អន្តរជាតិ
លោក អូបាម៉ា ដឹកនាំកិច្ចប្រជុំកំពូល US-ASEAN ថ្ងៃទី១ រហូតដល់តុបាយ ប្រភព៖ Twitter លោក Lee Hsien Loong
× បាតុកម្មតវ៉ា ការរឹតបន្តឹងសន្តិសុខ និងការជជែកពិភាក្សារវាងប្រធានាធិបតីអាមេរិក បារ៉ាក់ អូបាម៉ា និងមេដឹកនាំរបស់ប្រទេសសមាជិកអាស៊ាន ពីបន្ទប់ប្រជុំបិទទ្វារ រហូតដល់តុបាយពេលល្ងាច ទាំងនេះគឺជាទិដ្ឋភាពរួមថ្ងៃទីមួយនៃកិច្ចប្រជុំកំពូល អាមេរិក អាស៊ាន។ អ្នកឆ្លើយឆ្លងព័ត៌មាននៃសារព័ត៌មានថ្មីៗ គឺលោក សៅ ផល និស្ស័យ ដែលមានវត្តមាននៅទីកន្លែងប្រជុំ បានពិពណ៌នាឲ្យដឹងថា នៅថ្ងៃទីមួយនៃកិច្ចប្រជុំកំពូលនេះ គេនៅមិនទាន់ទទួលបានខ្លឹមសារ និងលទ្ធផលនៃកិច្ចប្រជុំនៅឡើយទេ។ គេគ្រាន់តែដឹងថា មេដឹកនាំអាមេរិក និងអាស៊ាន បានជជែកគ្នាអំពីការពង្រឹង និងសហប្រតិបត្តិការលើ វិស័យឧស្សាហកម្មធុនតូច និងមធ្យម សហគ្រិនភាព និងការច្នៃប្រឌិតជាដើម។ រីឯបញ្ហាធំៗ ដែលទាក់ទងនឹងសន្តិសុខតំបន់ នឹងត្រូវលើកយកមកដាក់លើតុពិភាក្សានៅថ្ងៃទី១៦កុម្ភៈ ដែលថ្ងៃប្រជុំចុងក្រោយ។
ដើម្បីយល់ច្បាស់ពីទិដ្ឋភាពនៃកិច្ចប្រជុំអាមេរិកអាស៊ាននៅថ្ងៃទីមួយនេះ សូមលោកអ្នកស្តាប់សេចក្តីរាយការណ៍ផ្ទាល់របស់លោក សៅ ផល និស្ស័យ ដោយមានសួរបញ្ជាក់ពីលោក ទេព អ៊ី វិសាល ពីភ្នំពេញ៖
Tag:
អាមេរិក-អាស៊ាន
Sunnylands
© រក្សាសិទ្ធិដោយ thmeythmey.com