ជាតិ
សង្គមស៊ីវិលថា IIC មិនគួរផ្តល់សញ្ញាបត្របណ្ឌិតកិត្តិយសជូនលោក ទ្រី ភាព ឡើយ
×![]()
លោកឧកញ៉ា ទ្រី ភាព ដែលជាអគ្គនាយកក្រុមហ៊ុនទ្រី ភាព គ្រុប ត្រូវបានគណៈកម្មាធិការវាយតម្លៃផ្តល់សញ្ញាប័ត្របណ្ឌិត កិត្តិយស នៃសកលវិទ្យាល័យ IIC នៃបច្ចេកវិទ្យាកាលពីពេលថ្មីៗនេះ។ សង្គមស៊ីវិល រិះគន់ថា សកលវិទ្យាល័យ IIC មិនគូរផ្ដល់សញ្ញាប័ត្របណ្ឌិត កិត្តិយសដល់លោក ទ្រី ភាព ឡើយ ព្រោះឧកញ៉ារូបនេះ មិនបានជួយដល់ការអភិវឌ្ឍន៍ប្រទេសទេ ផ្ទុយមកវិញគឺមានតែការរកស៊ីឈើ ដែលធ្វើឲ្យបាត់បង់ធនធានធម្មជាតិប៉ុណ្ណោះ។
ប្រធានអង្គការកិច្ចការពិសេសសិទ្ធិមនុស្សកម្ពុជា (CHRTF) លោក អ៊ូច ឡេង បានរិះគន់ថា សកលវិទ្យាល័យ IIC គ្មានការវាយតម្លៃត្រឹមត្រូវ និងគ្មានមូលហេតុណាមួយច្បាស់លាស់ ដែលត្រូវផ្ដល់សញ្ញាប័ត្របណ្ឌិត កិត្តិយស ជូនលោកឧកញ៉ា ទ្រី ភាព ឡើយ។ លោកថា លោកឧកញ៉ា ទ្រី ភាព មិនទាន់មានគុណសម្បត្តិ និងស្នាដៃអ្វីក្នុងការជួយដល់ការអភិវឌ្ឍន៍ប្រទេសទេ ផ្ទុយមកវិញគឺមានតែការរកស៊ីឈើ ដែលធ្វើឲ្យបាត់បង់ធនធានធម្មជាតិ និងប្រជាពលរដ្ឋមួយចំនួនធំរងគ្រោះដោយសារតែការស៊ីឈើរបស់ក្រុមហ៊ុនលោក ទ្រី ភាព ប៉ុណ្ណោះ។ លោក អ៊ូច ឡេង បានរិះគន់បែបចំអកទៅសកលវិទ្យាល័យIIC ថា ទំនងជាលោក ទ្រី ភាព បានផ្ដល់ថវិកាទ្រទ្រង់សកលវិទ្យាល័យនេះហើយ ទើបបានជាលោក ទ្រី ភាព អាចទទួលបានសញ្ញាបត្របណ្ឌិត កិត្តិយសនេះ។
ថ្លែងប្រាប់សារព័ត៌មានថ្មីៗ លោក អ៊ូច ឡេង បានបញ្ជាក់ដូច្នេះថា៖«ខ្ញុំមើលឃើញថាលោកឧកញ៉ាទ្រីភាពអត់ទាន់មានអ្វីជួយជាតិទាំងអស់ ហេតុអ្វីបានជាសកលវិទ្យាល័យ IIC ប្រគល់សញ្ញាបត្រដល់លោក ទ្រី ភាព? សុំឲ្យបង្ហាញស្នាដៃគាត់មក។ វាអត់មានមូលហេតុត្រឹមត្រូវដែលប្រគល់សញ្ញាបត្រនេះជូនគាត់ ព្រោះសញ្ញាបត្របណ្ឌិត កត្តិយសមិនមែនចេះតែឲ្យអ្នកណាម្នាក់នោះទេ»។ ទាំងនេះជាចំណុចខ្វះខាតក្នុងការវាយតម្លៃដែលលោក អ៊ូច ឡេង មើលឃើញមុននឹងលោកបន្ថែមថា បើលោក ទ្រី ភាព មានគុណសម្បត្តិគ្រប់គ្រាន់ក្នុងការអភិវឌ្ឍប្រទេសនោះ លោក ទ្រី ភាព គួរតែបង្ហាញរបាយការណ៍ទាក់ទងនឹងជំនួញព្រៃឈើ និងរបាយការណ៍ផ្ទាល់ខ្លួនកន្លងមកថា តើលោកបានជួយអ្វីខ្លះដល់ប្រជាពលរដ្ឋ និងប្រទេសជាតិ ដើម្បីឲ្យសាធារណៈជនបានដឹងគ្រប់គ្នា ដោយមិនត្រូវលាក់ទុកឡើយ។
ប្រធានបណ្តាញយុវជនកម្ពុជា លោក ទឹម ម៉ាឡៃ ដែលធ្វើការជាមួយបណ្ដាញសហគមន៍ព្រៃឡង់ និងធនធានធម្មជាតិនោះ រិះគន់សកលវិទ្យាល័យ IIC ថា ការប្រគល់សញ្ញាបត្របណ្ឌិត កិត្តិយសដល់លោក ទ្រី ភាព នេះ គឺសកលវិទ្យាមួយនេះកំពុងលើកកម្ពស់អ្នកកាប់បំផ្លាញព្រៃឈើ និងធនធានជាតិ ដែលបានធ្វើឲ្យប្រជាពលរដ្ឋរងទុក្ខលំបាក។ សម្រាប់លោក ទឹម ម៉ាឡៃ គុណសម្បត្តិលោក ទ្រី ភាព បានផ្ដល់ប្រយោជន៍ដល់មនុស្សមួយក្រុមតូចក្នុងគណបក្សប្រជាជនប៉ុណ្ណោះ ប៉ុន្ដែលោក ទ្រី ភាព បានផ្ដល់ការខាតបង់ធំធេងសម្រាប់ប្រទេសជាតិ និងប្រជាពលរដ្ឋមួយចំនួនធំ។«ខ្ញុំយល់ថា សកលវិទ្យាល័យនេះចង់បានការស្គាល់ច្រើនពីសាធារណៈជន និងចង់ល្បី ទើបបានជាប្រគល់សញ្ញាបត្រនេះដល់លោក ទ្រី ភាព ។ ប៉ុន្ដែការផ្ដល់សញ្ញាបត្រនេះ គឺអាចធ្វើឲ្យសាលានេះទទួលបានកេរ្ត៍ឈ្មោះល្អផង កេរ្ត៍ឈ្មោះអាក្រក់ផង ព្រោះសាលានេះកំពុងតែជំរុញលើកទឹកចិត្តនិងលើកកម្ពស់ ដល់លោក ទ្រី ភាព ដែលបានកាប់បំផ្លាញធនធានធម្មជាតិនេះថែមទៀត។ នេះជាការបញ្ជាក់របស់លោក ទឹម ម៉ាឡៃ។
បើតាមការប្រជុំវាយតម្លៃ ពីសំណាក់សាស្ត្រាចារ្យបណ្ឌិត ចំនួន ១៥ រូបនៃសកលវិទ្យាល័យ IIC បានសម្រេចផ្តល់សញ្ញាប័ត្របណ្ឌិតកិត្តិយសផ្នែក សេដ្ឋកិច្ច ជូនឧកញ៉ាទ្រី ភាព ដោយក្រុមប្រឹក្សាវាយតម្លៃទាំងនោះ បានអះអាងថា លោក ទ្រី ភាព មានជំនាញខ្លាំងផ្នែកសេដ្ឋកិច្ច ។
ទាំងលោក អ៊ូច ឡេង ទាំងលោក ទឹម ម៉ាឡៃ ក៏បានចំអកទៅសកលវិទ្យាល័យ IIC ថា ការវាយតម្លៃនិងផ្ដល់សញ្ញាប័ត្រកិត្តិយសនេះ មិនមែនចេះតែផ្ដល់ជូនអ្នកមានអំណាច ឬមន្ត្រីថា្នក់ធំណាម្នាក់នោះទេ ពោលគឺត្រូវសិក្សាពីគុណសម្បត្តិលើបុគ្គលនោះ និងវាយតម្លៃឲ្យបានត្រឹមត្រូវមុននឹងប្រគល់សញ្ញាប័ត្របណ្ឌិត កិត្តិយស នេះ ។
គួរបញ្ជាក់ថា អង្គការឃ្លាំមើលពិភពលោក (Global Witness) កន្លងមកបានរកឃើញថា លោក ទ្រី ភាព គឺជាឈ្មួញរកស៊ីឈើខុសច្បាប់ខ្នាតធំមា្នក់ ដែលកាងដោយក្រុមមន្ត្រីយោធា ប៉ូលិស និងមន្ត្រីគយក្នុងការបោសសំអាត ឈើក្រញូងរបស់កម្ពុជា ពីតាមខេត្តនានាហើយដឹកជញ្ជូនតាមកប៉ាល់ ទៅកាន់កំពង់ផែក្រុងហុងកុង។ ប៉ុន្ដែបញ្ហានេះត្រូវបានរដ្ឋាភិបាលបដិសេធថា ឈើរបស់ក្រុមហ៊ុនលោក ទ្រី ភាព សុទ្ធតែជាឈើស្របច្បាប់ និងមានការអនុញ្ញាតិពីរដ្ឋាភិបាលត្រឹមត្រូវ៕
ប្រធានអង្គការកិច្ចការពិសេសសិទ្ធិមនុស្សកម្ពុជា (CHRTF) លោក អ៊ូច ឡេង បានរិះគន់ថា សកលវិទ្យាល័យ IIC គ្មានការវាយតម្លៃត្រឹមត្រូវ និងគ្មានមូលហេតុណាមួយច្បាស់លាស់ ដែលត្រូវផ្ដល់សញ្ញាប័ត្របណ្ឌិត កិត្តិយស ជូនលោកឧកញ៉ា ទ្រី ភាព ឡើយ។ លោកថា លោកឧកញ៉ា ទ្រី ភាព មិនទាន់មានគុណសម្បត្តិ និងស្នាដៃអ្វីក្នុងការជួយដល់ការអភិវឌ្ឍន៍ប្រទេសទេ ផ្ទុយមកវិញគឺមានតែការរកស៊ីឈើ ដែលធ្វើឲ្យបាត់បង់ធនធានធម្មជាតិ និងប្រជាពលរដ្ឋមួយចំនួនធំរងគ្រោះដោយសារតែការស៊ីឈើរបស់ក្រុមហ៊ុនលោក ទ្រី ភាព ប៉ុណ្ណោះ។ លោក អ៊ូច ឡេង បានរិះគន់បែបចំអកទៅសកលវិទ្យាល័យIIC ថា ទំនងជាលោក ទ្រី ភាព បានផ្ដល់ថវិកាទ្រទ្រង់សកលវិទ្យាល័យនេះហើយ ទើបបានជាលោក ទ្រី ភាព អាចទទួលបានសញ្ញាបត្របណ្ឌិត កិត្តិយសនេះ។
ថ្លែងប្រាប់សារព័ត៌មានថ្មីៗ លោក អ៊ូច ឡេង បានបញ្ជាក់ដូច្នេះថា៖«ខ្ញុំមើលឃើញថាលោកឧកញ៉ាទ្រីភាពអត់ទាន់មានអ្វីជួយជាតិទាំងអស់ ហេតុអ្វីបានជាសកលវិទ្យាល័យ IIC ប្រគល់សញ្ញាបត្រដល់លោក ទ្រី ភាព? សុំឲ្យបង្ហាញស្នាដៃគាត់មក។ វាអត់មានមូលហេតុត្រឹមត្រូវដែលប្រគល់សញ្ញាបត្រនេះជូនគាត់ ព្រោះសញ្ញាបត្របណ្ឌិត កត្តិយសមិនមែនចេះតែឲ្យអ្នកណាម្នាក់នោះទេ»។ ទាំងនេះជាចំណុចខ្វះខាតក្នុងការវាយតម្លៃដែលលោក អ៊ូច ឡេង មើលឃើញមុននឹងលោកបន្ថែមថា បើលោក ទ្រី ភាព មានគុណសម្បត្តិគ្រប់គ្រាន់ក្នុងការអភិវឌ្ឍប្រទេសនោះ លោក ទ្រី ភាព គួរតែបង្ហាញរបាយការណ៍ទាក់ទងនឹងជំនួញព្រៃឈើ និងរបាយការណ៍ផ្ទាល់ខ្លួនកន្លងមកថា តើលោកបានជួយអ្វីខ្លះដល់ប្រជាពលរដ្ឋ និងប្រទេសជាតិ ដើម្បីឲ្យសាធារណៈជនបានដឹងគ្រប់គ្នា ដោយមិនត្រូវលាក់ទុកឡើយ។
ប្រធានបណ្តាញយុវជនកម្ពុជា លោក ទឹម ម៉ាឡៃ ដែលធ្វើការជាមួយបណ្ដាញសហគមន៍ព្រៃឡង់ និងធនធានធម្មជាតិនោះ រិះគន់សកលវិទ្យាល័យ IIC ថា ការប្រគល់សញ្ញាបត្របណ្ឌិត កិត្តិយសដល់លោក ទ្រី ភាព នេះ គឺសកលវិទ្យាមួយនេះកំពុងលើកកម្ពស់អ្នកកាប់បំផ្លាញព្រៃឈើ និងធនធានជាតិ ដែលបានធ្វើឲ្យប្រជាពលរដ្ឋរងទុក្ខលំបាក។ សម្រាប់លោក ទឹម ម៉ាឡៃ គុណសម្បត្តិលោក ទ្រី ភាព បានផ្ដល់ប្រយោជន៍ដល់មនុស្សមួយក្រុមតូចក្នុងគណបក្សប្រជាជនប៉ុណ្ណោះ ប៉ុន្ដែលោក ទ្រី ភាព បានផ្ដល់ការខាតបង់ធំធេងសម្រាប់ប្រទេសជាតិ និងប្រជាពលរដ្ឋមួយចំនួនធំ។«ខ្ញុំយល់ថា សកលវិទ្យាល័យនេះចង់បានការស្គាល់ច្រើនពីសាធារណៈជន និងចង់ល្បី ទើបបានជាប្រគល់សញ្ញាបត្រនេះដល់លោក ទ្រី ភាព ។ ប៉ុន្ដែការផ្ដល់សញ្ញាបត្រនេះ គឺអាចធ្វើឲ្យសាលានេះទទួលបានកេរ្ត៍ឈ្មោះល្អផង កេរ្ត៍ឈ្មោះអាក្រក់ផង ព្រោះសាលានេះកំពុងតែជំរុញលើកទឹកចិត្តនិងលើកកម្ពស់ ដល់លោក ទ្រី ភាព ដែលបានកាប់បំផ្លាញធនធានធម្មជាតិនេះថែមទៀត។ នេះជាការបញ្ជាក់របស់លោក ទឹម ម៉ាឡៃ។
បើតាមការប្រជុំវាយតម្លៃ ពីសំណាក់សាស្ត្រាចារ្យបណ្ឌិត ចំនួន ១៥ រូបនៃសកលវិទ្យាល័យ IIC បានសម្រេចផ្តល់សញ្ញាប័ត្របណ្ឌិតកិត្តិយសផ្នែក សេដ្ឋកិច្ច ជូនឧកញ៉ាទ្រី ភាព ដោយក្រុមប្រឹក្សាវាយតម្លៃទាំងនោះ បានអះអាងថា លោក ទ្រី ភាព មានជំនាញខ្លាំងផ្នែកសេដ្ឋកិច្ច ។
ទាំងលោក អ៊ូច ឡេង ទាំងលោក ទឹម ម៉ាឡៃ ក៏បានចំអកទៅសកលវិទ្យាល័យ IIC ថា ការវាយតម្លៃនិងផ្ដល់សញ្ញាប័ត្រកិត្តិយសនេះ មិនមែនចេះតែផ្ដល់ជូនអ្នកមានអំណាច ឬមន្ត្រីថា្នក់ធំណាម្នាក់នោះទេ ពោលគឺត្រូវសិក្សាពីគុណសម្បត្តិលើបុគ្គលនោះ និងវាយតម្លៃឲ្យបានត្រឹមត្រូវមុននឹងប្រគល់សញ្ញាប័ត្របណ្ឌិត កិត្តិយស នេះ ។
គួរបញ្ជាក់ថា អង្គការឃ្លាំមើលពិភពលោក (Global Witness) កន្លងមកបានរកឃើញថា លោក ទ្រី ភាព គឺជាឈ្មួញរកស៊ីឈើខុសច្បាប់ខ្នាតធំមា្នក់ ដែលកាងដោយក្រុមមន្ត្រីយោធា ប៉ូលិស និងមន្ត្រីគយក្នុងការបោសសំអាត ឈើក្រញូងរបស់កម្ពុជា ពីតាមខេត្តនានាហើយដឹកជញ្ជូនតាមកប៉ាល់ ទៅកាន់កំពង់ផែក្រុងហុងកុង។ ប៉ុន្ដែបញ្ហានេះត្រូវបានរដ្ឋាភិបាលបដិសេធថា ឈើរបស់ក្រុមហ៊ុនលោក ទ្រី ភាព សុទ្ធតែជាឈើស្របច្បាប់ និងមានការអនុញ្ញាតិពីរដ្ឋាភិបាលត្រឹមត្រូវ៕
Tag:
IIC
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ម៉ោង
