ពានសម្តេច ហ៊ុន សែន៖កំពង់ស្ពឺចាញ់ភ្ញៀវពីកណ្តាល ខណៈសៀមរាប និងស្វាយរៀង បន្តឈ្នះ

កីឡាជាតិ

ជាតិ

ពានសម្តេច ហ៊ុន សែន៖កំពង់ស្ពឺចាញ់ភ្ញៀវពីកណ្តាល ខណៈសៀមរាប និងស្វាយរៀង បន្តឈ្នះ

02, Mar 2016 , 8:38 pm

រូបភាព

ដោយ:

ពានរង្វាន់សម្តេច ហ៊ុន សែន ឆ្នាំ២០១៦ វគ្គជម្រុះបឋម នាថ្ងៃទី២ ខែមីនា ដែលមានក្រុមចូលរួមប្រកួតចំនួន១២ បានបញ្ចប់ហើយកាលពីល្ងាចមិញនេះ ដោយក្រុមម្ចាស់ និងក្រុមភ្ញៀវទទួលបានលទ្ធផលចាញ់ឈ្នះស្មើគ្នា។

ពានរង្វាន់សម្តេច ហ៊ុន សែន បានបញ្ចប់កាលពីល្ងាចមិញនេះដោយលទ្ធផលក្រុមម្ចាស់ផ្ទះ និងក្រុមភ្ញៀវទទួលបានចាញ់ឈ្នះស្មើគ្នា ក្នុងនោះពូល A ដែលជាការប្រកួតបើកឆាកក្រុមម្ចាស់ផ្ទះខេត្តកំពង់ស្ពឺងរងការបំបាក់របស់ក្រុមខេត្តកណ្តាល ២-០ ខណៈក្រុមក្នុងពូល B ក្រុមភ្ញៀវខេត្តស្វាយរៀង បានយកឈ្នះលើក្រុមម្ចាស់ផ្ទះយុវជនបឹងកេតអង្គរ ២-១ ចំណែកក្នុងពូល D ក្រុមភ្ញៀវខេត្តប៉ៃលិន បានយកឈ្នះលើក្រុមម្ចាស់ផ្ទះខេត្តបាត់ដំបង ៣-២។

ដោយឡែកក្រុមដែលត្រូវបានម្ចាស់ផ្ទះបំបាក់រួមមាន ខេត្តត្បូងឃ្មុំ ត្រូវបានក្រុមម្ចាស់ផ្ទះខេត្តព្រៃវែង លត់យ៉ាងចាស់ដៃ ៥-១ ខណៈក្រុមម្ចាស់ផ្ទះសៀមរាបអង្គរ បានលត់ក្រុមភ្ញៀវខេត្តឧត្តរមានជ័យ ៤-០ ចំណែកក្រុមម្ចាស់ផ្ទះ អ.ហ ខេត្តកំពង់ធំ បានបំបាក់ក្រុមខេត្តព្រះវិហារ ៥-១។

*លទ្ធផលការប្រកួតពានរង្វាន់សម្តេច ហ៊ុន សែន ថ្ងៃនេះ

ពូល A៖
-ខេត្តកណ្តាល ២ ខេត្តកំពង់ស្ពឺ ០ នៅកីឡដ្ឋានខេត្តកំពង់ស្ពឺ

ពូល B៖
-យុវជនបឹងកេតកំពង់ចាម ១ ខេត្តស្វាយរៀង ២ នៅកីឡដ្ឋានបឹងកេត
-ខេត្តព្រៃវែង ៥ ខេត្តត្បូងឃ្មុំ ១ នៅកីឡដ្ឋានព្រៃវែង

ពូល C៖
-សៀមរាបអង្គរ ៤ ខេត្តឧត្តរមានជ័យ ០ នៅកីឡដ្ឋានខេត្តសៀមរាប
-អ.ហ ខេត្តកំពង់ធំ ៥ ខេត្តព្រះវិហារ ១ នៅកីឡដ្ឋានខេត្តកំពង់ធំ

ពូល D៖
-ខេត្តបាត់ដំបង ២ ខេត្តប៉ៃលិន ៣ នៅកីឡដ្ឋានខេត្តបាត់ដំបង៕