ជាតិ
សេដ្ឋកិច្ច
×![]()
សាន់ហ្វ្រាន់ស៊ីស្កូ៖ លោក អូបាម៉ាបានប្រកាសក្រោយកិច្ចប្រជុំពិសេសអាមេរិកអាស៊ានថា ថាអាមេរិកនិងអាស៊ានដាក់ចេញគំនិតផ្តួចផ្តើមថ្មីៗដើម្បីជួយឲ្យអាស៊ានលូតលាស់រហ័ស និងជួយឲ្យប្រទេសសមាជិកអាស៊ានអាចចូលរួមក្នុងកិច្ចព្រមព្រៀងភាពជាដៃគូអន្តរប៉ាស៊ីហ្វិកផងដែរ។ រដ្ឋមន្ត្រីពាណិជ្ជកម្មកម្ពុជាបានបង្ហាញការគាំទ្រពេញទំហឹងចំពោះគំនិតផ្តួចផ្តើមថ្មីទាំងនេះ ហើយលោករំពឹងថាវានឹងនាំប្រយោជន៍ច្រើនដល់កម្ពុជាដែរ។ 
ក្នុងកិច្ចប្រជុំក្រុមប្រឹក្សាធុរកិច្ចនៅទីក្រុង សាន់ហ្វ្រាន់ស៊ីស្កូ លោក ស៊ុន ចាន់ថុល រដ្ឋមន្ត្រីមន្ត្រីក្រសួងពាណិជ្ជកម្មកម្ពុជាបានបញ្ជាក់ប្រាប់អ្នកសារព័ត៌មានថ្មីៗថា កម្ពុជាស្វាគមន៍និងគាំទ្រពេញទំហឹងចំពោះគំនិតផ្តួចផ្តើមថ្មីរបស់អាមេរិកថ្មីមានទាំងសិក្ខាសាលាពាណិជ្ជកម្ម (Trade Workshop) និងការផ្សាភ្ជាប់អាមេរិក អាស៊ាន (US-ASEAN connect) ព្រោះវាសំខាន់និងផ្តល់សារប្រយោជន៍ដល់កម្ពុជាច្រើន។
លោកថា៖«នៅពេលខាងមុខអាមេរិកនឹងរៀបចំសិក្ខាសាលាពាណិជ្ជកម្មជាច្រើនដើម្បីពន្យល់បន្ថែមទៅកាន់បណ្តាសមាជិកអាស៊ានដែលមិនទាន់ក្លាយជាសមាជិកកិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP) ដើម្បីឲ្យប្រទេសទាំងនោះយល់ច្បាស់ពីកិច្ចព្រមព្រៀងពាណិជ្ជកម្មស្តង់ដាខ្ពស់នេះ។ គម្រោងទាំងនេះយើងគាំទ្រ»។
ស្របពេលជាមួយគ្នានោះលោក ក៏បានបង្ហើបផងដែរថា ខាងអាស៊ានបានស្នើសុំឲ្យអាមេរិករៀបចំសិក្ខាសាលាពន្យល់បន្ថែមទៀតពាក់ព័ន្ធនឹងបញ្ហាសុវត្ថិភាពចំណីអាហារ និងបញ្ហាធុរកិច្ចជាដើមដែរ។
ក្រៅពីគាំទ្រសិក្ខាសាលាពាណិជ្ជកម្មនេះ រដ្ឋមន្ត្រីក្រសួងពាណិជ្ជកម្មកម្ពុជាក៏បានបង្ហាញការគាំទ្រខ្លាំងដល់គម្រោងថ្មីមួយទៀត«គំនិតផ្តួចផ្តើមការផ្សាភ្ជាប់អាមេរិកនិងអាស៊ាន»របស់លោក បារ៉ាក់ អូបាម៉ា ផងដែរ។ គំនិតផ្តួចផ្តើមនេះបើតាមការពន្យល់របស់លោក ស៊ុន ចាន់ថុល តាមការយល់ឃើញផ្ទាល់របស់លោក គំនិតផ្តួចផ្តើមនេះ នឹងជួយពង្រឹងទំនាក់ទំនងសេដ្ឋកិច្ច សហគ្រិនភាព ការច្នៃប្រឌិត ចែករម្លែកបច្ចេកវិទ្យា និងថែមទាំងពង្រឹងចំណងនយោបាយផងរវាងអាមេរិកនិងអាស៊ាន។ តែកម្ពុជានិងសមាជិកអាស៊ានផ្សេងទៀត ស្នើឲ្យលេខាធិការដ្ឋានអាស៊ានរៀបចំសរសេរឯកសារគោលមួយដែលអាចពន្យល់និងបញ្ជាក់ច្បាស់ថាមានគោលគំនិតអ្វីខ្លះក្នុងគំនិតផ្តួចផ្តើមការផ្សាភ្ជាប់អាស៊ាននិងអាមេរិកនេះដែរនៅពេលខាងមុខនេះ។
ដោយឡែក រដ្ឋមន្ត្រីពាណិជ្ជកម្មកម្ពុជាក៏ជឿជាក់ផងដែរ រាល់គម្រោងថ្មីនឹងជួយដល់កម្ពុជាច្រើនពាក់ព័ន្ធការត្រៀមខ្លួនដើម្បីចាប់ឱកាសនានាពាក់ព័ន្ធទំនាក់ទំនងពាណិជ្ជកម្មនិងសេដ្ឋកិច្ច និងស្វែងយល់ឲ្យកាន់តែច្បាស់ពីចំណុចស្នូលពាក់ព័ន្ធកិច្ចព្រមព្រៀងភាពជាដៃគូអន្តរប៉ាស៊ីហ្វិក។
លោកពន្យល់ថា៖ « យើងអត់សូវដឹងពីព័ត៌មានទាំងនេះទេ។ ចឹងគេនឹងធ្វើសិក្ខាសាលាពន្យល់ដល់អ្នកវិនិយោគ ខាងសហគ្រាសធុនតូចមធ្យម ខាងបរិស្ថាននិងភាគីផ្សេងទៀត ដើម្បីឲ្យយល់ថាតើ បើយើងចូលរួមជាមួយគេ វាពាក់ព័ន្ធអ្វីខ្លះ។ ហើយទាន់ពេលអ្នកចេះគេមកពន្យល់យើងវាលឿន។ ដូច្នេះគំនិតផ្តួចផ្តើមទាំងពីរនេះវាសំខាន់ណាស់»។
តាមពិតទៅកម្ពុជាមានចំណាប់អារម្មណ៍ដែរចំពោះការចូលរួមក្នុងគម្រោងពាណិជ្ជកម្មភាពជាដៃគូអន្តរប៉ាស៊ីហ្វិកដែលទើបភាគីឯកភាពគ្នាសម្រេចបានកាលពីដើមខែតុលាឆ្នាំមុន។ មានសមាជិកអាស៊ានតែបួនប៉ុណ្ណោះដែលបានចូលរួមក្នុងកិច្ចព្រមព្រៀងនេះ តែកិច្ចព្រមព្រៀងនេះបើកទូលាយស្វាគមន៍សមាជិកថ្មីផ្សេងទៀតដែរ។
ថ្វីបើកិច្ចព្រមព្រៀងភាពជាដៃគូអន្តរប៉ាស៊ីហ្វិកបើកទូលាយទទួលសមាជិកថ្មីជាសមាជិកអាស៊ានដែលមិនទាន់ក្លាយជាភាគីក្តី កិច្ចព្រមព្រៀងនេះជាគម្រោងពាណិជ្ជកម្មស្តង់ដាខ្ពស់ និងមានលក្ខខណ្ឌច្រើនដែលត្រូវបំពេញ។ ក្រៅពីថា សមាជិកត្រូវដករបាំងពន្ធគយដើម្បីធានាឲ្យមានពាណិជ្ជសេរី វាក៏កំណត់ឲ្យមានការលើកកម្ពស់សិទ្ធិការងារ ធានាការពារបរិស្ថាន ដោះស្រាយបញ្ហាកុមារ និងប្រឆាំងការជួញដូរមនុស្សជាដើមផង។ បញ្ហានេះហើយទើបប្រទេសមួយចំនួនមិនទាន់មានលទ្ធភាពបំពេញតាមស្តង់ដារតម្រូវ ព្រោះអាស៊ាននៅជាសហគមន៍ដែលមានគម្លៀតខ្លាំងនៅឡើយ។ ដូច្នេះដូចការរៀបរាប់ខាងលើស្រាប់ គំនិតផ្តួចផ្តើមថ្មីនឹងជួយឲ្យសមាជិកអាស៊ានដែលមិនទាន់គ្រប់តម្រូវការរួមទាំងកម្ពុជាផងនោះអាចត្រៀមលក្ខណៈបានស្រួល៕
ក្នុងកិច្ចប្រជុំក្រុមប្រឹក្សាធុរកិច្ចនៅទីក្រុង សាន់ហ្វ្រាន់ស៊ីស្កូ លោក ស៊ុន ចាន់ថុល រដ្ឋមន្ត្រីមន្ត្រីក្រសួងពាណិជ្ជកម្មកម្ពុជាបានបញ្ជាក់ប្រាប់អ្នកសារព័ត៌មានថ្មីៗថា កម្ពុជាស្វាគមន៍និងគាំទ្រពេញទំហឹងចំពោះគំនិតផ្តួចផ្តើមថ្មីរបស់អាមេរិកថ្មីមានទាំងសិក្ខាសាលាពាណិជ្ជកម្ម (Trade Workshop) និងការផ្សាភ្ជាប់អាមេរិក អាស៊ាន (US-ASEAN connect) ព្រោះវាសំខាន់និងផ្តល់សារប្រយោជន៍ដល់កម្ពុជាច្រើន។
លោកថា៖«នៅពេលខាងមុខអាមេរិកនឹងរៀបចំសិក្ខាសាលាពាណិជ្ជកម្មជាច្រើនដើម្បីពន្យល់បន្ថែមទៅកាន់បណ្តាសមាជិកអាស៊ានដែលមិនទាន់ក្លាយជាសមាជិកកិច្ចព្រមព្រៀងភាពជាដៃគូអន្តរប៉ាស៊ីហ្វិក (TPP) ដើម្បីឲ្យប្រទេសទាំងនោះយល់ច្បាស់ពីកិច្ចព្រមព្រៀងពាណិជ្ជកម្មស្តង់ដាខ្ពស់នេះ។ គម្រោងទាំងនេះយើងគាំទ្រ»។
ស្របពេលជាមួយគ្នានោះលោក ក៏បានបង្ហើបផងដែរថា ខាងអាស៊ានបានស្នើសុំឲ្យអាមេរិករៀបចំសិក្ខាសាលាពន្យល់បន្ថែមទៀតពាក់ព័ន្ធនឹងបញ្ហាសុវត្ថិភាពចំណីអាហារ និងបញ្ហាធុរកិច្ចជាដើមដែរ។
ក្រៅពីគាំទ្រសិក្ខាសាលាពាណិជ្ជកម្មនេះ រដ្ឋមន្ត្រីក្រសួងពាណិជ្ជកម្មកម្ពុជាក៏បានបង្ហាញការគាំទ្រខ្លាំងដល់គម្រោងថ្មីមួយទៀត«គំនិតផ្តួចផ្តើមការផ្សាភ្ជាប់អាមេរិកនិងអាស៊ាន»របស់លោក បារ៉ាក់ អូបាម៉ា ផងដែរ។ គំនិតផ្តួចផ្តើមនេះបើតាមការពន្យល់របស់លោក ស៊ុន ចាន់ថុល តាមការយល់ឃើញផ្ទាល់របស់លោក គំនិតផ្តួចផ្តើមនេះ នឹងជួយពង្រឹងទំនាក់ទំនងសេដ្ឋកិច្ច សហគ្រិនភាព ការច្នៃប្រឌិត ចែករម្លែកបច្ចេកវិទ្យា និងថែមទាំងពង្រឹងចំណងនយោបាយផងរវាងអាមេរិកនិងអាស៊ាន។ តែកម្ពុជានិងសមាជិកអាស៊ានផ្សេងទៀត ស្នើឲ្យលេខាធិការដ្ឋានអាស៊ានរៀបចំសរសេរឯកសារគោលមួយដែលអាចពន្យល់និងបញ្ជាក់ច្បាស់ថាមានគោលគំនិតអ្វីខ្លះក្នុងគំនិតផ្តួចផ្តើមការផ្សាភ្ជាប់អាស៊ាននិងអាមេរិកនេះដែរនៅពេលខាងមុខនេះ។
ដោយឡែក រដ្ឋមន្ត្រីពាណិជ្ជកម្មកម្ពុជាក៏ជឿជាក់ផងដែរ រាល់គម្រោងថ្មីនឹងជួយដល់កម្ពុជាច្រើនពាក់ព័ន្ធការត្រៀមខ្លួនដើម្បីចាប់ឱកាសនានាពាក់ព័ន្ធទំនាក់ទំនងពាណិជ្ជកម្មនិងសេដ្ឋកិច្ច និងស្វែងយល់ឲ្យកាន់តែច្បាស់ពីចំណុចស្នូលពាក់ព័ន្ធកិច្ចព្រមព្រៀងភាពជាដៃគូអន្តរប៉ាស៊ីហ្វិក។
លោកពន្យល់ថា៖ « យើងអត់សូវដឹងពីព័ត៌មានទាំងនេះទេ។ ចឹងគេនឹងធ្វើសិក្ខាសាលាពន្យល់ដល់អ្នកវិនិយោគ ខាងសហគ្រាសធុនតូចមធ្យម ខាងបរិស្ថាននិងភាគីផ្សេងទៀត ដើម្បីឲ្យយល់ថាតើ បើយើងចូលរួមជាមួយគេ វាពាក់ព័ន្ធអ្វីខ្លះ។ ហើយទាន់ពេលអ្នកចេះគេមកពន្យល់យើងវាលឿន។ ដូច្នេះគំនិតផ្តួចផ្តើមទាំងពីរនេះវាសំខាន់ណាស់»។
តាមពិតទៅកម្ពុជាមានចំណាប់អារម្មណ៍ដែរចំពោះការចូលរួមក្នុងគម្រោងពាណិជ្ជកម្មភាពជាដៃគូអន្តរប៉ាស៊ីហ្វិកដែលទើបភាគីឯកភាពគ្នាសម្រេចបានកាលពីដើមខែតុលាឆ្នាំមុន។ មានសមាជិកអាស៊ានតែបួនប៉ុណ្ណោះដែលបានចូលរួមក្នុងកិច្ចព្រមព្រៀងនេះ តែកិច្ចព្រមព្រៀងនេះបើកទូលាយស្វាគមន៍សមាជិកថ្មីផ្សេងទៀតដែរ។
ថ្វីបើកិច្ចព្រមព្រៀងភាពជាដៃគូអន្តរប៉ាស៊ីហ្វិកបើកទូលាយទទួលសមាជិកថ្មីជាសមាជិកអាស៊ានដែលមិនទាន់ក្លាយជាភាគីក្តី កិច្ចព្រមព្រៀងនេះជាគម្រោងពាណិជ្ជកម្មស្តង់ដាខ្ពស់ និងមានលក្ខខណ្ឌច្រើនដែលត្រូវបំពេញ។ ក្រៅពីថា សមាជិកត្រូវដករបាំងពន្ធគយដើម្បីធានាឲ្យមានពាណិជ្ជសេរី វាក៏កំណត់ឲ្យមានការលើកកម្ពស់សិទ្ធិការងារ ធានាការពារបរិស្ថាន ដោះស្រាយបញ្ហាកុមារ និងប្រឆាំងការជួញដូរមនុស្សជាដើមផង។ បញ្ហានេះហើយទើបប្រទេសមួយចំនួនមិនទាន់មានលទ្ធភាពបំពេញតាមស្តង់ដារតម្រូវ ព្រោះអាស៊ាននៅជាសហគមន៍ដែលមានគម្លៀតខ្លាំងនៅឡើយ។ ដូច្នេះដូចការរៀបរាប់ខាងលើស្រាប់ គំនិតផ្តួចផ្តើមថ្មីនឹងជួយឲ្យសមាជិកអាស៊ានដែលមិនទាន់គ្រប់តម្រូវការរួមទាំងកម្ពុជាផងនោះអាចត្រៀមលក្ខណៈបានស្រួល៕
Tag:
អាមេរិក
លោក ស៊ុន ចាន់ថុល
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
