ពីនេះ ពីនោះ
តើពាក្យ«សព្វនាម» មានអត្ថន័យដូចម្ដេចនៅក្នុងអក្សរសិល្ប៍ខ្មែរ ?
× នៅក្នុងសទ្ទានុក្រមភាសាវិទ្យា និងអក្សរសិល្ប៍ខ្មែរ ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «សព្វនាម» ដូចខាងក្រោម៖
សព្វនាម មានន័យថា ជាពាក្យដែលគេប្រើសម្រាប់ជំនួស នាម កន្សោមនាម និងល្បះ ដើម្បីចៀសការប្រើពាក្យច្រំដែល។ ក្នុងសម្ព័ន្ធ សព្វនាមបំពេញមុខងារដូចនាម និងកន្សោមនាមដែរ។ សព្វនាមអាចជាប្រធានក្នុងល្បះ, អាចជាកម្មក្នុងល្បះ។
ឧទាហរណ៍៖ គាត់ភ្ជួរស្រែ, គាត់ មានមុខងារជាប្រធាន។ អ្នកស្រុកស្គាល់វាច្បាស់ណាស់, វាមានមុខងារជាកម្មបទផ្ទាល់។ ពូសុខតែងតែខឹងច្រឡោត បើគាត់មិនខំកែខ្លួនទេ វានឹងនាំមកដល់គាត់នូវសត្រូវជុំទិស។
នៅក្នុងភាសារខ្មែរ គេចែកសព្វនាមជា៖ សព្វនាមបុរិសៈ, សព្វនាមឈ្នាប់, សព្វនាមចង្អុល, សព្វនាមសំណួរ, សព្វនាមមិនច្បាស់៕
© រក្សាសិទ្ធិដោយ thmeythmey.com