អន្តរជាតិ
មេទ័ពអាមេរិកនៅប៉ាស៊ីហ្វិកដង្ហើយឲ្យសភាផ្គត់ផ្គង់អាវុធបន្ថែមដើម្បីទប់ទល់ចិន
×![]()
មេបញ្ជាការយោធាអាមេរិកប្រចាំតំបន់ប៉ាស៊ីហ្វិក បានអំពាវនាវឲ្យសភាអាមេរិកបន្តគាំទ្រគម្រោងវិនិយោគដើម្បីបង្កើនសមត្ថភាពយោធាអាមេរិក នៅពេលលោកចូលខ្លួនបំភ្លឺចំពោះមុខគណកម្មាធិការព្រឹទ្ធសភាទទួលបន្ទុកវិស័យយោធាអាមេរិកថ្ងៃ ២៣ កុម្ភៈម្សិលមិញ។ មន្ត្រីយោធាអាមេរិករូបនេះបានសង្កត់ធ្ងន់ថា អាមេរិកអាចបាត់បង់សមត្ថភាពប្រយុទ្ធ បើថវិកាផ្គត់ផ្គង់សម្រាប់យោធាស្ថិតក្នុងស្ថានភាពមិនច្បាស់លាស់ដូចបច្ចុប្បន្ន ។ សកម្មភាពយោធូបនីយកម្មចិននៅសមុទ្រចិនខាងត្បូង បញ្ហាភេរវកម្ម បញ្ហារុស្ស៊ី បញ្ហានុយក្លេអ៊ែរកូរ៉េខាងជើង សុទ្ធតែជាបញ្ហាប្រឈមថ្មីសម្រាប់យោធាអាមេរិកនិងជាឧបសគ្គរារាំងការពង្រឹងឥទ្ធិពលអាមេរិកឡើងវិញនៅអាស៊ីប៉ាស៊ីហ្វិក។
សូមស្តាប់ការបកស្រាយរបស់លោក សៅ ផលនិស្ស័យ៖
ការកើនឡើងនៃបញ្ហាប្រឈមផ្នែកសន្តិសុខនៅក្នុងតំបន់អាស៊ីប៉ាស៊ីហ្វិក កំពុងក្លាយជាប្រធានបទក្តៅសម្រាប់រដ្ឋបាលក្រុងវ៉ាស៊ីនតោន ជាពិសេសទីបញ្ជាការយោធាអាមេរិកប្រចាំតំបន់ប៉ាស៊ីហ្វិកតែម្តង។ បញ្ហាទាំងនោះមានទាំងការកើនឡើងសកម្មភាពភេរវកម្ម បញ្ហានុយក្លេអ៊ែរកូរ៉េខាងជើង ការបង្កើនសកម្មភាពនិងទំនើបកម្មយោធារុស្ស៊ី និងចុងក្រោយការវាតទី និងធ្វើយោធូបនីយកម្មរបស់ចិននៅសមុទ្រចិនខាងត្បូងផង។ ថ្វីបើរដ្ឋបាលលោក បារ៉ាក់ អូបាម៉ា បញ្ជាក់ម្តងហើយម្តងទៀតថា ជំហរអាមេរិកគឺទប់ស្កាត់ការវាតទីរបស់ចិននិងបញ្ចប់ការកសាងកម្លាំងយោធានៅសមុទ្រចិនក៏ដោយ អាមេរិកបរាជ័យរួចទៅហើយក្នុងការដោះស្រាយបញ្ហានេះ។ ចិនកាន់ឡើងចាង បញ្ចេញសាច់ដុំកាន់តែខ្លាំង និងចាប់ផ្តើមពង្រាយសព្វាវុធដែលមានទាំងមីស៊ីល និងយន្តហោះចម្បាំងទៅកាន់កោះ Woody នៃប្រជុំកោះប៉ារ៉ាសែលថែមទៀត។
ការផុសឡើងនៃបញ្ហាប្រឈមផ្នែកសន្តិសុខថ្មីនេះ វាទាមទារឲ្យរដ្ឋបាលអាមេរិក ផ្តោតលើការពង្រឹងសមត្ថភាពយោធាអាមេរិកដែលទទួលខុសត្រូវតំបន់អាស៊ីប៉ាស៊ីហ្វិកតែម្តង។ ការផ្គត់ផ្គង់សព្វាវុធថ្មី ការបង្កើនថវិកាយោធាសម្រាប់វិនិយោគជំរុញលើកកម្ពស់សមត្ថភាពកងទ័ពជាដើមសុទ្ធសឹងតែជាយន្តការថ្មីសម្រាប់ក្រុងវ៉ាស៊ីនតោន។ បើយោធាអាមេរិកមិនអាចទប់ទល់ការគំរាមកំហែងថ្មីទេ នយោបាយពង្រឹងឥទ្ធិពលអាមេរិកនៅអាស៊ីប៉ាស៊ីហ្វិក ក៏ពិបាកទៅមុខដែរ ថ្វីបើទំនាក់ទំនងសេដ្ឋកិច្ចនិងពាណិជ្ជកម្មរវាងអាមេរិកជាមួយរដ្ឋអាស៊ីប៉ាស៊ីហ្វិកកើនឡើងក៏ដោយ។
យោងតាមសេចក្តីប្រកាសព័ត៌មានទីបញ្ជាការយោធាអាមេរិកនៅប៉ាស៊ីហ្វិកដែលចុះកាលពីថ្ងៃអង្គារទី ២៣ កុម្ភៈម្សិលមិញ ក្នុងពេលបំភ្លឺចំពោះមុខគណកម្មាធិការព្រឹទ្ធសភាទទួលបន្ទុកវិស័យយោធា មេបញ្ជាការកងទ័ពជើងទឹក ប្រចាំទីបញ្ជាការយោធាប៉ាស៊ីហ្វិក (PACOM) លោកឧត្តមនាវីឯក Harry B. Harris, Jr. បានថ្លែងរៀបរាប់ពីបញ្ហានានាដែលកងទ័ពលោកកំពុងប្រឈមនិងសមិទ្ធផលនានាដែលទីបញ្ជាការយោធាលោកសម្រេចបានកន្លងមកជាពិសេសការពង្រឹងកិច្ចសហប្រតិបត្តិការជាមួយដៃគូនិងសម្ព័ន្ធមិត្តក្នុងតំបន់។ លោក ទទួលស្គាល់ថា ចិនពិតជាកំពុងកសាងកម្លាំងទ័ពនៅតំបន់ជម្លោះសមុទ្រចិនខាងត្បូងដោយពង្រាយអាវុធ និងបន្តសកម្មភាពឯកតោភាគីដែលរំលោភច្បាប់អន្តរជាតិផង។ លោកក៏ឆ្លៀតឱកាសអំពាវនាវឲ្យគណកម្មាធិការនេះ ពិចារណាបន្តគាំទ្រនិងចាត់ចែងបន្ថែមថវិកាដើម្បីធ្វើយ៉ាងណាឲ្យយោធាអាមេរិកអាចសម្របខ្លួននិងទប់ទល់ជាមួយបញ្ហាប្រឈមផ្នែកសន្តិសុខថ្មីទាំងនេះបាន។
លោក សង្កត់ធ្ងន់ផងដែរថា៖ « វានៅមានការងារច្រើនដែលយើងត្រូវធ្វើ ហើយយើងមិនអាចបាត់បង់ការប្រឹងប្រែងនេះ។ ដូច្នេះខ្ញុំស្នើឲ្យគណកម្មាធិការបន្តគាំទ្រការវិនិយោគលើការកសាងសមត្ថភាពយោធាសម្រាប់ពេលអនាគត។ បើសិនកញ្ចប់ថវិកាដែលផ្តល់ឲ្យសម្រាប់អភិវឌ្ឍសមត្ថភាពយោធាអាមេរិកនៅបន្តស្ថិតក្នុងភាពមិនច្បាស់លាស់បែបនេះ នៅពេលអនាគតសមត្ថភាពប្រយុទ្ធរបស់យោធាអាមេរិកនឹងប្រឈមបញ្ហាលំបាកច្រើន»។
លោកស្នើឲ្យព្រឹទ្ធសភាអាមេរិកពិចារណាផ្គត់ផ្គង់យន្តហោះចម្បាំងថ្មី នាវាមុជទឹក មីស៊ីលរយៈចម្ងាយឆ្ងាយ និងសព្វាវុធយុទ្ធសាស្ត្រផ្សេងទៀតដែលជួយឲ្យកងទ័ពអាមេរិកនៅប៉ាស៊ីហ្វិកមានសមត្ថភាពប្រយុទ្ធខ្ពស់និងស៊ើបការណ៍ផង។
ទីបញ្ជាការយោធានេះត្រូវការនាវាមុជទឹកបន្ថែមដើម្បីសម្រួលដល់ប្រតិបត្តិការនិងការពារនាវាដឹកយន្តហោះជាដើមផង។ ហើយស្របពេលជាមួយគ្នានោះ មេបញ្ជាការរូបនេះស្នើឲ្យសភាអាមេរិកបង្កើនថវិកាសម្រាប់ទិញយន្តហោះចម្បាំងស៊េរីទំនើបប្រភេទ F-35 ដែលវាមានសមត្ថភាពខ្ពស់ក្នុងការចូលរួមក្នុងការវាយប្រហារ ហើយក៏អាចពង្រាយទៅកាន់មូលដ្ឋានយោធាបានរហ័សក្នុងស្ថានភាពចាំបាច់ដែរ។
ដោយឡែក ក្រៅពីស្នើឲ្យមានការបង្កើនថវិកា និងផ្គត់ផ្គង់សព្វាវុធសម្រាប់អភិវឌ្ឍសមត្ថភាពយោធានៅប៉ាស៊ីហ្វិក លោកក៏សរសើរប្រទេសជាសម្ព័ន្ធមិត្តនិងដៃគូក្នុងតំបន់ដែលគាំទ្រនិងពង្រឹងកិច្ចសហការផ្នែកសន្តិសុខជាមួយអាមេរិកដែរ។ លោកលើកឡើងពី អនាគតនៃសម្ព័ន្ធភាពរវាងហ្វីលីពីន និងអាមេរិកក្រោយពេលតុលាការកំពូលហ្វីលីពីនគាំទ្រកិច្ចព្រមព្រៀងកិច្ចសហប្រតិបត្តិការយោធាទ្វេភាគីដែលនឹងអនុញ្ញាតឲ្យអាមេរិកប្រើប្រាស់មូលដ្ឋានទ័ពនៅហ្វីលីពីននោះ។
មួយវិញទៀតលោកបានសរសើរមហាយក្សប្រជាធិបតេយ្យឥណ្ឌាដែលកំពុងពង្រឹងតួនាទីរបស់ខ្លួនក្នុងតំបន់អាស៊ី ហើយលោកក៏ចាត់ទុកនយោបាយការបរទេសថ្មីរបស់ឥណ្ឌា «ធ្វើសកម្មភាពនៅទិសខាងកើត» ជាយុទ្ធសាស្ត្របំពេញបន្ថែមដល់នយោបាយការបរទេសអាមេរិកផងនៅតំបន់អាស៊ីប៉ាស៊ីហ្វិកផង។ លោកជឿជាក់ថានយោបាយទាំងពីរនឹងនាំមកនូវសន្តិសុខ ស្ថិរភាពនិងសន្តិភាពដល់តំបន់ទាំងមូលផង។ ទំនាក់ទំនងអាមេរិកនិងឥណ្ឌាកាន់តែប្រសើរឡើងលើគ្រប់វិស័យ ហើយមេបញ្ជាការកងទ័ពអាមេរិកនឹងទៅទស្សនកិច្ចនៅឥណ្ឌានៅសប្តាហ៍ក្រោយផងដើម្បីជជែកពិភាក្សាពីបញ្ហាសន្តិសុខនិងការពារជាតិផង។ សូមរំលឹកបន្តិចដែរ កាលពីដើមខែកុម្ភៈកន្លងទៅឥណ្ឌាបានបង្ហើបថាខ្លួនកំពុងពិចារណាចូលរួមក្នុងប្រតិបត្តិការល្បាតរួមគ្នាក្នុងតំបន់សមុទ្រចិនខាងត្បូងផង ហើយអាមេរិកក៏ស្វាគមន៍គោលបំណងនេះដែរ។
កន្លងមកចិនបានប្រតិកម្មតបយ៉ាងក្រេវក្រោធចំពោះព័ត៌មានថាឥណ្ឌាចង់ចូលរួមល្បាតក្នុងតំបន់សមុទ្រចិនខាងត្បូងដែរ។ ចិនបានព្រមានអាមេរិកនិងឥណ្ឌាថា កុំព្យាយាមធ្វើឲ្យការកសាងកម្លាំងទ័ពនិងការប្រឈមមុខដាក់គ្នាផ្នែកយោធាកើនឡើងឲ្យសោះ។ ក្រៅពីនេះ ក្រុងប៉េកាំង រិះគន់អាមេរិកថា ពូកែរករឿងនិងចោទប្រកាន់ខ្លួន ខុសរឿង ហើយរបបដឹកនាំនេះក៏រំលឹកផងដែរថា កន្លងមកអាមេរិកដាក់ទ័ព និងបន្តបង្កើនវត្តមានសព្វាវុធនិងកងទ័ពនៅហាវ៉ៃ ខ្លួនមិនបានរករឿងចោទប្រកាន់អាមេរិកឡើយ៕
សូមស្តាប់ការបកស្រាយរបស់លោក សៅ ផលនិស្ស័យ៖
ការកើនឡើងនៃបញ្ហាប្រឈមផ្នែកសន្តិសុខនៅក្នុងតំបន់អាស៊ីប៉ាស៊ីហ្វិក កំពុងក្លាយជាប្រធានបទក្តៅសម្រាប់រដ្ឋបាលក្រុងវ៉ាស៊ីនតោន ជាពិសេសទីបញ្ជាការយោធាអាមេរិកប្រចាំតំបន់ប៉ាស៊ីហ្វិកតែម្តង។ បញ្ហាទាំងនោះមានទាំងការកើនឡើងសកម្មភាពភេរវកម្ម បញ្ហានុយក្លេអ៊ែរកូរ៉េខាងជើង ការបង្កើនសកម្មភាពនិងទំនើបកម្មយោធារុស្ស៊ី និងចុងក្រោយការវាតទី និងធ្វើយោធូបនីយកម្មរបស់ចិននៅសមុទ្រចិនខាងត្បូងផង។ ថ្វីបើរដ្ឋបាលលោក បារ៉ាក់ អូបាម៉ា បញ្ជាក់ម្តងហើយម្តងទៀតថា ជំហរអាមេរិកគឺទប់ស្កាត់ការវាតទីរបស់ចិននិងបញ្ចប់ការកសាងកម្លាំងយោធានៅសមុទ្រចិនក៏ដោយ អាមេរិកបរាជ័យរួចទៅហើយក្នុងការដោះស្រាយបញ្ហានេះ។ ចិនកាន់ឡើងចាង បញ្ចេញសាច់ដុំកាន់តែខ្លាំង និងចាប់ផ្តើមពង្រាយសព្វាវុធដែលមានទាំងមីស៊ីល និងយន្តហោះចម្បាំងទៅកាន់កោះ Woody នៃប្រជុំកោះប៉ារ៉ាសែលថែមទៀត។
ការផុសឡើងនៃបញ្ហាប្រឈមផ្នែកសន្តិសុខថ្មីនេះ វាទាមទារឲ្យរដ្ឋបាលអាមេរិក ផ្តោតលើការពង្រឹងសមត្ថភាពយោធាអាមេរិកដែលទទួលខុសត្រូវតំបន់អាស៊ីប៉ាស៊ីហ្វិកតែម្តង។ ការផ្គត់ផ្គង់សព្វាវុធថ្មី ការបង្កើនថវិកាយោធាសម្រាប់វិនិយោគជំរុញលើកកម្ពស់សមត្ថភាពកងទ័ពជាដើមសុទ្ធសឹងតែជាយន្តការថ្មីសម្រាប់ក្រុងវ៉ាស៊ីនតោន។ បើយោធាអាមេរិកមិនអាចទប់ទល់ការគំរាមកំហែងថ្មីទេ នយោបាយពង្រឹងឥទ្ធិពលអាមេរិកនៅអាស៊ីប៉ាស៊ីហ្វិក ក៏ពិបាកទៅមុខដែរ ថ្វីបើទំនាក់ទំនងសេដ្ឋកិច្ចនិងពាណិជ្ជកម្មរវាងអាមេរិកជាមួយរដ្ឋអាស៊ីប៉ាស៊ីហ្វិកកើនឡើងក៏ដោយ។
យោងតាមសេចក្តីប្រកាសព័ត៌មានទីបញ្ជាការយោធាអាមេរិកនៅប៉ាស៊ីហ្វិកដែលចុះកាលពីថ្ងៃអង្គារទី ២៣ កុម្ភៈម្សិលមិញ ក្នុងពេលបំភ្លឺចំពោះមុខគណកម្មាធិការព្រឹទ្ធសភាទទួលបន្ទុកវិស័យយោធា មេបញ្ជាការកងទ័ពជើងទឹក ប្រចាំទីបញ្ជាការយោធាប៉ាស៊ីហ្វិក (PACOM) លោកឧត្តមនាវីឯក Harry B. Harris, Jr. បានថ្លែងរៀបរាប់ពីបញ្ហានានាដែលកងទ័ពលោកកំពុងប្រឈមនិងសមិទ្ធផលនានាដែលទីបញ្ជាការយោធាលោកសម្រេចបានកន្លងមកជាពិសេសការពង្រឹងកិច្ចសហប្រតិបត្តិការជាមួយដៃគូនិងសម្ព័ន្ធមិត្តក្នុងតំបន់។ លោក ទទួលស្គាល់ថា ចិនពិតជាកំពុងកសាងកម្លាំងទ័ពនៅតំបន់ជម្លោះសមុទ្រចិនខាងត្បូងដោយពង្រាយអាវុធ និងបន្តសកម្មភាពឯកតោភាគីដែលរំលោភច្បាប់អន្តរជាតិផង។ លោកក៏ឆ្លៀតឱកាសអំពាវនាវឲ្យគណកម្មាធិការនេះ ពិចារណាបន្តគាំទ្រនិងចាត់ចែងបន្ថែមថវិកាដើម្បីធ្វើយ៉ាងណាឲ្យយោធាអាមេរិកអាចសម្របខ្លួននិងទប់ទល់ជាមួយបញ្ហាប្រឈមផ្នែកសន្តិសុខថ្មីទាំងនេះបាន។
លោក សង្កត់ធ្ងន់ផងដែរថា៖ « វានៅមានការងារច្រើនដែលយើងត្រូវធ្វើ ហើយយើងមិនអាចបាត់បង់ការប្រឹងប្រែងនេះ។ ដូច្នេះខ្ញុំស្នើឲ្យគណកម្មាធិការបន្តគាំទ្រការវិនិយោគលើការកសាងសមត្ថភាពយោធាសម្រាប់ពេលអនាគត។ បើសិនកញ្ចប់ថវិកាដែលផ្តល់ឲ្យសម្រាប់អភិវឌ្ឍសមត្ថភាពយោធាអាមេរិកនៅបន្តស្ថិតក្នុងភាពមិនច្បាស់លាស់បែបនេះ នៅពេលអនាគតសមត្ថភាពប្រយុទ្ធរបស់យោធាអាមេរិកនឹងប្រឈមបញ្ហាលំបាកច្រើន»។
លោកស្នើឲ្យព្រឹទ្ធសភាអាមេរិកពិចារណាផ្គត់ផ្គង់យន្តហោះចម្បាំងថ្មី នាវាមុជទឹក មីស៊ីលរយៈចម្ងាយឆ្ងាយ និងសព្វាវុធយុទ្ធសាស្ត្រផ្សេងទៀតដែលជួយឲ្យកងទ័ពអាមេរិកនៅប៉ាស៊ីហ្វិកមានសមត្ថភាពប្រយុទ្ធខ្ពស់និងស៊ើបការណ៍ផង។
ទីបញ្ជាការយោធានេះត្រូវការនាវាមុជទឹកបន្ថែមដើម្បីសម្រួលដល់ប្រតិបត្តិការនិងការពារនាវាដឹកយន្តហោះជាដើមផង។ ហើយស្របពេលជាមួយគ្នានោះ មេបញ្ជាការរូបនេះស្នើឲ្យសភាអាមេរិកបង្កើនថវិកាសម្រាប់ទិញយន្តហោះចម្បាំងស៊េរីទំនើបប្រភេទ F-35 ដែលវាមានសមត្ថភាពខ្ពស់ក្នុងការចូលរួមក្នុងការវាយប្រហារ ហើយក៏អាចពង្រាយទៅកាន់មូលដ្ឋានយោធាបានរហ័សក្នុងស្ថានភាពចាំបាច់ដែរ។
ដោយឡែក ក្រៅពីស្នើឲ្យមានការបង្កើនថវិកា និងផ្គត់ផ្គង់សព្វាវុធសម្រាប់អភិវឌ្ឍសមត្ថភាពយោធានៅប៉ាស៊ីហ្វិក លោកក៏សរសើរប្រទេសជាសម្ព័ន្ធមិត្តនិងដៃគូក្នុងតំបន់ដែលគាំទ្រនិងពង្រឹងកិច្ចសហការផ្នែកសន្តិសុខជាមួយអាមេរិកដែរ។ លោកលើកឡើងពី អនាគតនៃសម្ព័ន្ធភាពរវាងហ្វីលីពីន និងអាមេរិកក្រោយពេលតុលាការកំពូលហ្វីលីពីនគាំទ្រកិច្ចព្រមព្រៀងកិច្ចសហប្រតិបត្តិការយោធាទ្វេភាគីដែលនឹងអនុញ្ញាតឲ្យអាមេរិកប្រើប្រាស់មូលដ្ឋានទ័ពនៅហ្វីលីពីននោះ។
មួយវិញទៀតលោកបានសរសើរមហាយក្សប្រជាធិបតេយ្យឥណ្ឌាដែលកំពុងពង្រឹងតួនាទីរបស់ខ្លួនក្នុងតំបន់អាស៊ី ហើយលោកក៏ចាត់ទុកនយោបាយការបរទេសថ្មីរបស់ឥណ្ឌា «ធ្វើសកម្មភាពនៅទិសខាងកើត» ជាយុទ្ធសាស្ត្របំពេញបន្ថែមដល់នយោបាយការបរទេសអាមេរិកផងនៅតំបន់អាស៊ីប៉ាស៊ីហ្វិកផង។ លោកជឿជាក់ថានយោបាយទាំងពីរនឹងនាំមកនូវសន្តិសុខ ស្ថិរភាពនិងសន្តិភាពដល់តំបន់ទាំងមូលផង។ ទំនាក់ទំនងអាមេរិកនិងឥណ្ឌាកាន់តែប្រសើរឡើងលើគ្រប់វិស័យ ហើយមេបញ្ជាការកងទ័ពអាមេរិកនឹងទៅទស្សនកិច្ចនៅឥណ្ឌានៅសប្តាហ៍ក្រោយផងដើម្បីជជែកពិភាក្សាពីបញ្ហាសន្តិសុខនិងការពារជាតិផង។ សូមរំលឹកបន្តិចដែរ កាលពីដើមខែកុម្ភៈកន្លងទៅឥណ្ឌាបានបង្ហើបថាខ្លួនកំពុងពិចារណាចូលរួមក្នុងប្រតិបត្តិការល្បាតរួមគ្នាក្នុងតំបន់សមុទ្រចិនខាងត្បូងផង ហើយអាមេរិកក៏ស្វាគមន៍គោលបំណងនេះដែរ។
កន្លងមកចិនបានប្រតិកម្មតបយ៉ាងក្រេវក្រោធចំពោះព័ត៌មានថាឥណ្ឌាចង់ចូលរួមល្បាតក្នុងតំបន់សមុទ្រចិនខាងត្បូងដែរ។ ចិនបានព្រមានអាមេរិកនិងឥណ្ឌាថា កុំព្យាយាមធ្វើឲ្យការកសាងកម្លាំងទ័ពនិងការប្រឈមមុខដាក់គ្នាផ្នែកយោធាកើនឡើងឲ្យសោះ។ ក្រៅពីនេះ ក្រុងប៉េកាំង រិះគន់អាមេរិកថា ពូកែរករឿងនិងចោទប្រកាន់ខ្លួន ខុសរឿង ហើយរបបដឹកនាំនេះក៏រំលឹកផងដែរថា កន្លងមកអាមេរិកដាក់ទ័ព និងបន្តបង្កើនវត្តមានសព្វាវុធនិងកងទ័ពនៅហាវ៉ៃ ខ្លួនមិនបានរករឿងចោទប្រកាន់អាមេរិកឡើយ៕
© រក្សាសិទ្ធិដោយ thmeythmey.com
