ដោយ ប៉ាកកាខ្មៅ
បទ សត្វកាងស្លាប
-គិតត្រូវ ត្រូវគិតពិតយើងថ្កាន
មានបាន បានមានតកូនចៅ
គិតខុស ខុសគិតងឹតតផៅ
គេហៅ ហៅគេលែងរាប់រក។
-គិតល្អ ល្អគិតពិតមានយស
ឆ្ងាយគ្រោះ គ្រោះឆ្ងាយមិនហ៊ានមក
ធ្វើល្អ ល្អធ្វើសំណាងមក
លាភយក យកលាភប្រសើរក្រៃ។
-គិតដើរ ដើរគិតពិតមិនភ្លាត់
ចេះស្ទាត់ ស្ទាត់ចេះចំណេះថ្លៃ
តាំងចិត្ត ចិត្តតាំងខ្លាំងរាល់ថ្ងៃ
ដាប់ច្នៃ ច្នៃដាប់ចាប់វាសនា។
-ធ្វើគិត គិតធ្វើសើរើរក
រកទ្រព្យ ទ្រព្យរកមកបង្ការ
ក្រែងក្រ ក្រក្រែងឯងឯកា
គិតថា ថាគិត ពិតស្តាយក្រោយ៕