ព័ត៍មានសុខភាព
រួមភេទ ពេលព្រឹក ពេលរសៀល និង ពេលយប់ តើពេលណាល្អជាងគេ?
× នេះជាសំនួរញឹកញាប់ដែលបានសួរមកកាន់វេបសាយសុខភាពwww.health.com.kh។ ខាងក្រោមនេះគឺជាការបកស្រាយតាមបែបវិទ្យាសាស្ត្រអំពីផលប្រយោជន៍នៃការរួមភេទពេលព្រឹក ពេលរសៀល និង ពេលយប់។
ការរួមភេទពេលព្រឹកនិងផលប្រយោជន៍
ដោយក្រោកពីដំណេកនោះ អ្នកគិតថាវាមិនសូវសមទេ។ មិនទាន់ស្វាងពីដំណេកនិងមានធំក្លិនមាត់ទៀត។
ប៉ុន្តែតាមពិតវាជាពេលវេលាដែលល្អសម្រាប់រួមភេទ។ ពេលព្រឹកគឺជាពេលវេលាដែលមានការបញ្ចេញអរម៉ូនភេទ testosterone ច្រើនជាងគេ។ នៅពេលដែលមនុស្សប្រុសមានអរម៉ូននេះច្រើនហើយបានសម្រាកយកកម្លាំងបែបនេះ វាបានធ្វើអោយមនុស្សប្រុសមានកម្លាំងខ្លាំងសម្រាប់ប្រតិបត្តិការលើគ្រែហើយអាចអោយពួកគេរួមភេទបានយូរនិងក្រចេញទឹកកាមផង។ មិនតែប៉ុណ្ណោះការរួមភេទនៅពេលព្រឹកធ្វើអោយខ្លួនមនុស្សមានសមត្ថភាពខ្លាំងប្រឆាំងជំងឺផងដែរ។
ការរួមភេទនៅពេលរសៀលនិងផលប្រយោជន៍
ចុះការរួមភេទពេលរសៀលវិញយ៉ាងម៉េចដែរ? បន្ទាប់ពីធ្វើការងារអស់កន្លះថ្ងៃ អ្នកអាចមានភាពតានតឹងអារម្មណ៍និងធុញទ្រាន់។ ការរួមភេទនៅពេលរសៀលអាចជួយកាត់បន្ថយស្ត្រេសឬភាពតានតឹងអារម្មណ៍។ ដូច្នេះ វានឹងធ្វើអោយអ្នកមានជំនឿចិត្តនិងកម្លាំងដើម្បីបន្តការងារតទៀតមុនពេលសម្រាកពេលល្ងាច។ ដូច្នេះ វាក៏មិនអត់ប្រយោជន៍ដែរ។
ការរួមភេទនៅពេលយប់និងផលប្រយោជន៍
ការរួមភេទនៅពេលយប់មានប្រយោជន័ម្យ៉ាងគឺអាចធ្វើអោយអ្នកដេកលក់ស្រួល។ រឿងនេះដោយសារតែពេលរួមភេទ វាបញ្ចេញអរម៉ូនដែលមានឥទ្ឋិពលដែលធ្វើអោយងងុយគេង។
ការសន្និដ្ឋាន
ដូច្នេះ ក្នុងចំណោមការរួមភេទនៅពេលវេលាទាំងបីខាងលើនេះ ការរួមភេទពេលព្រឹកត្រូវបានគេចាត់ទុកថាមានប្រយោជន៍ជាងគេ។ បន្ទាប់ពីការួមភេទហើយនៅពេលព្រឹក អ្នកនឹងមានអារម្មណ៍ល្អនិងជ្រះថ្លា។ ដូច្នេះហេតុអ្វីក៏អ្នកមិត្តចាប់ផ្តើមថ្ងៃថ្មីជាមួយនឹងការសម្រេចកាមដល់កំពូលទៅ៕
© រក្សាសិទ្ធិដោយ thmeythmey.com