អ្នកបឹងកក់គប់ពងមាន់ដាក់ធនាគារពិភពលោក ដើម្បីទាមទារសំណងដីធ្លី

ជាតិ

អ្នកបឹងកក់គប់ពងមាន់ដាក់ធនាគារពិភពលោក ដើម្បីទាមទារសំណងដីធ្លី

15, Feb 2016 , 5:54 pm

រូបភាព

ដោយ:

ភ្នំពេញ៖ សកម្មជនដីធ្លីតំបន់បឹងកក់ជាង ២០នាក់ បាននាំគ្នាដាក់ញ្ញត្តិឲ្យស្ថានទូតសហរដ្ឋអា មេរិកប្រចាំកម្ពុជា និងធនាគារពិភពលោកប្រចាំកម្ពុជា ដើម្បីស្វែងរកការជួយអន្តរាគមន៍ពីអន្តរជាតិ និងទាមទារសំណងថវិកាថែមទៀត នៅថ្ងៃទី១៥ ខែកុម្ភៈ ឆ្នាំ២០១៦នេះ។

បន្ទាប់ពីពួកគេដាក់ញ្ញត្តិឲ្យស្ថានទូតអាមេរិករួច ពួកគេបានបន្តដំណើរសំដៅមកតវ៉ាទាមទារ សំណងនៅមុខទីស្នាក់ការធនាគារពិភពលោក (World Bank) ប្រចាំនៅកម្ពុជា។ អំឡុងពេល ស្រែកតវ៉ាទាមទាររកដំណោះស្រាយ សកម្មជនដីធ្លីខ្លះបានយកវែកគាស់ជាមួយឆ្នាំងយ៉ាងកងរំពង ខ្លះបានយកពង មានជាច្រើនគ្រាប់គប់លើផ្លាកសញ្ញាធនាគារពិភពលោកដែលបិទភ្ជាប់នឹងរញ្ជាំងបេតុង តាមបណ្តោយមហាវិថីព្រះនរោត្តម និងខ្លះទៀតបានលើកបដាដែលសរសេរថា៖«ធនាគារពិភពលោកត្រូវតែទទួលខុសត្រូវបញ្ហាភាពក្រីក្ររបស់ពួកយើង»។

តំណាងសកម្មជនដីធ្លី លោកស្រី អ៊ិម ស្រីតូច និយាយថា ពួកគេនាំគ្នាតវ៉ាជាថ្មីនេះ មានគោលបំណងស្វែងរកការជួយអន្តរាគមន៍ និងសំណងបន្ថែម ពីការបណ្តេញពួកគេចេញពីលំនៅដ្ឋាន កន្លងមក។ ក្រោយពីពួកគេដាក់នៅ World Bank រួច ពួកគេក៏បានបន្តដំណើរទៅសាលា រាជធានីភ្នំពេញផងដែរ៕