កីឡាជាតិ
ជាតិ
នគរបាលជាតិចង់ស្តារមុខមាត់ ខណៈភ្នំពេញក្រោនចង់បន្តឈ្នះ front ក្លិបអគ្គស្នងការដ្ឋាននគរបាលជាតិ នាជំនួបជាមួយក្រសួងការពារជាតិ កាលពីសប្តាហ៍មុន
× ការប្រកួតក្របខណ្ឌមិត្តហ្វូនខេមបូឌានលីករដូវកាល ២០១៦ ឈានដល់សប្តាហ៍ទី២ហើយនាល្ងាចថ្ងៃសុក្រ ទី២៦ ខែកុម្ភៈនេះ ដោយអគ្គស្នងការដ្ឋាននគរបាលជាតិ ត្រូវប៉ះជាមួយភ្នំពេញក្រោន នាវេលាម៉ោង៦ល្ងាចនៅពហុកីឡដ្ឋានជាតិ។
ក្រោយពីរងការបំបាក់ពីសំណាក់ក្រុមក្រសួងការពារជាតិ ៤-១ នាជំនួបកាលពីថ្ងៃទី២០កុម្ភៈ នាពហុកីឡដ្ឋានជាតិ ក្រុមអគ្គស្នងការនគរបាលជាតិ នឹងធ្វើការប្រកួតជើងទី២របស់ខ្លួន ជាមួយក្រុមភ្នំពេញក្រោន នាវេលាម៉ោង ៦ល្ងាចថ្ងៃទី២៦ ខែកុម្ភៈ នេះ នៅពហុកីឡដ្ឋានជាតិ។
ក្រុមអគ្គស្នងការនគរបាលជាតិ សម្រាប់សប្តាហ៍ទី២ ប្រហែលជាត្រូវធ្វើការខ្លាំងជាងសប្តាហ៍ទី១ ព្រោះក្រុមភ្នំពេញក្រោន ជាក្រុមម្ចាស់ជើងឯក២រដូវកាលជាប់ៗគ្នា នៃក្រមខណ្ឌពានរង្វាន់មិត្តហ្វូនខេមបូឌានលីកនេះ។ កាលពីសប្តាហ៍ទី១ក្រុមម្ចាស់ផ្ទះនេះ បានបំបាក់ក្រុមខេមបូឌានថាយហ្គឺរ ៣-១ នាជំនួបកាលពីថ្ងៃទី១៩ ខែកុម្ភៈ នាពហុកីឡដ្ឋាន RSN។
កីឡាករអាហ្វ្រិកខាងត្បូង Booysen Shane បានស៊ុតបាល់បញ្ចូលទី៣គ្រាប់តែម្នាក់ឯងក្នុងជ័យជម្នះ ៣-១ របស់ភ្នំពេញក្រោន លើខេមបូឌានថាយហ្គឺរ ខណៈខ្សែប្រយុទ្ធហ្គាណា Michael Osei Tutu ជាអ្នកស៊ុតបាល់បញ្ចូលទីតែមួយគ្រាប់គត់ឲ្យនគរបាលជាតិ នាបរាជ័យ ៤-១ ដោយសារក្រសួងការពារជាតិ៕
Tag:
បាល់ទាត់
ខេមបូឌានលីក
© រក្សាសិទ្ធិដោយ thmeythmey.com