ទ្រង់ រណឫទ្ធិ បដិសេធបំណងបណ្តេញលោក ញឹក ប៊ុនឆៃ ចេញពីបក្ស

ជាតិ

នយោបាយជាតិ

ទ្រង់ រណឫទ្ធិ បដិសេធបំណងបណ្តេញលោក ញឹក ប៊ុនឆៃ ចេញពីបក្ស

15, Feb 2016 , 12:21 pm

រូបភាព

ដោយ:

ប្រធានគណបក្សហ្វ៊ុនស៊ិនប៉ិច ព្រះអង្គម្ចាស់ នរោត្តម រណឫទ្ធិ បានចេញមុខបកស្រាយចំពោះការចាកចេញរបស់ក្រុមលោក ញឹក ប៊ុនឆៃ ទៅបង្កើតគណបក្សថ្មីឈ្មោះ «ខ្មែររួបរូមជាតិ»។ ព្រះអង្គម្ចាស់បញ្ជាក់ថា ការចាកចេញនេះ កន្លងមកមានការសង្ស័យថា ព្រះអង្គជាអ្នកចង់បណ្តេញលោក ញឹក ប៊ុនឆៃ ចេញពីបក្ស។

ព្រះអង្គម្ចាស់ នរោត្តម រណឫទ្ធិ ប្រកាសថា ទ្រង់គ្មានបំណងណាមួយបណ្តេញលោក ញឹក ប៊ុនឆៃ និងក្រុមបក្សពួករបស់លោក ញឹក ប៊ុនឆៃ ចេញពីបក្សដូចការចោទប្រកាន់របស់លោក ញឹក ប៊ុនឆៃ នោះទេ។ «ពីព្រោះគោលបំណងរបស់ខ្ញុំ ធ្វើតាមព្រះរាជបណ្តាំចុងក្រោយនៃព្រះបរមរតនកោដ្ឋ ឲ្យរួបរួមគ្នាជាកម្លាំង ដែលខ្ញុំមានភារកិច្ចជាអ្នកប្រមូលអ្នករាជានិយម អ្នកសីហនុនិយម ដែលបានបែកបាក់គ្នា»។ នេះជាបន្ទូលរបស់ព្រះអង្គម្ចាស់ នរោត្តម រណឫទ្ធិ ដែលបានលើកឡើងនៅក្នុងលិខិតបំភ្លឺរបស់ទ្រង់កាលពីពេលថ្មីៗនេះ។

បើតាមសេចក្តីបំភ្លឺដដែល សម្តេចក្រមព្រះ ក៏បានចាត់ទុកព្រឹត្តិការណ៍ដែលកើតឡើងកន្លងមក គឺជាទង្វើរបស់លោក ញឹក ប៊ុនឆៃ និងបក្សពួករបស់ខ្លួន ដែលធ្វើតាមមហិច្ឆតាគិតទុកជាមុន ដើម្បីបម្រើផលប្រយោជន៍របស់ពួកខ្លួន។

ក្នុងបទសម្ភាសន៍ជាមួយសារព័ត៌មានថ្មីៗ បន្ទាប់ពីចេញពីគណបក្សហ្វ៊ុនស៊ិនប៉ិច ទៅបង្កើតបក្សថ្មី លោក ញឹក ប៊ុនឆៃ បានចោទព្រះអង្គម្ចាស់ នរោត្តម រណឫទ្ធិ ថា មានបំណងបណ្តេញលោក និងមន្ត្រីមួយចំនួនចេញពីបក្ស។ ជាងនេះ លោក ញឹក ប៊ុកឆៃ ក៏បរិហារព្រះអង្គបរិហារថា ជាមេដឹកនាំអាត្មានិយម និងដឹកនាំតាមបែបអត្តាធិបតេយ្យ ធ្វើឲ្យគណបក្សហ្វ៊ុនស៊ិនប៉ិច ក្រោមការដឹកនាំរបស់ទ្រង់ជាង ១ ឆ្នាំ មកនេះ មិនរីកចម្រើនឡើយ៕