោបាយដូចឆ្នាំ២០១៣កន្លងមកដែរ។
ប្រធានគណបក្សសង្គ្រោះជាតិឯកឧត្តម សម រង្ស៊ី ដែលកំពុងមានវត្តមាននៅសហរដ្ឋអាមេរិកបានថ្លែងក្នុងពិធីជួបសំណេះសំណាលជាមួយប្រជាពលរដ្ឋនៅក្រុងតាខ្មៅ ខេត្តកណ្តាល តាមរយៈប្រព័ន្ធស្កេប(Skype) កាលពីពេលថ្មីៗ ថា លោកបានជួបជាមួយអគ្គលេខាធិការរងអង្គការសហប្រជាជាតិទទួលបន្ទុកកិច្ចការនយោបាយ ទីប្រឹក្សាជាន់ខ្ពស់របស់ប្រធានាធិបតីសហរដ្ឋអាមេរិក តំណាងរាស្ត្រនិងព្រឹទ្ធសភាអាមេរិក និងអ្នកដែលបានតាមដានស្ថានការណ៍នយោបាយនៅកម្ពុជា។ ប្រធានគណបក្សសង្គ្រោះជាតិរូបនេះ អះអាងថា សហរដ្ឋអាមេរិកកំពុងតែរៀបចំជួយដល់លទ្ធិប្រជាធិបតេយ្យពិតប្រាកដមួយនៅកម្ពុជា និងធានាការវិលត្រឡប់របស់លោកចូលមកប្រទេសកម្ពុជាវិញនៅពេលបោះឆ្នោត ឃុំ សង្កាត់ ឆ្នាំ០២១៧ និងមុនពេលបោះឆ្នោតឆ្នាំ២០១៨ ខាងមុខនេះ៕
ក្រោយពីឮការលើកឡើងរបស់ឯកឧត្តម សម រង្ស៊ី នេះ លោក សុខ ឥសាន តបវិញថា ទោះជា ឯកឧត្តម សម រង្ស៊ី យកអន្តរជាតិមកធានាខ្លួនឲ្យចូលស្រុកវិញ ក៏គ្មានសង្ឃឹមឡើយ ព្រោះប្រទេសទាំងនោះគ្មានសិទ្ធិលូកដៃចូលកិច្ចការផ្ទៃក្នុងកម្ពុជា ហើយកម្ពុជាមានឯករាជ្យ និងអធិបតេយ្យភាពខ្លួន មិនស្ថិតក្រោមប្រទេសណាមួយឡើយ ។ អ្នកនាំពាក្យគណបក្សប្រជាជនកម្ពុជារូបនេះ បានចំអកទៅឯកឧត្តម សម រង្ស៊ី វិញថា ការលើកយកអន្តរជាតិមកការពារខ្លួននេះ គឺគ្រាន់តែជាការអះអាងរបស់ប្រធានគណបក្សប្រឆាំងមួយនេះ ដើម្បីដាក់គំនាបមកកម្ពុជាប៉ុណ្ណោះ តែធាតុពិតសហគមន៍អន្តរជាតិមិនដែលចង់លូកដៃចូលផ្ទៃក្នុងប្រទេសកម្ពុជាទេ។
ទន្ទឹមនឹងនេះលោក សុខ ឥសាន ក៏បានរំឮកប្រសាសន៍នាយករដ្ឋមន្ត្រី ហ៊ុន សែន ប្រាប់ឯកឧត្តម សម រង្ស៊ី ថា លោកនឹងមិនអាចចូលមកកម្ពុជាវិញទេ បើមិនមានការលើកដៃហត្ថលេខាស្នើសុំលើកលែងទោសជូនឯកឧត្តម សម រង្ស៊ី ពីសម្ដេចនាយករដ្ឋមន្ត្រី ហ៊ុន សែន ថ្វាយព្រះមហាក្សត្រ។
ថ្លែងប្រាប់សារព័ត៌មានថ្មីៗ អ្នកនាំពាក្យរូបនេះ បញ្ជាក់ដូច្នេះថា៖«សម្ដេច ហ៊ុន សែន បានប្រកាសរួចហើយថា លោកនឹងកាត់ដៃស្ដាំចោលបើសិនជាលើកដៃចុះហត្ថលេខាលើកលែងទោសដល់អ្នកណាម្នាក់ទៀត។ ដូចនេះលោក សម រង្ស៊ី នឹងមិនអាចចូលស្រុកវិញបានទេ បើគ្មានការលើកដៃចុះហត្ថលេខាពីសម្ដេចសុំលើកលែងទោសទៅថ្វាយព្រះមហាក្សត្រ។ ហើយការលើកយកសហគមន៍អន្តរជាតិនេះ គឺគាត់គ្រាន់តែអះអាងខ្លួនឯងដាក់គំនាបមកកម្ពុជា ប៉ុន្ដែអន្តរជាតិទាំងនោះគ្មានសិទ្ធិលូកដៃចូលបញ្ហាកម្ពុជាទេ ហើយដូចEUជាដើមពួកគេគ្មានបំណងកាត់ជំនួយកម្ពុជា ដូចការលើកឡើងរបស់លោក សម រង្ស៊ី ដែរ»។
កន្លងមកសម្តេចនាយករដ្ឋមន្ត្រី ហ៊ុន សែន បានប្រកាសថា នឹងកាត់ដៃស្តាំខ្លួនឯងចោលប្រសិនបើសម្តេចស្នើឲ្យលើកទោសលើកទី ៣ ដល់អ្នកណាម្នាក់។ បើទោះបីជាប្រមុខរដ្ឋាភិបាលមិននិយាយចំឈ្មោះឯកឧត្តម សម រង្ស៊ី មេបក្សសង្គ្រោះជាតិក្តី ក៏គេដឹងថាការលើកឡើងរបស់សម្តេច ធ្វើឡើងទំនងផ្ញើសារប្រាប់ទៅឯកឧត្តម សម រង្ស៊ី។
តែយ៉ាងណាលោក អ៊ូ វីរៈ អ្នកវិភាគនយោបាយ ធ្លាប់ប្រាប់សារព័ត៌មានថ្មីៗថា បញ្ហានយោបាយនៅកម្ពុជាគឺតែងតែមានការផ្លាស់ប្ដូរទៅតាមចិត្តអ្នកនយោបាយ។ អ្នកវិភាគរូបនេះ យល់ឃើញថា បើទោះជាសម្ដេច ហ៊ុន សែន ប្រកាសកាត់ដៃចោល បើសិនលើកទោសដល់អ្នកណាម្នាក់ក៏ដោយ តែលោកជឿថា ឯកឧត្តម សម រង្ស៊ី នឹងអាចចូលមកកម្ពុជាវិញ តាមរយៈការចចារនយោបាយដូចឆ្នាំ២០១៣កន្លងមកដែរ។
ប្រធានគណបក្សសង្គ្រោះជាតិឯកឧត្តម សម រង្ស៊ី ដែលកំពុងមានវត្តមាននៅសហរដ្ឋអាមេរិកបានថ្លែងក្នុងពិធីជួបសំណេះសំណាលជាមួយប្រជាពលរដ្ឋនៅក្រុងតាខ្មៅ ខេត្តកណ្តាល តាមរយៈប្រព័ន្ធស្កេប(Skype) កាលពីពេលថ្មីៗ ថា លោកបានជួបជាមួយអគ្គលេខាធិការរងអង្គការសហប្រជាជាតិទទួលបន្ទុកកិច្ចការនយោបាយ ទីប្រឹក្សាជាន់ខ្ពស់របស់ប្រធានាធិបតីសហរដ្ឋអាមេរិក តំណាងរាស្ត្រនិងព្រឹទ្ធសភាអាមេរិក និងអ្នកដែលបានតាមដានស្ថានការណ៍នយោបាយនៅកម្ពុជា។ ប្រធានគណបក្សសង្គ្រោះជាតិរូបនេះ អះអាងថា សហរដ្ឋអាមេរិកកំពុងតែរៀបចំជួយដល់លទ្ធិប្រជាធិបតេយ្យពិតប្រាកដមួយនៅកម្ពុជា និងធានាការវិលត្រឡប់របស់លោកចូលមកប្រទេសកម្ពុជាវិញនៅពេលបោះឆ្នោត ឃុំ សង្កាត់ ឆ្នាំ០២១៧ និងមុនពេលបោះឆ្នោតឆ្នាំ២០១៨ ខាងមុខនេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
