កីឡាជាតិ
ជាតិ
ប្រកួតជម្រុះពានរង្វាន់សម្តេច ហ៊ុន សែន ឆ្នាំ២០១៦ ឈានចូលសប្តាហ៍ទីពីរ ក្រុមខេត្តស្ទឹងត្រែងនាការប្រកួតជើងទីមួយ។ រូបថត FFC
×
ការប្រកួតដណ្តើមពានរង្វាន់សម្តេច ហ៊ុន សែន លើកទី១០ ប្រចាំឆ្នាំ២០១៦ បានឈានដល់សប្តាហ៍ទី២ នៃវគ្គជម្រុះបឋមតាមពូលនីមួយៗហើយ។ នារសៀលថ្ងៃទី២៤ ខែកុម្ភៈ នេះ មានការប្រកួតចំនួន ១៤ក្រុមដែលធ្វើនៅពហុកីឡដ្ឋានផ្សេងៗគ្នា ខណៈពូល A ដែលមានតែខេត្តកំពង់ស្ពឺ និងខេត្តកណ្តាល មិនទាន់មានការប្រកួតនោះទេ។
សម្រាប់ការប្រកួតពានរង្វាន់សម្តេច ហ៊ុន សែន ឆ្នាំ២០១៦ កាលពីសប្តាហ៍ទី១នៃវគ្គជម្រុះបឋម ក្រុមយុវជនបឹងកេតកំពង់ចាម បានបំបាក់ក្រុមខេត្តត្បូងឃ្មុំ ក្នុងទឹកដីរបស់ខ្លួន ២-០ ខណៈក្រុមម្ចាស់ផ្ទះខេត្តស្វាយរៀង បំបាក់ ខេត្តព្រៃវែង ៩-៣ ឬឯ ខេត្តព្រះវិហារ ចាញ់ ក្រុមម្ចាស់ផ្ទះសៀមរាបអង្គរ ១-៨ ចំណែកក្រុមម្ចាស់ផ្ទះខេត្តឧត្តរមានជ័យ ចាញ់ ក្រុមអ.ហ ខេត្តកំពង់ធំ ២-៣ ខណៈក្រុមម្ចាស់ផ្ទះខេត្តកំពង់ឆ្នាំង បានយកឈ្នះ ក្រុមខេត្តបាត់ដំបង ៣-២ ចំណែក ក្រុមម្ចាស់ផ្ទះកំពង់ផែស្វយ័តខេត្តព្រះសីហនុ បានលត់ ខេត្តកំពត ៥-១។ ដោយឡែក ក្រុមខេត្តក្រចេះ បានតាមស្មើក្រុមម្ចាស់ផ្ទះខេត្តស្ទឹងត្រែង ក្នុងលទ្ធផល ១-១៕
កម្មវិធីប្រកួតដែលចាប់ផ្តើមនៅម៉ោង៣ និង៣០នាទី៖
ពូល B៖
-ខេត្តត្បូឃ្មុំ ប៉ះ ខេត្តស្វាយរៀង នៅពហុកីឡដ្ឋានខេត្តត្បូងឃ្មុំ
-ខេត្តព្រៃវែង ប៉ះ យុវជនបឹងកេតកំពង់ចាម នៅពហុកីឡដ្ឋានខេត្តព្រៃវែង
ពូល C៖
-ខេត្តព្រះវិហារ ប៉ះ ខេត្តឧត្តរមានជ័យ នៅពហុកីឡដ្ឋានខេត្តព្រះវិហារ
-អ.ហ ខេត្តកំពង់ធំ ប៉ះ សៀមរាបអង្គរ នៅពហុកីឡដ្ឋានខេត្តកំពង់ធំ
ពូល D៖
-ខេត្តប៉ៃលិន ប៉ះ ខេត្តកំពង់ឆ្នាំង នៅពហុកីឡដ្ឋានខេត្តកំពង់ឆ្នាំង
ពូល E៖
-ខេត្តកំពត ប៉ះ កំពង់ផែស្វយ័តខេត្តព្រះសីហនុ នៅពហុកីឡដ្ឋានខេត្តកំពត
ពូល F៖
-ខេត្តក្រចេះ ប៉ះ ខេត្តស្ទឹងត្រែង នៅពហុកីឡដ្ឋានខេត្តក្រចេះ
Tag:
បាល់ទាត់
Hun Sen Cup 2016
© រក្សាសិទ្ធិដោយ thmeythmey.com