កីឡាអន្តរជាតិ
អន្តរជាតិ
លោក Gianni Infantino ជាប់ជាប្រធានថ្មី FIFA ជំនួសមិត្តរួមជាតិស្វីសលោក Sepp Blatter លោក Gianni Infantino ប្រធានថ្មីរបស់សហព័ន្ធកីឡាបាល់ទាត់អន្តរជាតិ។ រូបថត FIFA
× លោក Gianni Infantino បានជាប់ឆ្នោតសម្រាប់តំណែងជាប្រធានថ្មីរបស់សហព័ន្ធកីឡាបាល់ទាត់អន្តរជាតិ (FIFA) ដើម្បីជំនួសមិត្តរួមស្វីសរបស់លោក គឺលោក Sepp Blatter តាមរយៈសមាជវិសាមញ្ញរបស់ស្ថាប័នបាល់ទាត់កំពូលនៅក្នុងទីក្រុងហ្សួរិច កាលពីថ្ងៃទី២៦ ខែកុម្ភៈ ឆ្នាំ២០១៦។
លោក Gianni Infantino អគ្គលេខាធិការសហព័ន្ធកីឡាបាល់ទាត់ទ្វីបអឺរ៉ុប (UEFA) បានទទួលសំឡេងឆ្នោតនៅជុំទីពីរ ដោយនាំមុខលោក Sheikha Salman bin Ebrahim al-Khalifa និងព្រះអង្គម្ចាស់ Ali bin al-Hussein។ តាមរយៈសំឡេងគាំទ្រ១១៥លើ២០៧សំឡេង បាននាំឲ្យលោក Infantino ក្លាយជាប្រធាន FIFA ទី៩ ដោយត្រូវកាន់តំណែងរហូតដល់ឆ្នាំ២០១៩។
លទ្ធនៃការបោះឆ្នោត៖
ជុំទីមួយ៖
-ព្រះអង្គម្ចាស់ Ali Bin Al Hussein: ២៧សំឡេង
-លោក Shk.Salman Bin Ebrahim Al-Khalifa: ៨៥សំឡេង
-លោក Jérome Champage: ៧សំឡេង
-លោក Gianni Infantino: ៨៨សំឡែង
ជុំទីពីរ៖
-ព្រះអង្គម្ចាស់ Ali Bin Al Hussein: ៤សំឡេង
-លោក Shk.Salman Bin Ebrahim Al-Khalifa: ៨៨សំឡេង
-លោក Jérome Champage: ០សំឡេង
-លោក Gianni Infantino: ១១៥សំឡេង៕
© រក្សាសិទ្ធិដោយ thmeythmey.com