ពីនេះ ពីនោះ
តើពាក្យ «វិបលាស, វិបឡាស, និង វិបល្លាស» មួយណាទើបជាពាក្យត្រឹមត្រូវ?
× វចនានុក្រមរបស់សម្ដេចព្រះសង្ឃរាជ ជួន ណាត ពាក្យ «វិបល្លាស» ទើបជាពាក្យដែលត្រឹមត្រូវនៅក្នុងការសរសេរ។ ពាក្យនេះមានអត្ថន័យដូចខាងក្រោម៖
វិបល្លាស មានថ្នាក់ពាក្យជានាម មានន័យថា ការផ្លាស់ប្រែ, ដំណើប្រែប្រួល។ ឧទាហរណ៍៖ វិបល្លាសសញ្ញា, វិបល្លាសចិត្ត, វិបល្លាសទិដ្ឋិ វិបរិតសញ្ញា, ចិត្ត, ទិដ្ឋិ(ហៅតាមរបៀបថា សញ្ញាវិបល្លាស, ចិត្តវិបល្លាស, ទិដ្ឋិវិបល្លាស)។ វិបល្លាសក្នុងវេយ្យាករណ៍បាលី មាន៧ យ៉ាងគឺ១. អក្ខរវិបល្លាស ការបំប្លែងអក្ខរៈ, ២. លិង្គវិបល្លាស ការបំប្លែងលិង្គ, ដំណើរប្រែប្រួលលិង្គ, ៣. វិភត្តិវិបល្លាស ការបំប្លែងវិភត្តិ, ៤.វចនវិបល្លាស ការបំប្លែអវចនៈ, ៥. បុរិសវិបល្លាស ការបំប្លែងបុរិសៈ, ៦. កាលវិបល្លាស ការបំប្លែងកាល, ៧. វាចកវិបល្លាស ការបំប្លែអវាចកៈ, ដំណើរប្រែប្រួលវាចកៈ។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com