កីឡាជាតិ
ជាតិ
ឡុង សុភី ខ្មែរសម្បូរអ្នកខ្លាំងតែមិនសូវមានអ្នកលើកស្ទួយ និងឲ្យតម្លៃ
× កីឡាករជើងខ្លាំងជំនាញប្រើជង្គង់ ឡុង សុភី បានបង្ហោះក្លិបវីដេអូមួយមុនពេលដែលខ្លួនចេញទៅប្រកួតជាមួយឡាវ នៅខេត្តសុរិន ប្រទេសថៃ កាលពីពេលកន្លងទៅថ្មីៗថា ខ្មែរយើងសម្បូរអ្នកខ្លាំង និងអ្នកល្អច្រើន ប៉ុន្តែមិនសូវមានអ្នកលើកស្ទួយ និងឲ្យតម្លៃ។
កីឡាករជើងខ្លាំងម្ចាស់ជើងឯក៦ស្ថាប័ន ឡុង សុភី កម្ពុជាយើងសម្បូរអ្នកល្អ និងអ្នកខ្លាំងច្រើន ប៉ុន្តែមិនសូវមានអ្នកជួយលើកស្ទួយ និងឲ្យតម្លៃ មានតែកិត្តិយសប៉ុន្តែមានលុយដូចស្រុកគេ ព្រោះរាល់ការឡើងប្រកួតម្តងៗទាំងការប្រកួតលក្ខណៈមិត្តភាពជាតិ ក៏ដូចជាអន្តរជាតិកីឡាករខ្មែរទទួលបានតម្លៃខ្លួនតិចតួចណាស់បើប្រៀបធៀបទៅនឹងប្រទេសដទៃ។ នេះបើយោងតាមវីដេអូក្លិបដែលបានបង្ហោះមុនពេលកីឡាកររូបនេះចេញទៅប្រកួតនៅប្រទេសថៃកាលពីពេលកន្លងទៅ។
កីឡាករ ឡុង សុភី បញ្ជាក់ក្នុងវីដេអូក្លិបថា«ខ្មែរយើងខ្លាំងខ្មែរយើងល្អ ប៉ុន្តែគ្មានអ្នកលើកស្ទួយ និងឲ្យតម្លៃ មានដែរប៉ុន្តែមានលុយដូចស្រុកគេ។ ខ្មែរយើងបានអស់ហើយ ៣០០ទៅ៤០០ដុល្លារសម្រាប់ប្រកួតមិត្តភាពអន្តរជាតិ តែសម្រាប់ប្រកួតមិត្តភាពកម្ពុជា និងកម្ពុជាទទួលបានតែ ៤០ម៉ឺនទៅ៥០ម៉ឺនរៀលប៉ុណ្ណោះ»។
កីឡាករមកពីក្លិបសាលវ័ន្តកីឡារូបនេះបានសង្ឃឹមថា បងប្អូនដែលស្រលាញ់ គាំទ្រ និងចូលចិត្តការប្រកួតក្បាច់បុរាណខ្មែរនឹងជួយលើកស្ទួយ និងឲ្យតម្លៃក្បាច់បុរាណខ្មែរ ព្រោះក្បាច់បុរាណខ្មែរជាក្បាច់គុនមួយដ៏ល្អដែលជាកេរិ៍ដំណែលរបស់ដូនតាយើង ជាពិសេសទទួលបានការទទួលស្គាល់ពីបរទេសទៀតផង។ ទន្ទឹមនឹងនេះកីឡាកររូបនេះបានចោទជាសំនួរដល់បងប្អូនខ្មែរយើងទាំងអស់ថា «តើបងប្អូនចង់ឲ្យខ្មែរនៅប៉ុណ្ណឹង ឬល្អជាងនឹង?»៕
© រក្សាសិទ្ធិដោយ thmeythmey.com