ពីនេះ ពីនោះ
តើពាក្យ «គេចវេះ និង គេចវេស» មួយណាត្រឹមត្រូវ?
× សាធារណជនមួយចំនួន តែងតែសរសេរពាក្យ «គេចវេះ និង គេចវេស» នេះច្រឡំដោយមិនដឹងច្បាស់ថាពាក្យមួយណាគឺជាពាក្យដែលត្រឹមត្រូវតាមវចនានុក្រម ។ នៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យដែលត្រឹមត្រូវ គឺសរសេរជា «គេចវេះ»។ ពាក្យនេះ កើតចេញពីការផ្សំគ្នារវាងពាក្យថា «គេច» និង«វេះ»។
ពាក្យ«គេច» ជាកិរិយាស័ព្ទ មានន័យថា ចៀសវាង៖ គេចចុះគេចឡើង, ទាហានទៅខាងឆ្វេង ចោរទៅខាងស្ដាំ។ ពាក្យ«វេះ» ជាកិរិយាស័ព្ទ មានន័យថា គេចមិនឲ្យជួប, ដោះខ្លួនចេញមិនឲ្យឃើញ៖ វេះមិនមកផ្ទះ វេះមិនចូលសាលារៀន។
ហេតុនេះ ពាក្យ«គេចវេះ» ជាកិរិយាស័ព្ទ មានន័យថា គេចដោះមិនឲ្យឃើញខ្លួន៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com