ជាតិ
សង្គមជាតិ
តុលាការកាត់ទោសឲ្យលោក សុខ ប៊ុន ជាប់ពន្ធនាគារ ៣ ឆ្នាំ តែព្យួរ ២ ឆ្នាំ
× នៅទីបំផុតតុលាការដំបូងរាជធានីភ្នំពេញ បានសម្រេចប្រកាសសាលក្រមផ្តន្ទាទោស លោក សុខ ប៊ុន អតីតប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ជាប់ពន្ធនាគាររយៈពេល ៣ ឆ្នាំ ក៏បុន្តែតុលាការព្យួរទោស ២ ឆ្នាំ ហើយពិន័យប្រាក់ ៦ លានរៀលចូលរដ្ឋ ក្រោមបទចោទ ប្រើប្រាស់អំពើហិង្សាដោយចេតនាមានស្ថានទម្ងន់ទោស។
នៅមុនពេលតុលាការប្រកាសសាលក្រមនៅរសៀលនេះ ជាង ២ សប្តាហ៍ កញ្ញា សាសា បានសម្រេចចិត្តដកពាក្យបណ្តឹង ដោយទទួលយកសំណងពី លោក សុខ ប៊ុន តាមការសម្របសម្រួលរវាងគ្រួសារដើមបណ្តឹង និងគ្រួសារចុងចោទ។
សូមរម្លឹកថា អតីតពិធីការិនីទូរទស្សន៍ CTN កញ្ញា សាសា ត្រូវបានលោក សុខ ប៊ុន អតីតប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា វាយដំយ៉ាងធ្ងន់ធ្ងរ នៅកោះពេជ្រ កាលពីយប់ថ្ងៃទី២ ឈានចូលថ្ងៃទី៣ ខែកក្កដា ឆ្នាំ២០១៥៕
© រក្សាសិទ្ធិដោយ thmeythmey.com