ជាតិ
×![]()
សៀមរាប៖ ដោយមើលឃើញពីសក្កានុពលខាងកសិកម្មក្នុងខេត្តសៀមរាប លោក ប្រុស ដែលជាកសិកររស់នៅក្រុងសៀមរាប បានចាប់មុខរបរមួយនេះសម្រាប់រកចំណូលចូលគ្រួសារ។ ដំណាំដែលលោក ប្រុស បាននិងកំពុងដាំរួមមាន ស្ពៃ ខ្ទឹម ត្រសក់។ល។ នៅលើផ្ទៃដីមួយហិកតា ដែលលោកប្រុស កំពុងដាំំដុះបន្លែសព្វថ្ងៃនេះ គឺលោកអាចទាញចំណូលបាន៣លានរៀលក្នុងមួយខែ ក្រោយពីផាត់ចំណាយរួច។
ជាង២ឆ្នាំមកហើយ ដែលលោក ប្រុស និងគ្រួសារ ចាប់អាជីពជាកសិករ ដាំបន្លែដើម្បីផ្គត់ផ្គន់ទីផ្សារសៀមរាប។ មុនដំបូងបុរសវ័យ ៣២ឆ្នាំរូបនេះ ដាំផ្កាចន្ធូ លើផ្ទៃដី៣០០០ការ៉េ ប៉ុន្តែដោយសារផ្កាចន្ធូ ចុះទឹកខ្លាំង និងទាមទារឲ្យមានការថែទាំដិតដល់នោះ លោក ប្រុស ក៏ងៀកមកដាំបន្លែជំនួសវិញ។
ស្ថិតនៅភូមិក្រួស សង្កាត់ស្វាយដង្គំ ក្រុងសៀមរាប លើដីវាលមួយកន្លែងទំហំ១ហិកតា គឺជាទីតាំងដាំបន្លែរបស់លោកប្រុស។ បុរសសម្បុរស្រអែមរូបនេះ បានអះអាងថា លោកនិងបងប្រុសខ្លួន បានជួលដីពីគេ ក្នុងតម្លៃ៤៥០ដុល្លារក្នុងមួយឆ្នាំ។ ក្នុងនោះលោកប្រុស ក៏បានចិញ្ចឹមមាន់មួយចំនួនផងដែរ ហើយលោកអាចយកលាមកមាន់ទុកធ្វើជីផង។
ក្នុងវាលដីដំណាំរបស់លោក ប្រុស គេឃើញមានដំណាំស្ពៃដែលរៀងលូតលាស់ច្រើនជាងគេ បន្ទាប់មកគឺត្រសក់ ខ្ទឹម សណ្តែកកួរ។ល។ ក្នុងចំណោមបន្លែទាំងអស់ លោក ប្រុសប្រាប់ថា គឺដំណាំខ្ទឹម ដែលលក់បានថ្លៃជាងគេ។ ខ្ទឹមខ្យល់ក្នុងមួយគីឡូ លោកប្រុសអាចលក់បានពីតម្លៃ ៧ពាន់ទៅ៨ពាន់រៀល ហើយងាយស្រួលដាំផងដែរ គឺប្រើពេលចន្លោះពី២៥ថ្ងៃ ទៅ១ខែប៉ុណ្ណោះ គឺវាអាស្រ័យតាមអាកាសធាតុក្តៅឫត្រជាក់។ ក្នុងរដូវត្រជាក់ ខ្ទឹមត្រូវការពេលពី២៥ថ្ងៃ ទៅ២៨ថ្ងៃប៉ុណ្ណោះ ចំណែកខែក្តៅ គឺវាត្រូវការពេលដល់ទៅ១ខែ១០ថ្ងៃ ទើបអាចទទួលផលបាន។« ក្នុងមួយម៉ែត្រការ៉េ បានផលពី៥ទៅ៦គីឡូ»។ នេះជាការបញ្ជាក់របស់លោក ប្រុស ដែលលូចអួតពីដាំណាំខ្ទឹមខ្យល់របស់លោក។
ក្រៅពីខ្ទឹមលោក ប្រុស ក៏ជោគជ័យលើបន្លែស្ពៃគួរសមដែរ។ លោកប្រុស ដាំស្ពីក្រញាញ់ និងស្ពីចង្កឹះ ហើយការទទួលផលក៏មិនយូរដែរ។ ចន្លោះពី២ ទៅ៤សប្តាហ៍ លោកប្រុសអាចវិលជុំ ក្នុងការដាំំស្ពៃនេះបានយ៉ាងងាយស្រួល ហើយអាចលក់ក្នុងតម្លៃពី២៥០០រៀល ទៅ៣០០០រៀលក្នុងមួយគីឡូក្រាម។
យ៉ាងណាក៏ដោយ លោក ប្រុសអះអាងថា ការដាំបន្លែក្នុងខេត្តសៀមរាប មានផលលំបាកជាងបណ្តាខេត្តមួយចំនួន។ ទឹកមិនសូវចោទជាបញ្ហាប៉ុន្មានទេ តែគឺបញ្ហាដី។ ដីនៅខេត្តសៀមរាប គឺជាប្រភេទដីល្បាយខ្សាច់ ដែលពិបាកក្នុងការលើករោងដាំបន្លែ។ ទឹកនឹងហូរច្រោះរោងបន្លែឲ្យរាបស្មើដី ហើយកសិករពិបាកដាំបន្លែបំផុត ក្នុងរដូវភ្លៀង។ អាចនិយាយបានថា ដោយសារមិនសូវអំណោយផលផ្នែកភូមិសាស្ត្រនេះហើយ ទើបធ្វើកសិករក្នុងក្រុងសៀមរាប មិនអាចផ្គត់ផ្គង់តម្រូវការបន្លែទៅដល់ទីផ្សារទាំងមូលបាន ដែលធ្វើឲ្យមានលំហូរចូលបន្លែគីមីជាច្រើនសន្ធឹក ពីប្រទេសជិតខាង មានថៃ និងវៀតណាម។ល។
ក្នុងសំដីមិនលាក់លៀម លោក ប្រុស បានរៀបរាប់ថា ក្រោយពីផាត់ចំណាយហើយ ក្នុងមួយខែលោកអាចសល់ ៣លានរៀលពីមុខរបរដាំបន្លែនេះ។ ក្នុងទឹកមុខស្រងូតស្រងាត់ និងរៀងបែរចេញបន្តិច លោក ប្រុស បានទទួលស្គាល់ថា ការដាំបន្លែគឺជៀសមិនផុតពីការប្រើថ្នាំគីមីឡើយ។ ថ្នាំគីមី គឺមានឥទ្ធិពលខ្លាំងមកលើដាំណាំបន្លែ។ ត្រង់ចំណុចនេះ លោក ប្រុស ពន្យល់ថា៖« រឿងបន្លែ គឺគេចមិនផុតពីរឿងថ្នាំសង្កូវ ថ្នាំគីមីឡើយ។ បើមិនប្រើ គឺគ្មានផល ខាតកម្លាំងឥតអំពើ ពួកដង្កូវ សត្វល្អិត នឹងស៊ីអស់ជាក់ជាមិនខាន»។
យ៉ាងណាក៏ដោយ លោក ប្រុស បញ្ជាក់ថា លោករីករាយសហការនឹងក្រុមអ្នកជំនាញកសិកម្ម ដើម្បីដាំបន្លែតាមគោលការណ៍ធម្មជាតិ ដោយមិនប្រើសារធាតុគីមី។ ដោយបច្ចុប្បន្ន លោក ប្រុស ដាំបន្លែដោយរៀនតពីអ្នកជិតខាងក៏ពិតមែន តែលោកពន្យល់ថា នឹងងៀកទៅដាំបន្លែធម្មជាតិវិញ ប្រសិនបើទិន្នផលប្រហាក់ប្រហែលនឹងការដាំដោយប្រើថ្នាំគីមីនោះ៕
ជាង២ឆ្នាំមកហើយ ដែលលោក ប្រុស និងគ្រួសារ ចាប់អាជីពជាកសិករ ដាំបន្លែដើម្បីផ្គត់ផ្គន់ទីផ្សារសៀមរាប។ មុនដំបូងបុរសវ័យ ៣២ឆ្នាំរូបនេះ ដាំផ្កាចន្ធូ លើផ្ទៃដី៣០០០ការ៉េ ប៉ុន្តែដោយសារផ្កាចន្ធូ ចុះទឹកខ្លាំង និងទាមទារឲ្យមានការថែទាំដិតដល់នោះ លោក ប្រុស ក៏ងៀកមកដាំបន្លែជំនួសវិញ។
ស្ថិតនៅភូមិក្រួស សង្កាត់ស្វាយដង្គំ ក្រុងសៀមរាប លើដីវាលមួយកន្លែងទំហំ១ហិកតា គឺជាទីតាំងដាំបន្លែរបស់លោកប្រុស។ បុរសសម្បុរស្រអែមរូបនេះ បានអះអាងថា លោកនិងបងប្រុសខ្លួន បានជួលដីពីគេ ក្នុងតម្លៃ៤៥០ដុល្លារក្នុងមួយឆ្នាំ។ ក្នុងនោះលោកប្រុស ក៏បានចិញ្ចឹមមាន់មួយចំនួនផងដែរ ហើយលោកអាចយកលាមកមាន់ទុកធ្វើជីផង។
ក្នុងវាលដីដំណាំរបស់លោក ប្រុស គេឃើញមានដំណាំស្ពៃដែលរៀងលូតលាស់ច្រើនជាងគេ បន្ទាប់មកគឺត្រសក់ ខ្ទឹម សណ្តែកកួរ។ល។ ក្នុងចំណោមបន្លែទាំងអស់ លោក ប្រុសប្រាប់ថា គឺដំណាំខ្ទឹម ដែលលក់បានថ្លៃជាងគេ។ ខ្ទឹមខ្យល់ក្នុងមួយគីឡូ លោកប្រុសអាចលក់បានពីតម្លៃ ៧ពាន់ទៅ៨ពាន់រៀល ហើយងាយស្រួលដាំផងដែរ គឺប្រើពេលចន្លោះពី២៥ថ្ងៃ ទៅ១ខែប៉ុណ្ណោះ គឺវាអាស្រ័យតាមអាកាសធាតុក្តៅឫត្រជាក់។ ក្នុងរដូវត្រជាក់ ខ្ទឹមត្រូវការពេលពី២៥ថ្ងៃ ទៅ២៨ថ្ងៃប៉ុណ្ណោះ ចំណែកខែក្តៅ គឺវាត្រូវការពេលដល់ទៅ១ខែ១០ថ្ងៃ ទើបអាចទទួលផលបាន។« ក្នុងមួយម៉ែត្រការ៉េ បានផលពី៥ទៅ៦គីឡូ»។ នេះជាការបញ្ជាក់របស់លោក ប្រុស ដែលលូចអួតពីដាំណាំខ្ទឹមខ្យល់របស់លោក។
ក្រៅពីខ្ទឹមលោក ប្រុស ក៏ជោគជ័យលើបន្លែស្ពៃគួរសមដែរ។ លោកប្រុស ដាំស្ពីក្រញាញ់ និងស្ពីចង្កឹះ ហើយការទទួលផលក៏មិនយូរដែរ។ ចន្លោះពី២ ទៅ៤សប្តាហ៍ លោកប្រុសអាចវិលជុំ ក្នុងការដាំំស្ពៃនេះបានយ៉ាងងាយស្រួល ហើយអាចលក់ក្នុងតម្លៃពី២៥០០រៀល ទៅ៣០០០រៀលក្នុងមួយគីឡូក្រាម។
យ៉ាងណាក៏ដោយ លោក ប្រុសអះអាងថា ការដាំបន្លែក្នុងខេត្តសៀមរាប មានផលលំបាកជាងបណ្តាខេត្តមួយចំនួន។ ទឹកមិនសូវចោទជាបញ្ហាប៉ុន្មានទេ តែគឺបញ្ហាដី។ ដីនៅខេត្តសៀមរាប គឺជាប្រភេទដីល្បាយខ្សាច់ ដែលពិបាកក្នុងការលើករោងដាំបន្លែ។ ទឹកនឹងហូរច្រោះរោងបន្លែឲ្យរាបស្មើដី ហើយកសិករពិបាកដាំបន្លែបំផុត ក្នុងរដូវភ្លៀង។ អាចនិយាយបានថា ដោយសារមិនសូវអំណោយផលផ្នែកភូមិសាស្ត្រនេះហើយ ទើបធ្វើកសិករក្នុងក្រុងសៀមរាប មិនអាចផ្គត់ផ្គង់តម្រូវការបន្លែទៅដល់ទីផ្សារទាំងមូលបាន ដែលធ្វើឲ្យមានលំហូរចូលបន្លែគីមីជាច្រើនសន្ធឹក ពីប្រទេសជិតខាង មានថៃ និងវៀតណាម។ល។
ក្នុងសំដីមិនលាក់លៀម លោក ប្រុស បានរៀបរាប់ថា ក្រោយពីផាត់ចំណាយហើយ ក្នុងមួយខែលោកអាចសល់ ៣លានរៀលពីមុខរបរដាំបន្លែនេះ។ ក្នុងទឹកមុខស្រងូតស្រងាត់ និងរៀងបែរចេញបន្តិច លោក ប្រុស បានទទួលស្គាល់ថា ការដាំបន្លែគឺជៀសមិនផុតពីការប្រើថ្នាំគីមីឡើយ។ ថ្នាំគីមី គឺមានឥទ្ធិពលខ្លាំងមកលើដាំណាំបន្លែ។ ត្រង់ចំណុចនេះ លោក ប្រុស ពន្យល់ថា៖« រឿងបន្លែ គឺគេចមិនផុតពីរឿងថ្នាំសង្កូវ ថ្នាំគីមីឡើយ។ បើមិនប្រើ គឺគ្មានផល ខាតកម្លាំងឥតអំពើ ពួកដង្កូវ សត្វល្អិត នឹងស៊ីអស់ជាក់ជាមិនខាន»។
យ៉ាងណាក៏ដោយ លោក ប្រុស បញ្ជាក់ថា លោករីករាយសហការនឹងក្រុមអ្នកជំនាញកសិកម្ម ដើម្បីដាំបន្លែតាមគោលការណ៍ធម្មជាតិ ដោយមិនប្រើសារធាតុគីមី។ ដោយបច្ចុប្បន្ន លោក ប្រុស ដាំបន្លែដោយរៀនតពីអ្នកជិតខាងក៏ពិតមែន តែលោកពន្យល់ថា នឹងងៀកទៅដាំបន្លែធម្មជាតិវិញ ប្រសិនបើទិន្នផលប្រហាក់ប្រហែលនឹងការដាំដោយប្រើថ្នាំគីមីនោះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
