ពីនេះ ពីនោះ
ជ័រអង្កោលបន្លាជាឱសថព្យាបាលជំងឺគ្រុន
× សណ្ឋានរុក្ខជាតិ៖ អង្កោលបន្លា ជាប្រភេទចុល្លព្រឹក្សមួយប្រភេទ ដែលមានកម្ពស់ប្រមាណពី ៦ម ទៅ១២ម ដុះលើដីវាល។ រុក្ខជាតិនៅតូច ត្រឹមកម្ពស់៦ម នៅនិងដើមរបស់វាមានបន្លាច្រើន ហើយបន្លាទាំងនោះជ្រុះបន្តិចម្ដងៗ ជិតអស់ពីដើម នៅពេលដែលដើមវាចាប់ផ្ដើមចាស់ទៅៗ។ អង្កោលបន្លា មានដុះនៅក្នុងប្រទេសអាស៊ីផ្នែកអាគ្នេយ៍។
អត្ថប្រយោជន៍នៃរុក្ខជាតិនេះ៖ អង្កោលបន្លានេះ គេអាចយកផ្លែរបស់វាមកបរិភោគ ចំណែកឯផ្កាវិញ គឺជាទីចាប់អារម្មណ៍របស់សត្វឃ្មុំចោមរោម ដើម្បីជញ្ជក់លំអងយកទៅធ្វើទឹកឃ្មុំ។ រុក្ខជាតិនេះគេអាចប្រើការធ្វើជាវត្ថុក្មេងលេង។ ក្នុងនោះផងដែរ ជ័ររបស់អង្កោលបន្លា គេយកមកទុកសម្រាប់ព្យាបាលជំងឺគ្រុន។ សម្រាប់ពួកភ្នង និងខ្មែរលើដទៃទៀតជឿថាខ្លឹមឈើអង្កោលបន្លា នេះគឺជាវត្ថុមួយអាចដេញទេពរក្ស អាក្រក់ឲ្យរត់ឆ្ងាយពីខ្លួន និងលំនៅស្ថានរបស់គេ។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com