កីឡាជាតិ
ជាតិ
×![]()
កីឡាករជើងខ្លាំងកម្ពុជា៤រូប រួមមានកីឡាករ ឡុង សុភី រឿង សោភ័ណ្ឌ ពេជ្រ សីហា និងសរ រាជសីហ៍ រួមជាមួយនឹងកីឡាករថៃ៤រូប នឹងធ្វើការប្រកួតប្រជែងគ្នា ដើម្បីដណ្តើមពានរង្វាន់ជើងឯកគោជល់រជ្ជកាលទី៤ របស់ស្ថានីយទូរទស្សន៍ CNC នាថ្ងៃទី៥ ខែមីនា ខាងមុខនេះ។
ការប្រកួតដណ្តើមជើងឯកគោជល់របស់ស្ថានីយទូរទស្សន៍ CNC នឹងធ្វើការប្រកួតបើករជ្ជកាលទី៤ របស់ខ្លួន នាថ្ងៃទី៥ ខែកុម្ភៈ ខាងមុខនេះ ដោយមានកីឡាករចូលរួមប្រកួតចំនួន៨រូប ក្នុងនោះកម្ពុជា ៤រូប និងថៃ៤រូប។ កីឡាករកម្ពុជាទាំងនោះរួមមានកីឡាករ ឡុង សុភី, រឿង សោភ័ណ្ឌ, ពេជ្រ សីហា និងសរ រាជសីហ៍ ចំណែកកីឡាករថៃ រួមមានកីឡាករ ហ្វានិមិត្ត វិរិយៈហ្វាម (FANIMIT VIRIYAKFARM), នំធីប ស រុងរ៉ាវី (NOMTHIP SOR.RUONGRAVI), ផ្លាំងនុង លូកម៉ាខាមវ៉ាន (PHLANGNUM LOUKMAKHAMVAN) និងកីឡាករ ធុតស៍ភុន ស.សុម៉ាលី (THUTSAPHON SOR.SOMALY)។
គួរបញ្ជាក់ថា កីឡាជើងខ្លាំងម្ចាស់ជើងឯក៦ស្ថាប័ន ឡុង សុភី ធ្លាប់ឆ្លងកាត់សង្វៀនប្រកួតចំនួន១១៣ដង ឈ្នះ៨២ ចាញ់២៨ ស្មើ៣ដង និងផ្តួលគូប្រកួតឲ្យសន្លប់ចំនួន៤២ដង ខណៈកីឡាករ រឿង សោភ័ណ្ឌ ដែលធ្លាប់ឆ្លងកាត់ការប្រកួតចំនួន១២៧ដង ឈ្នះ១១១ដង ចាញ់១៤ដង ស្មើ២ និងផ្តួលគូប្រកួតឲ្យសន្លប់២៨ដង ឬឯកីឡាករ ពេជ្រ សីហា ដែលឆ្លងកាត់ការប្រកួត១០៩ដង ឈ្នះ៨៦ដង ចាញ់១៦ដង ស្មើ៧ ដង នឹងធ្លាប់ផ្តួលគូប្រកួតឲ្យសន្លប់២៨ដង ចំណែកកីឡាករ សរ រាជសីហ៍ ធ្លាប់ឆ្លងកាត់ការប្រកួតចំនួន៤០ដង ឈ្នះ៣២ដង ចាញ់៧ដង ស្មើ១ដង និងផ្តួលគូប្រកួតឲ្យសន្លប់ចំនួន៨ដង។
ដោយឡែក កីឡាករថៃ ហ្វានិមិត្ត វិរិយៈហ្វាម (ធ្លាប់ប្រកួត១៨០ដង, ឈ្នះ១២៩ដង, ចាញ់៤៩ដង, ស្មើ២ និងផ្តួលដៃគូឲ្យសន្លប់៤០ដង) ខណៈ នំធីប ស រុងរ៉ាវី (ប្រកួត៧៥ដង, ឈ្នះ៦០ដង ចាញ់១០ដង ស្មើ៥ដង និងផ្តួលដៃគូឲ្យសន្លប់ចំនួន៥ដង) ចំណែក ផ្លាំងនុង លូកម៉ាខាមវ៉ាន (ប្រកួត៩២សង, ឈ្នះ៦៥, ចាញ់២១ និងស្មើ៦) និងកីឡាករ ធុតស៍ភុន ស.សុម៉ាលី (ប្រកួត៧០ដង, ឈ្នះ៥០, ចាញ់១៩, ស្មើ១ និងផ្តួលគូប្រកួតឲ្យសន្លប់២ដង)៕
Tag:
កីឡាប្រដាល់
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
