អន្តរជាតិ
×![]()
ដូចការរំពឹងទុកក្នុងចំណោមរបៀបវារៈនៃកិច្ចប្រជុំកំពូលអាមេរិក-អាស៊ាន ដែលរៀបចំដោយលោកប្រធានាធិបតីអាមេរិក បារ៉ាក់ អូបាម៉ា (Barack Obama) បញ្ហាសន្តិសុខដែនសមុទ្រ ដែលសំដៅលើជម្លោះសមុទ្រចិនខាងត្បូង បានក្លាយជាប្រធានបទ ដែលត្រូវលើកទៅជជែក។ ជាប្រធាននៃកិច្ចប្រជុំលោក អូបាម៉ា បានសន្យាបន្តក្នុងការធានាសន្តិសុខ ក្នុងតំបន់ដែលរួមបញ្ជូលទាំងការប្រតិបត្តិការនាវាចម្បាំងក្នុងដែនសមុទ្រទៀតផង។
«អាមេរិកនឹងបន្តបង្កើនកិច្ចសហប្រតិបត្តិការសន្តិសុខ ដើម្បីធានាពីកត្តាប្រឈមនានា។ រយៈពេលប៉ុន្មានឆ្នាំចុងក្រោយនេះ អាមេរិក បានបង្កើនសន្តិសុខដែនសមុទ្រតាមរយៈការផ្តល់ជំនួយដល់សម្ព័ន្ធមិត្ត និងដៃគូក្នុងតំបន់ដើម្បីពង្រឹងសមត្ថភាពរួម ក្នុងការការពារនូវច្បាប់ពាណិជ្ជកម្ម និងឆ្លើយតបនឹងវិបត្តិមនុស្សជាតិផងដែរ»។ នេះគឺជាការលើកឡើងរបស់លោកអូបាម៉ា ក្នុងជំនួបជាមួយនឹងមេដឹកនាំអាស៊ានក្នុងថ្ងៃដំបូងនៃកិច្ចប្រជុំដែលប្រពឹត្តឡើងក្នុងរមណីយដ្ឋាន Sunnylands នៃរដ្ឋ California។
ខណៈពេលដែលបញ្ហាជម្លោះដែនសមុទ្រចិនខាងត្បូង កំពុងតែមានភាពតឹង លោក អូបាម៉ា ក៏បានសន្យា ក្នុងកិច្ចប្រជុំនោះដែរថា អាមេរិក នឹងបន្តពង្រឹង និងធានាទំនាក់ទំនង និងសណ្តាប់ធ្នាប់ក្នុងតំបន់ បទដ្ឋានអន្តរជាតិ ដែលរួមបញ្ចូលទាំងការអនុវត្តសិទ្ធិសេរីភាពនៃការធ្វើនាវាចរណ៍ និងជំរុញឲ្យមានការដោះស្រាយជម្លោះតាមវិធានច្បាប់ និងសន្តិវិធី។ ក្នុងន័យនេះ ក៏មានន័យថា អាមេរិក នឹងបន្តប្រតិបត្តិការ ក្នុងបញ្ជូននាវាល្បាតខ្លួនមកកាន់តំបន់ជម្លោះសមុទ្រចិនខាងត្បូងផងដែរ។
ជុំវិញការអះអាងនេះដែរ ប្រាកដណាស់ ចិន មិនសប្បាយប៉ុន្មាននោះទេ ដ្បិតក្នុងក្រសែភ្នែករដ្ឋាភិបាលក្រុងប៉េកាំង ប្រតិបត្តិការក្នុងដែនជម្លោះសមុទ្រចិនខាងត្បូង ប្រៀបដូចទៅនឹងប្រតិបត្តិការប្រឆាំងទៅនឹងសកម្មភាពរបស់ខ្លួនតែម្តង។ ហើយកន្លងមក អាមេរិក បានបញ្ជូននាវាល្បាត និងនាវា ចម្បាំងមកកាន់តំបន់ជម្លោះសមុទ្រចិនខាងត្បូង ពីរ ឬបីលើកមកហើយ ដែលសកម្មភាពទាំងនោះ ត្រូវបានអាមេរិក អះអាងថា ធ្វើឡើងដើម្បីលើកកម្ពស់សិទ្ធិសេរីភាពដែនសមុទ្រ ខណៈចិនចោទអាមេរិក ថាបាន និងកំពុងតែបំពានដែនអធិបតេយ្យ និងជាការលូកដៃចូលផ្ទៃក្នុងនៃជម្លោះទៀតផង។
សូមបញ្ជាក់ផងដែរថា បញ្ហាសមុទ្រចិនខាងត្បូង គឺជាជម្លោះដែនអធិបតេយ្យរវាងចិន និងរដ្ឋអាស៊ាន ដែលរួមមានព្រុយណេ ម៉ាឡេស៊ី ហ្វីលីពីន និងវៀតណាម។ ព្រោះអវត្តមាននៃការស្វែងរកដំណោះស្រាយរួម ហើយចិន នៅតែបន្តសកម្មភាពឯកតោភាគី ក្នុងការវាតទី បានធ្វើឲ្យជម្លោះនេះ ឈានទៅដល់ការប្រឈមគ្នាជាច្រើនលើកច្រើនសារ រវាងរដ្ឋពាក់ព័ន្ធ និងរដ្ឋខាងក្រៅដែលរាប់បញ្ចូលទាំងអាមេរិកដែរ៕
«អាមេរិកនឹងបន្តបង្កើនកិច្ចសហប្រតិបត្តិការសន្តិសុខ ដើម្បីធានាពីកត្តាប្រឈមនានា។ រយៈពេលប៉ុន្មានឆ្នាំចុងក្រោយនេះ អាមេរិក បានបង្កើនសន្តិសុខដែនសមុទ្រតាមរយៈការផ្តល់ជំនួយដល់សម្ព័ន្ធមិត្ត និងដៃគូក្នុងតំបន់ដើម្បីពង្រឹងសមត្ថភាពរួម ក្នុងការការពារនូវច្បាប់ពាណិជ្ជកម្ម និងឆ្លើយតបនឹងវិបត្តិមនុស្សជាតិផងដែរ»។ នេះគឺជាការលើកឡើងរបស់លោកអូបាម៉ា ក្នុងជំនួបជាមួយនឹងមេដឹកនាំអាស៊ានក្នុងថ្ងៃដំបូងនៃកិច្ចប្រជុំដែលប្រពឹត្តឡើងក្នុងរមណីយដ្ឋាន Sunnylands នៃរដ្ឋ California។
ខណៈពេលដែលបញ្ហាជម្លោះដែនសមុទ្រចិនខាងត្បូង កំពុងតែមានភាពតឹង លោក អូបាម៉ា ក៏បានសន្យា ក្នុងកិច្ចប្រជុំនោះដែរថា អាមេរិក នឹងបន្តពង្រឹង និងធានាទំនាក់ទំនង និងសណ្តាប់ធ្នាប់ក្នុងតំបន់ បទដ្ឋានអន្តរជាតិ ដែលរួមបញ្ចូលទាំងការអនុវត្តសិទ្ធិសេរីភាពនៃការធ្វើនាវាចរណ៍ និងជំរុញឲ្យមានការដោះស្រាយជម្លោះតាមវិធានច្បាប់ និងសន្តិវិធី។ ក្នុងន័យនេះ ក៏មានន័យថា អាមេរិក នឹងបន្តប្រតិបត្តិការ ក្នុងបញ្ជូននាវាល្បាតខ្លួនមកកាន់តំបន់ជម្លោះសមុទ្រចិនខាងត្បូងផងដែរ។
ជុំវិញការអះអាងនេះដែរ ប្រាកដណាស់ ចិន មិនសប្បាយប៉ុន្មាននោះទេ ដ្បិតក្នុងក្រសែភ្នែករដ្ឋាភិបាលក្រុងប៉េកាំង ប្រតិបត្តិការក្នុងដែនជម្លោះសមុទ្រចិនខាងត្បូង ប្រៀបដូចទៅនឹងប្រតិបត្តិការប្រឆាំងទៅនឹងសកម្មភាពរបស់ខ្លួនតែម្តង។ ហើយកន្លងមក អាមេរិក បានបញ្ជូននាវាល្បាត និងនាវា ចម្បាំងមកកាន់តំបន់ជម្លោះសមុទ្រចិនខាងត្បូង ពីរ ឬបីលើកមកហើយ ដែលសកម្មភាពទាំងនោះ ត្រូវបានអាមេរិក អះអាងថា ធ្វើឡើងដើម្បីលើកកម្ពស់សិទ្ធិសេរីភាពដែនសមុទ្រ ខណៈចិនចោទអាមេរិក ថាបាន និងកំពុងតែបំពានដែនអធិបតេយ្យ និងជាការលូកដៃចូលផ្ទៃក្នុងនៃជម្លោះទៀតផង។
សូមបញ្ជាក់ផងដែរថា បញ្ហាសមុទ្រចិនខាងត្បូង គឺជាជម្លោះដែនអធិបតេយ្យរវាងចិន និងរដ្ឋអាស៊ាន ដែលរួមមានព្រុយណេ ម៉ាឡេស៊ី ហ្វីលីពីន និងវៀតណាម។ ព្រោះអវត្តមាននៃការស្វែងរកដំណោះស្រាយរួម ហើយចិន នៅតែបន្តសកម្មភាពឯកតោភាគី ក្នុងការវាតទី បានធ្វើឲ្យជម្លោះនេះ ឈានទៅដល់ការប្រឈមគ្នាជាច្រើនលើកច្រើនសារ រវាងរដ្ឋពាក់ព័ន្ធ និងរដ្ឋខាងក្រៅដែលរាប់បញ្ចូលទាំងអាមេរិកដែរ៕
Tag:
អូបាម៉ា
អាមេរិក-អាស៊ាន
ចិន
អាមេរិក
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
