ពីនេះ ពីនោះ
តើពាក្យ«សព្វនាមចង្អុល និងសព្វនាមឈ្នាប់»មានអត្ថន័យដូចម្ដេចនៅក្នុងអក្សរសិល្ប៍ខ្មែរ ?
× នៅក្នុងសទ្ទានុក្រមភាសាវិទ្យា និងអក្សរសិល្ប៍ខ្មែរ ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «សព្វនាមចង្អុល និងសព្វនាមឈ្នាប់» ដូចខាងក្រោម៖
សព្វនាមចង្អុល មានន័យថា ជាសព្វនាមដែលប្រើសម្រាប់ចង្អុលមនុស្ស សត្វ ឬវត្ថុ ឲ្យឃើញច្បាស់លាស់ថា នៅទីជិត ឬទីឆ្ងាយពីអ្នកនិយាយ។ ពាក្យ នេះ នោះ,....ជាសព្វនាមចង្អុល។ ឧទាហរណ៍៖ នេះជាសៀវភៅរបស់ខ្ញុំ នោះជាសៀវភៅរបស់ឯង។
សព្វនាមឈ្នាប់ មានន័យថា ជាសព្វនាមសម្រាប់ជំនួសនាមឬកន្សោមនាមដើម្បីបង្កើតល្បះរណប។ នៅក្នុងភាសាខ្មែរ សព្វនាមឈ្នាប់មានតែមួយគឺ ដែល។ ឧទាហរណ៍៖ ខ្ញុំបានជួបកុមារម្នាក់ដែលរៀនពូកែជាងគេក្នុងសាលារៀននេះ។ តុ ដែលគេដាក់ថូផ្កានៅលើនោះ ជារបស់គាត់។
© រក្សាសិទ្ធិដោយ thmeythmey.com