អន្តរជាតិ
×![]()
ដោយ: តន ចាន់រិទ្ធារ៉ា
មេដឹកនាំកូរ៉េខាងជើងលោក គីម ជុងអ៊ុន បានទទូចឲ្យបាញ់ផ្កាយរណបជាច្រើនទៀតទៅលំហអាកាស ក្រោយពេលដែលប្រទេសនេះបានបាញ់រុក្កែតចម្ងាយឆ្ងាយដោយជោគជ័យកាលពីដើមខែកុម្ភៈ។ ការលើកឡើងនេះគឺជាសកម្មភាពគឃ្លើនរបស់កូរ៉េខាងជើង បើទោះជាសហគមន៍អន្តរជាតិព្រមានដាក់ទណ្ឌកម្មបន្ថែមទៀតលើរដ្ឋដ៏ក្រីក្រនេះក៏ដោយ។
មេដឹកនាំកូរ៉េខាងជើងលោក គីម ជុងអ៊ុន បានសន្យាបាញ់ផ្កាយរណបជាច្រើនទៀតទៅក្នុងលំហអាកាស ក្រោយពេលទីក្រុងព្យុងយ៉ាងទទួលជោគជ័យ ក្នុងការបាញ់រុក្កែតផ្កាយរណបទៅកាន់លំហអាកាស នាពេលថ្មីៗកន្លងមក។ នេះគឺល្មើសនឹងបម្រាមរបស់អង្គការសហប្រជាជាតិ ដែលហាមរបបកុម្មុយនីស្ត នេះបាញ់ឬសាកល្បងអាវុធនិងកាំជ្រួចអ្វីទាំងអស់។
បើតាមសារព័ត៌មានរដ្ឋកូរ៉េខាងជើង KCNA លោក គីម ជុងអ៊ុន បានរៀបចំពិធី ជប់លៀងដើម្បីអបអរសាទរចំពោះក្រុមមន្ត្រី និងអ្នកវិទ្យាសាស្ត្រកូរ៉េខាងជើងដែលមានស្នាដៃក្នុងបាញ់រ៉ុហ្កែត។ ឆ្លៀតក្នុងឱកាសនោះ មេដឹកនាំវ័យក្មេង រូបនេះបានលើកឡើងថា ការបាញ់នេះ ចំពេលដែលកម្លាំងរបស់សត្រូវ កំពុងព្យាយាមកម្ទេចកូរ៉េខាងជើង។
ជាមួយគ្នានោះ លោក គីម ជុងអ៊ុន បានប្រាប់អ្នកវិទ្យាសាស្ត្រកូរ៉េខាងជើងឲ្យយក ជោគជ័យនៃការបាញ់លើកនេះ ជាគំរូដើម្បីអភិវឌ្ឍបច្ចេកវិទ្យាកាន់ប្រសើរថែមទៀត ក្នុងសម្រេចឲ្យបានគោលដៅ ក៏ដូចជាបង្កើនសមត្ថភាពដែលអាចបាញ់ផ្កាយរណប កាន់តែច្រើនទៀតទៅក្នុងលំហអាកាស។ លោកចាត់ទុកភាពជោគជ័យនេះ កើតឡើងដោយសារការលះបង់របស់ក្រុមអ្នកវិទ្យាសាស្ត្រក្នុងបក្សកុម្មុយនីស្តកូរ៉េ។
ជាការកត់សម្គាល់ កូរ៉េខាងជើងហាក់ដូចជាមិនខ្វល់នឹងការព្រមានរបស់ សហគមន៍អន្តរជាតិនោះទេ។ គ្រាន់តែចូលឆ្នាំ២០១៦ភ្លាម កូរ៉េខាងជើងប្រកាសថា ខ្លួនបានជោគជ័យក្នុងការសាកល្បងគ្រាប់បែកអ៊ីដ្រូសែន ដែលនោះជាការ សាកល្បងលើកទីបួនរបស់កូរ៉េខាងជើង។ ក្រោយមកមួយខែ ពោលគឺថ្ងៃទី៦ ខែកុម្ភៈ កូរ៉េខាងជើងក៏ធ្វើឲ្យអន្តរជាតិខឹងសម្បារម្ដងទៀតដោយបានបាញ់រ៉ុហ្កែត ផ្កាយរណបទៅក្នុងលំហអាកាស ដ្បិតប្រទេសនេះល្មើសនឹងការហាមឃាត់ការ ប្រើប្រាស់បច្ចេកវិទ្យាប៉ាលីស្ទិក។
ជាមួយនឹងការល្មើសបម្រាមម្ដងហើយម្ដងទៀត សហរដ្ឋអាមេរិកនិងសម្ព័ន្ធមិត្តអាស៊ីរបស់ខ្លួនកំពុងតែព្យាយាមដាក់ចេញវិធានការថ្មីបន្ថែមទៀត ជាពិសេសឲ្យក្រុមប្រឹក្សាសន្តិសុខចេញដំណោះស្រាយសម្រេចដាក់ទណ្ឌកម្មឲ្យកាន់តែ ធ្ងន់ធ្ងរលើកូរ៉េខាងជើង។ ក្រៅពីនេះ អាមេរិកនិងសម្ព័ន្ធមិត្តរបស់ខ្លួន ជាពិសេស កូរ៉ខាងត្បូងក៏បានពិភាក្សាលើការពង្រាយប្រព័ន្ធការពារអាកាសនៅកូរ៉េខាងត្បូង ជាការឆ្លើយតបនឹងការបាញ់រុក្កែតពីសំណាក់កូរ៉េខាងជើងផងដែរ៕
មេដឹកនាំកូរ៉េខាងជើងលោក គីម ជុងអ៊ុន បានសន្យាបាញ់ផ្កាយរណបជាច្រើនទៀតទៅក្នុងលំហអាកាស ក្រោយពេលទីក្រុងព្យុងយ៉ាងទទួលជោគជ័យ ក្នុងការបាញ់រុក្កែតផ្កាយរណបទៅកាន់លំហអាកាស នាពេលថ្មីៗកន្លងមក។ នេះគឺល្មើសនឹងបម្រាមរបស់អង្គការសហប្រជាជាតិ ដែលហាមរបបកុម្មុយនីស្ត នេះបាញ់ឬសាកល្បងអាវុធនិងកាំជ្រួចអ្វីទាំងអស់។
បើតាមសារព័ត៌មានរដ្ឋកូរ៉េខាងជើង KCNA លោក គីម ជុងអ៊ុន បានរៀបចំពិធី ជប់លៀងដើម្បីអបអរសាទរចំពោះក្រុមមន្ត្រី និងអ្នកវិទ្យាសាស្ត្រកូរ៉េខាងជើងដែលមានស្នាដៃក្នុងបាញ់រ៉ុហ្កែត។ ឆ្លៀតក្នុងឱកាសនោះ មេដឹកនាំវ័យក្មេង រូបនេះបានលើកឡើងថា ការបាញ់នេះ ចំពេលដែលកម្លាំងរបស់សត្រូវ កំពុងព្យាយាមកម្ទេចកូរ៉េខាងជើង។
ជាមួយគ្នានោះ លោក គីម ជុងអ៊ុន បានប្រាប់អ្នកវិទ្យាសាស្ត្រកូរ៉េខាងជើងឲ្យយក ជោគជ័យនៃការបាញ់លើកនេះ ជាគំរូដើម្បីអភិវឌ្ឍបច្ចេកវិទ្យាកាន់ប្រសើរថែមទៀត ក្នុងសម្រេចឲ្យបានគោលដៅ ក៏ដូចជាបង្កើនសមត្ថភាពដែលអាចបាញ់ផ្កាយរណប កាន់តែច្រើនទៀតទៅក្នុងលំហអាកាស។ លោកចាត់ទុកភាពជោគជ័យនេះ កើតឡើងដោយសារការលះបង់របស់ក្រុមអ្នកវិទ្យាសាស្ត្រក្នុងបក្សកុម្មុយនីស្តកូរ៉េ។
ជាការកត់សម្គាល់ កូរ៉េខាងជើងហាក់ដូចជាមិនខ្វល់នឹងការព្រមានរបស់ សហគមន៍អន្តរជាតិនោះទេ។ គ្រាន់តែចូលឆ្នាំ២០១៦ភ្លាម កូរ៉េខាងជើងប្រកាសថា ខ្លួនបានជោគជ័យក្នុងការសាកល្បងគ្រាប់បែកអ៊ីដ្រូសែន ដែលនោះជាការ សាកល្បងលើកទីបួនរបស់កូរ៉េខាងជើង។ ក្រោយមកមួយខែ ពោលគឺថ្ងៃទី៦ ខែកុម្ភៈ កូរ៉េខាងជើងក៏ធ្វើឲ្យអន្តរជាតិខឹងសម្បារម្ដងទៀតដោយបានបាញ់រ៉ុហ្កែត ផ្កាយរណបទៅក្នុងលំហអាកាស ដ្បិតប្រទេសនេះល្មើសនឹងការហាមឃាត់ការ ប្រើប្រាស់បច្ចេកវិទ្យាប៉ាលីស្ទិក។
ជាមួយនឹងការល្មើសបម្រាមម្ដងហើយម្ដងទៀត សហរដ្ឋអាមេរិកនិងសម្ព័ន្ធមិត្តអាស៊ីរបស់ខ្លួនកំពុងតែព្យាយាមដាក់ចេញវិធានការថ្មីបន្ថែមទៀត ជាពិសេសឲ្យក្រុមប្រឹក្សាសន្តិសុខចេញដំណោះស្រាយសម្រេចដាក់ទណ្ឌកម្មឲ្យកាន់តែ ធ្ងន់ធ្ងរលើកូរ៉េខាងជើង។ ក្រៅពីនេះ អាមេរិកនិងសម្ព័ន្ធមិត្តរបស់ខ្លួន ជាពិសេស កូរ៉ខាងត្បូងក៏បានពិភាក្សាលើការពង្រាយប្រព័ន្ធការពារអាកាសនៅកូរ៉េខាងត្បូង ជាការឆ្លើយតបនឹងការបាញ់រុក្កែតពីសំណាក់កូរ៉េខាងជើងផងដែរ៕
Tag:
កូរ៉េខាងជើង
គីមជុងអ៊ុន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
